1ይ ዮሃንስ 1 FHB Father's Heart Bible™

1 ¹እቲ ኻብ መጀመርታ ዝነበረ፥ እቲ ዝሰማዕናዮ፥ እቲ ብኣዒንትና ዝረአናዮ፥ እቲ ዝተመልከትናዮን ብኣእዳውና ዝተንከፍናዮን፥ ብዛዕባ እቲ ቓል ህይወት ዝኾነ ኢየሱስ ኢና እነውጅ። ^a a v1 ዮሃንስ በቲ ባዕሉ ዝተንከፎን ዝሰምዖን ናብቲ ሰብ ብምምልካት እዩ ዝጅምር፤ እቲ ቓል ህይወት ሓሳብ ዘይኮነ፥ ሰብ፥ ኢየሱስ እዩ። ²እታ ህይወት ተገለፀት፤ ንሕና ድማ ረአና፤ ንምስክረላ ድማ ኣለና፤ ነታ ምስ ኣቦ ዝነበረትን ናባና ዝተገለፀትን ናይ ዘለኣለም ህይወት ከዓ ነውጀልኩም ኣለና። ³እቲ ዝረአናዮን ዝሰማዕናዮን፥ ንስኻትኩምውን ምሳና ዓሚቝ ሕብረት ምእንቲ ኽህልወኩም፥ ነውጀልኩም ኣለና፤ እቲ ዓሚቝ ሕብረትና ድማ ምስ ኣቦን ምስ ወዱ ኢየሱስ ክርስቶስን እዩ። ⁴ሓጐስና ምሉእ ምእንቲ ኽኸውን ድማ፥ እዝ ነገራት እዙይ ንፅሕፍ ኣለና።

ብብርሃን ኣቦና ምኻድ

⁵እዙይ እቲ ኻብኡ ዝሰማዕናዮን ንኣኻትኩም እንነግረኩምን እዩ፦ ኣቦና ብርሃን እዩ፤ ፈፂሙ ፀልማት ኣብኡ የለን። ^b b v5 እቲ ንፁህ ብርሃን ዝኾነ፥ ጥላም ፀልማት እውን ዘይብሉ እግዚኣብሄር፥ ኣቦና እዩ፤ እዙይ ከዓ እቲ ኢየሱስ ዝፀወሮ፥ መሰኻኽሩ ድማ ዘመሓላለፍዎ መልእኽቲ እዩ። ⁶ምስኡ ሕብረት ከም ዘለና እናበልና፥ ብፀልማት እንተ ኸድና፥ ንሕሱ ኣለና፤ ነቲ ሓቂ ድማ ኣይንገብርን ኢና። ⁷ንሱ ኣብ ብርሃን ከም ዘሎ፥ ንሕናውን ብብርሃን እንተ ኸድና ግና፥ ንሓድሕድና ሕብረት ኣለና፤ ደም ወዱ ኢየሱስ ከዓ ኻብ ኵሉ ሓጢኣት የንፅሀና። ⁸ሓጢኣት ከም ዘይብልና እንተ በልና፥ ንርእስና ነታልል ኣለና፤ ሓቂ ድማ ኣባና የለን። ⁹ሓጢኣትና እንተ ተናዘዝና፥ ኣቦና ሓጢኣትና ይቕረ ኽብለልናን ካብ ኵሉ ዓመፅ ከዓ ኸንፅሀናን እሙንን ፃድቕን እዩ። ¹⁰ሓጢኣት ዘይገበርና እንተ በልና፥ ንእኡ ሓሳዊ ንገብሮ ኣለና፤ ቃሉ ድማ ኣባና የለን።