Fala ya Upulumuki Yapangizwa
Tsamba ya cinyindiro—kuti mudziwe tani kuti muna moyo wakusaya kumala, kufamba mu ceza, na kukhala m'ufuni.
1 1Cinthu cikhalipo kubulukira pakutoma, cinthu cidabva ife, cinthu cidaona ife na maso athu ene, cinthu cidalang'ana ife mbatiphata na manja athu—ici ndico tisacidziwisa thangwi ya Fala ya upulumuki, Yezu. a a v1 Juwau asatoma mukupangiza ule adamphata mbambva Iye ene—Fala ya upulumuki ndi munthu, Yezu, si manyerezero tayu. 2Upulumuki wapangizwa; ife tauona, mbatipereka umboni, mbatikupangani upulumuki wakukhonda kumala ukhali na Baba wathu mbaupangizwa kuna ife. 3Cidaona ife mbaticibva, ndico tisakupangani imwembo, toera mukhale na kuphatana kukulu na ife—kuphatana kwathu kukulu kuli na Baba wathu na Mwana wace, Yezu Kirixtu. 4Pontho tisalemba pinthu pyenepi toera kutsandzaya kwathu kukwane.
Kufamba mu Ceza ca Baba wathu
5Iyi ndi mphangwa idabva ife kuna Iye, mbatikupangani: Baba wathu ndi ceza—mwa Iye nkhabe cidima ata pang'ono. b b v5 Mulungu ule ali ceza cene, nkhabe mthunzi wa cidima mwa Iye, ndi Baba wathu—iyi ndi mphangwa idabweresa Yezu, mbaiperekwa na anyamboni ace. 6Tingalonga kuti tiri na kuphatana na Iye, mbwenye mbatifamba mu cidima, tisalonga uthambi, nee tisacita undimomwene. 7Mbwenye tingafamba mu ceza, ninga momwe Iye aliri mu ceza, tisakhala na kuphatana unango na ndzace, pontho ciropa ca Mwana wace Yezu cisaticenesa ku madawo onsene. 8Tingalonga kuti tiribe madawo, tisanyengeza ife ene, pontho undimomwene nkhabe mwa ife. 9Tingabweka madawo athu, Baba wathu ndi wakukhulupirika na wakulungama toera kutilekerera madawo athu, mbatitsuka ku pinthu pyonsene pyakuipa. 10Tingalonga kuti nee tadawa, tisamucita kukhala nyauthambi, pontho fala yace nkhabe mwa ife.
