యెషయా 18

18 ¹అయ్యో, కూషు నదులకు ఆవల ఉన్న రెక్కల ఝుంకారముగల దేశమా, ²సముద్రముమీద రాయబారులను పంపి, జలములమీద జమ్ము పడవలలో పంపునదానా. వేగముగల దూతలారా, ఎత్తుగలవారును నున్నని చర్మముగలవారునైన జనము వద్దకు, దూరమునను దగ్గరనను భయపడబడు ప్రజల వద్దకు, బలముగలదియు అణగద్రొక్కునదియు, నదులు విభజించు దేశముగలదియునైన జనము వద్దకు వెళ్లుడి. ³లోకనివాసులారా, భూమిమీద నివసించువారలారా, పర్వతములమీద ధ్వజము ఎత్తబడినప్పుడు చూడుడి! బూర ధ్వనించినప్పుడు ఆలకించుడి!

⁴మన తండ్రి నాతో ఇట్లు సెలవిచ్చెను: ఎండలో ప్రకాశించు వేడిమివలె, కోతకాలపు వేడిమిలోని మంచు మేఘమువలె, నేను ఊరకుండి నా నివాసస్థలములోనుండి చూచెదను.

⁵కోతకు ముందుగా, పుష్పించుట ముగిసి, మొగ్గ పండు ద్రాక్షగా మారునప్పుడు, మన తండ్రి పోటకత్తులతో చిగుళ్లను నరికివేసి, విస్తరించిన కొమ్మలను తీసివేసి కొట్టివేయును. ⁶అవి అన్నియు పర్వతముల మీది వేటాడు పక్షులకును భూమిలోని క్రూరమృగములకును విడిచిపెట్టబడును. వేటాడు పక్షులు వాటిమీద వేసవికాలము గడుపును, భూమిలోని క్రూరమృగములన్నియు వాటిమీద చలికాలము గడుపును. ⁷ఆ కాలమున ఎత్తుగలవారును నున్నని చర్మముగలవారునైన ప్రజలవలన, దూరమునను దగ్గరనను భయపడబడు ప్రజలవలన, బలముగలదియు అణగద్రొక్కునదియు, నదులు విభజించు దేశముగలదియునైన జనమువలన పరలోకపు సైన్యముల తండ్రికి కానుకలు తేబడును—పరలోకపు సైన్యముల తండ్రి నామస్థలమైన సీయోను పర్వతమునకు తేబడును.