Silemji Kwanda Kang'unyng'unyet
Kitaany tereenik koek saruryet ne po kaptisisyet koek kaboorunet, ago kong'ung'ye piik kogeny, ak kolabat Aron eng' kerichek koip nyamdutik ak kotononi kwenutap che kime ak che saboonen. Yeityo konerurta tereetap Aron agenge ak koun almon—kowolji Kwandanyo ng'ung'et eng' saboondo.
Ng'alaali Kwandanyo eng' mustarisyek 2–3, 10, 17–20, 25
17 1Ki leenji Kwandanyo Musa, kole:
2“Mwachi Eleazar weeriitap Aron tisiindet konam tereenik kobun maat, ak koseer maat koba loo—amu tiliileen tereenik. 3Tereenigap pichu murenik che kiyai tengek che kime. Itaany koik si koun kaptisisyet—amu ki kigoito icheek eng' tainnyu ak koik tiliileen—koek kaboorunet piigap Israel.”
4Ki nam Eleazar tisiindet tereenik che po perperyet che ki kigoito pichooto che ki kibeel, yeityo kotaany koik koek saruryet ne po kaptisisyet. 5Koek ne kibwaatee piigap Israel, si mata koriikyi toondet age tugul ne ma po iyoteetap Aron kobeel nyamdutik eng' taitap Kwandanyo, si mata koik ko uu Kora ak piikyik, ko uu ye ki mwachi Kwandanyo Aron eng' Musa.
6Eng' peetuut ne isubi ko ing'unyng'ung'ji tuiyet komugul ne po piigap Israel Musa ak Aron, kole, “Okweek ko kagobar piigap Kwandanyo.” 7Ye kityumgei tuiyet kotil let Musa ak Aron, koweek keerei emait ne kituiyechin, ak kotuch poliot emait, ak komong'u telunatetap Kwandanyo.
8Ki pwa Musa ak Aron taitap emait ne kituiyechin. 9Ki leenji Kwandanyo Musa, kole:
10“Oistoegei tuiyoni si ang'em icheek eng' kakwautyet agenge.” Ak ki ibutyigei ng'wony kotokyi togekwak.
11Ki leenji Musa Aron, “Nam tereet, inde maat oriit ne punu kaptisisyet, tes nyamdutik, ak iwe karon tuiyet si iyai kagaigaet agobo icheek, amu kaba nereegek kobun taitap Kwandanyo; katau koroito.”
12Ki nam Aron ko uu ye ki le Musa, ak kolabat kwenutap tuiyet—kiga kotau koroito among piik—ak kobeel nyamdutik, ak koyai kagaigaet agobo piik. 13Ak ki tonon kwenutap che kime ak che sobe, ak kegirinda koroito. a a v13 Tonanetap Aron kwenutap che kime ak che sobe si kogirin koroito ko koborunei Jeso, chiitap kwenut ne ki agenge ne tonone kwenutap kirwoogetap Kwandanyo ak piikyik, ak koyai kagaigaet eng' saboonennyi inegei. 14Pichooto che ki kime eng' koroito ko ki eliphuusyek taman ak ang'wan ak pogol tisap, koma pichooto che ki kime agobo Kora. 15Ki weekyigei Aron Musa eng' kurgeetap emait ne kituiyechin, amu kegirinda koroito. 16Ki leenji Kwandanyo Musa, kole:
17“Mwachi piigap Israel ak inam eng' icheek kirokto age tugul kobun kootap kwanisyek—kirokwek taman ak aeng' kobun pounikwak tugul ko uu kooriigap kwanisyekwak. Sirchi kainetap chii tugul kiroktonyi. 18Sirchi kainetap Aron kiroktotap Lawi, amu kirokto agenge kobun metitap koot age tugul ne po kwanisyek. 19Inde icheek eng' emaitap tuiyet eng' taitap paornateet, ole atuiyee ak okweek. b b v19 Paornateet ko mwaei koik che ki kisire ng'atuutyet, che kiriibe oriitap moinget ne mi tabendo. 20Komong' kiroktotap chiito ne alewen, si asilemji eng' tainnyu kang'unyng'unyetap piigap Israel che ong'unyng'ung'jino okweek.”
21Ki mwachi Musa piigap Israel, ak kigoochi pounik tugul kirokto—kirokto agenge kobun pounindet age tugul kobun koot age tugul ne po kwanisyek, kirokwek taman ak aeng'—ak mi kiroktotap Aron among. 22Ak ki inde Musa kirokwek eng' taitap Kwandanyo eng' emaitap paornateet. 23Eng' peetuut ne isubi ko chut Musa emaitap paornateet, ak konyoor kiroktotap Aron, ne po kootap Lawi, komong'—koit mulonok, koyesyo taaptook, ak koit almondisyek che kagoruryo. c c v23 Ibwaatei Hebrew 9:4 kiroktotap Aron ne ki komong', ne ki kigonor oriitap moinget. Saboon ne ki pun keet ne kome ko ki igaten tisiindet ne ki kilewen po Kwandanyo, ak koborunei Jeso, ne ki igat Kwandanyo tisiisyennyi eng' ye ki king'eetun ineendet kobun meet. 24Ki imut Musa kirokwek tugul kobun taitap Kwandanyo koba piigap Israel tugul; ki keer, ak konam chii tugul kiroktonyi.
25Ki leenji Kwandanyo Musa, “Weekyi kiroktotap Aron eng' taitap paornateet, keriibe koek kaboorunet piik ngelelik, si kolet kang'unyng'unyennywa che ong'unyng'ung'jino, si mata kome.”
26Ak ki yai Musa ko uu nooto; ko uu ye ki ng'at Kwandanyo ineendet, ko uu nooto ye ki yai. 27Ki leenji piigap Israel Musa, “Keer, kimeetei, kibetote, kibetote tugul! 28Chii age tugul ne riikyi, ne riikyi tabendotap Kwandanyo, kome. Tos kilusyo tugul?”