Kiy ne ki koun ne ki kigoochi Paulo
Mwaei Paulo amu nee si kaate: ki kigoochi kiy ne ki koun ne po Kwandanyo, kole Pororyosyek ko che punjin tuguuk togeennyi, ma toek. Kuurei ineegei ne ming'in miising' eng' sainooto tugul. Yeityo komamache kotebutyet ak koikony eng' taitap Kwanda, kosae kimnateet si koguiyo chamyet ne siir naet.
3 1Agobo niito, anee Paulo, chiito ne kaate ne po Kristo Jeso agobo okweek che oo Pororyosyek, a a v1 Kigoiteksei ng'olyootap Paulo yu, ak konames kogeny eng' “Agobo niito,” eng' istoeet 14. 2ngot kagogas agobo poisyetap myeeindo ne po Kwandanyo ne ki kigoono agobo okweek, 3ole ki kiboorun kiy ne ki koun eng' ng'ang'utyet, ko uu ye kagasiir kitigin eng' tai. 4Ye osomani niito, omuuchi ongen naennyu eng' kiy ne ki koun ne po Kristo, 5ne ki ma kingen piik eng' ibinwek che po keny, ago nguno ki king'aang'ji eng' Kabuuset ne Tiliil che kiyooktoikyik che tiliileen ak maotik, 6kole Pororyosyek ko che punjin tuguuk togeennyi, ak piigap poorto agenge, ak partik eng' arorutyet, eng' Kristo Jeso, eng' logoiywek che myach. 7Ka aegu otwogindetap logoiywechu che myach eng' kagoochinetap myeeindo ne po Kwandanyo, ne ki kigoono eng' kimnateennyi ne poisyei. 8Agot anee ne aa ne ming'in miising' eng' sainooto tugul, ki kigoono myeeindoni: si aamda mogornatosyek che po Kristo che ma kibwaan eng' Pororyosyek, 9ak aboorchi chii tugul ole kiyaei kiy ne ki koun, ne ki koun kobun agesen eng' Kwandanyo ne ki toi koyai tuguuk tugul, 10si kobiit eng' kaniset, kiboor nguno utaatyet ne chaang' kooriik ne po Kwandanyo eng' kiptainik ak che tinyei kimnateet eng' kipsengwet. 11Ki uu nooto ko uu mageet ne koigeny ne ki kosulda eng' Kristo Jeso Kiptaiyandennyo, 12ne kinyooru eng' ineendet teriindo ak ooreet ne kibwaatagei eng' kayaneet ne po ineendet. 13Nooto anyun asoomok: amat oaragense agobo nyalilwogik che anyalili agobo okweek—amu toroornateng'wong' nooto.
Saaei Paulo agobo nyietap Kwanda
14Agobo niito ang'uruuk kutung'oikyuk eng' taitap Kwanda, 15ne nyoorunee kaa age tugul ne mi kipsengwet ak ng'wony kainennyi, b b v15 Kaa age tugul ne mi kipsengwet ak ng'wony konyoorunee kainetnyi kobun Kwandanyo — ineendet ko taunetap kwandaet tugul, ak mami kaa age tugul ne tinyei kainetnyi ngot koma kobun ineendet. 16si kobun mogornatosyek che po toroornatennyi, koigimitok eng' kimnateet eng' Kabuusennyi, eng' kwenutap mugulelwekwak, 17si komeny Kristo eng' mugulelwekwak eng' kayaneet, ak okweek, ne orootei ak ne otononse eng' chamyet, 18si omuuchi, kobooto piigap Kamuktaindet tugul che tiliileen, onam tebeesindo ak koindo ak toroorindo ak asurto, 19ak ongen chamyetap Kristo, ne siirei naet, si kobiit kong'emok eng' nyiietap Kwandanyo tugul.
20Eng' Kwandanyo, ne muuchi koyai ne siirei che kisoomei anan che kiimagenei tugul miising', eng' kimnateet ne poisyei eng' echeek. 21Ingotebee toroornatet eng' ineendet eng' kaniset ak eng' Kristo Jeso, eng' ibinwek tugul, koigeny ak koigeny. Amen.