Aefesu 3 FHB Father's Heart Bible™

3 ¹Thangwi ya pyenepi, ine Paulu, nkaidi wa Kirixtu Yezu thangwi ya imwe a mitundu minango, ^a a v1 Fala ya Paulu isathima pano mbwenye isapitiriza pontho na “Thangwi ya pyenepi” mu vesi 14. ²ndisanyindira kuti mwabva kale pya utumiki wa kukoma ntima kwa Baba wathu kudapaswa ine thangwi ya imwe, ³kuti cinsinfu cidadziwiswa kwa ine na cibvumbulutso, ninga mudalemba ine mwakufupika padzulu. ⁴Mungaleri pyenepi, munakwanisa kudzindikira kubvesesa kwanga pya cinsinfu ca Kirixtu, ⁵cidakhonda kudziwika kwa anthu a mibadwo yakale, mbwenye cincino cabvumbulutswa na Nzimu kuna apostolo na aprofeta ace akucena, ⁶kuti amitundu ndi anthaka pabodzi, akhundu za manungo mabodzi ene, na akugawana pabodzi pikiro, mwa Kirixtu Yezu, kubulukira mu Mphangwa Zadidi. ⁷Ine ndakhala ntumiki wa Mphangwa Zadidi zenezi kubulukira mu muoni wa kukoma ntima kwa Baba wathu, kudapaswa ine na mphambvu yace inaphata basa. ⁸Maseze ine ndine nang'ono kakamwe pakati pa anthu onsene akucena, kukoma ntima uku kudapaswa ine: toera kumwaza kuna amitundu mpfuma za Kirixtu zakukhonda kuyeza, ⁹na kupangiza anthu onsene njira ya cinsinfu, cidabiswa mu pyaka pizinji mwa Baba wathu adacita pinthu pyonsene, ¹⁰toera kubulukira mu mpingo, udziwi wakusiyana-siyana wa Baba wathu udziwiswe cincino kuna atongi na anyamphambvu a kudzulu. ¹¹Pyenepi pyacitika mwakubverana na cifuno cakukhonda kumala cidakwanirisa Iye mwa Kirixtu Yezu Mbuya wathu, ¹²mwa iye tiri na cipapo na njira yakunyindirika yakufika kuna Baba kubulukira mu cikhulupiro mwa iye. ¹³Natenepo ndisakuphembani: lekani kufewa ntima thangwi ya nyatwa zanga thangwi ya imwe—ndi mbiri yanu.

Paulu Aphembera Kudzala kwa Baba

¹⁴Thangwi ya pyenepi ndisagodama maondo anga pamaso pa Baba, ¹⁵kuna iye banja ibodzi na ibodzi, kudzulu na pa dziko yapantsi, isatambira dzina yayo, ^b b v15 Banja ibodzi na ibodzi yakudzulu na pa dziko yapantsi isatambira dzina yayo kuna Baba wathu — Iye ndi ntomero wa ubaba onsene, nkhabepo banja inakwanisa kudzindikirika kunja kwa Iye. ¹⁶toera kubulukira mu mpfuma za mbiri yace akuwangiseni na mphambvu kubulukira mu Nzimu wace, nkati mwa umunthu wanu wankati, ¹⁷toera Kirixtu akhale mu mitima yanu kubulukira mu cikhulupiro, na imwe, mwakuzika midzi na mwakukhazikika mu kufuna, ¹⁸mukwanise, pabodzi na anthu onsene akucena a Mulungu, kukhala na mphambvu yakubvesesa kuthambalala na kutalika na kudzulu na kuzika, ¹⁹na kudziwa kufuna kwa Kirixtu, kunapita kudziwa, toera mudzaliswe na kudzala konsene kwa Baba wathu.

²⁰Kuna Baba wathu, anakwanisa kucita pizinji kakamwe kupita pyonsene pinaphemba ife peno pinanyerezera ife, kubulukira mu mphambvu inaphata basa muna ife. ²¹Mbiri kuna Iye mu mpingo na mwa Kirixtu Yezu, mu mibadwo yonsene, kwa muyaya na muyaya. Ameni.