Aefeso 3 FHB Father's Heart Bible™

3 ¹Nĩ ũndũ ũcio, niĩ Paũlũ, mũohwo wa Kristũ Jesũ nĩ ũndũ wanyu inyuĩ andũ a Ndũũrĩrĩ, ^a a v1 Ũhoro wa Paũlũ nĩũtinĩkĩte haaha, naguo ũgaacooka kwambĩrĩria rĩngĩ na ciugo “Nĩ ũndũ ũcio” harĩ mũhari wa 14. ²nĩndĩĩciiragia nĩmũiguĩte ũhoro wa ũrori wa wega wa Ithe witũ ũrĩa heeirwo nĩ ũndũ wanyu, ³o na ũrĩa hitho ĩyo yamenyithirio kũrĩ niĩ na ũguũrio, o ta ũrĩa ndĩĩandĩkĩire na nguhĩ igũrũ. ⁴Rĩrĩa mũrĩthoma ũndũ ũyũ, no mũhoote kũmenya ũrĩa niĩ ndaamenya hitho ĩyo ya Kristũ, ⁵ĩrĩa ĩtaamenyekete nĩ andũ njiarwainĩ iria ciahĩtũkire, no rĩu nĩyaguũrio nĩ Roho kũrĩ atũmwo aake atheru na anabii, ⁶atĩ andũ a Ndũũrĩrĩ nĩ agai hamwe, ciĩga cia mwĩrĩ o ũmwe, na arĩa magwatanĩire hamwe kĩĩranĩroinĩ, thĩinĩ wa Kristũ Jesũ, nĩ ũndũ wa Ũhoro-ũrĩa-Mwega. ⁷Niĩ ndaatuĩkire ndungata ya Ũhoro-ũrĩa-Mwega ũcio nĩ ũndũ wa kĩheeo kĩa wega wa Ithe witũ, kĩrĩa ndaaheeirwo nĩ hinya wake ũrĩa ũrutaga wĩra. ⁸O na gũtuĩka niĩ nĩ niĩ mũnini mũno wa andũ arĩa atheru oothe, wega ũyũ nĩndaaheeirwo: nĩ geetha hunjie ũtonga wa Kristũ ũrĩa ũtangĩthimĩka kũrĩ andũ a Ndũũrĩrĩ, ⁹na nyonie andũ oothe ũrĩa mũbango wa hitho ĩyo ũtariĩ, ũrĩa warĩ mũhithe kuuma tene thĩinĩ wa Ithe witũ ũrĩa woombire indo ciothe, ¹⁰nĩ geetha, nĩ ũndũ wa kanitha, ũũgĩ wa Ithe witũ ũrĩa wa mĩthemba mĩingĩ ũmenyithanio rĩu kũrĩ aathani na maahinya marĩa marĩ igũrũ. ¹¹Ũndũ ũyũ warĩ kũringana na muoroto ũrĩa wa tene na tene ũrĩa aahingirie thĩinĩ wa Kristũ Jesũ Mwathani witũ, ¹²thĩinĩ wake nĩtũrĩ na ũmĩrĩru na njĩra ya gũkuhĩrĩria tũrĩ na ũhoti, nĩ ũndũ wa gwĩtĩkia thĩinĩ wake. ¹³Nĩ ũndũ ũcio nĩndamũhooya atĩrĩ: mũtigakue ngoro nĩ ũndũ wa mĩnyamaro yakwa nĩ ũndũ wanyu—nĩyo riiri wanyu.

Paũlũ Ahooyagĩra Ũiyũru wa Ithe witũ

¹⁴Nĩ ũndũ ũcio nĩndaturia maru makwa mbere ya Ithe witũ, ¹⁵ũrĩa mbarĩ o yothe ĩrĩa ĩrĩ igũrũ na ĩrĩa ĩrĩ gũkũ thĩ yamũkagĩra rĩĩtwa rĩayo kuuma kũrĩ we, ^b b v15 Mbarĩ o yothe ĩrĩa ĩrĩ igũrũ na ĩrĩa ĩrĩ gũkũ thĩ yamũkagĩra rĩĩtwa rĩayo kuuma kũrĩ Ithe witũ — nĩ we kĩhumo kĩa ũthe wothe, na gũtirĩ mbarĩ ĩrĩ na ũrĩa ĩtariĩ hatarĩ we. ¹⁶nĩ geetha, kuumana na ũtonga wa riiri wake, amwĩkĩre hinya na ũhoti nĩ ũndũ wa Roho wake, thĩinĩ wa mũndũ wanyu ũrĩa wa thĩinĩ mũno, ¹⁷nĩ geetha Kristũ atũũre ngoroinĩ cianyu nĩ ũndũ wa gwĩtĩkia, na inyuĩ, mũrĩ na mĩri na mũrĩ mũhaande thĩinĩ wa wendo, ¹⁸mũhoote, hamwe na andũ arĩa atheru oothe a Ngai, kũgĩa na hinya wa gũkũũrana wariĩ, na ũraihu, na ũraihu wa na igũrũ, na ũriku, ¹⁹na mũmenye wendo wa Kristũ, ũrĩa ũkĩrĩte ũmenyo, nĩ geetha mũiyũrwo nĩ ũiyũru wothe wa Ithe witũ.

²⁰Nake Ithe witũ, ũrĩa ũhotaga gwĩka maũndũ makĩrĩte mũno marĩa mothe tũngĩhooya kana twĩciirie, nĩ ũndũ wa hinya ũrĩa ũrutaga wĩra thĩinĩ witũ, ²¹arotĩĩo thĩinĩ wa kanitha na thĩinĩ wa Kristũ Jesũ, njiarwainĩ ciothe, tene na tene. Amen.