Mi eng' bukuit

Poisyonigap che Kiyoktoi 6 FHB Father's Heart Bible™

Kiistoi 15% eng' kiy ne iale korook →
Bukuit

Piik Tisap che Kilewen si Koyai Poisyet

Kiometochi mosoogik che ng'alaali Yunani eng' kayaetap amitwogik che po kotugul, ak iman ing'unyng'unet. Kigoito che taman ak aeng' poisyoni murenik tisap che tinyei kainet ne myee, si koma ng'et ng'olyootap Kwandanyo. Age eng' icheek, Stephen, ng'alaali komyee miising' kot kochoor puunik kiplembechonik che kialdi.

Sura 6.

Eng' peetuusyechooto, ye kitesagis kasubik, ki ing'unyng'ung'ji Yahudik che ng'alaali ng'olyootap Yunanik Hebranik, amu ki kiometochi mosoogikwak eng' kayaetap amitwogik che po kotugul. a a v1 Yahudik che ng'alaalei ng'olyootap Yunani ko ma ki che ma Yahudik, ago ki Yahudik che iyanei, che ki ng'olyootap tai ak pitonweenywa ko po Yunani, ago ma po Aramaik; ak niito ko ne ki igoochi ometoni ne kimwae yu. Ki kuur anyun che taman ak aeng' kasubik tugul koyumgei, ak kole, “Ma karaaran si keometochi ng'olyootap Kwandanyo si kiyai poisyetap mesaisyek. Olewen anyun, okweek che kitupche, murenik tisap eng' kwenung'wong', che tinyei kainet ne myee, che nyi Kabuuset ne Tiliil ak utaatyet, che keinde eng' poisyoni. Ago acheek ko kiindegei eng' saaet ak eng' poisyetap ng'olyoot.”

Ki chaam tuiyet komugul ng'olyoot, ak kilewen Stephen—ne nyi kayaneet ak Kabuuset ne Tiliil—kobooto Philipu, Prokoro, Nikanor, Timon, Parmena, ak Nikolao ne po Antiokia, ne ki chut kanamwet. Ki imut pichu eng' taitap che kiyooktoi, che ki sa ak koyogoito eunekwak parak.

Ki yom ng'olyootap Kwandanyo, ak kitesagis kasubik miising' eng' Jerusalem; ak kigase iit kayaneet tisiik che chaang'.

Konam Puuniguk Stephen

Ki yai Stephen, ne nyi myeeindo ak kimnateet, kwang'utik che eecheen ak kaboorunoik eng' piik. Ki ng'eet alak che po sinagogit ne kiguure ne po Che Ki Ityaach—Kirenaik, Aleksandriaik, ak piik che po Kilikia ak Asia—si kobolji Stephen. Ago ma ki muuchi kotonon agaigai utaatyet ak Kabuuset ne ki ng'alaali ineendet. Ki ng'at anyun piik eng' ng'aalseet kole, “Kigegas kong'alaali ng'aleek che yaacheen agobo Musa ak Kamuktaindet.” Ki ing'eet piik, ak poisyek, ak siriik; ki pwanji ineendet, konam, ak komut kwo kapkirwooget. Ki imut paorinik che po lembech, kole, “Ma wei chiichi kong'alaali ng'aleek agobo olito ne tiliil ak ng'atuutyet. Amu kigegas kole wendi Jeso ne po Nazareth ni koeng'em olito, ak kowal pitonwek che ki kigoonech Musa.” Ki chiiljin kong' ineendet tugul che ki tebee eng' kapkirwooget, ak kogeer togeennyi ko uu togeetap angeet.