Khangenla Müt Nyet Pienbei
Grikbü ngühang lenbü latnyu shuong chalou danbü shaushang wailetan kikei, hoba nyamnyambü kho ngühmai ki. Anthüknyi shuongei seneibü Bou ngüh alamlea shanga ho chühletbü müt nyet pienbü shuong la phokukei. Haoen ka cheei, Stifanei, aei maibüa joyoko ka, haoeibü amaibü shuongei munamei lebü amlangbü lenbü shuong la songkei.
6 1Kho jihsiphaia, eikshuong bukkoyaangko haujinei, Grikbü ngühang lenbü Jihudabüei Ibribü khulimbo nyamnyambei, aishanga chaangbou shausiyung phejana haoeneibü latnyu shuong wailetkei. a a v1 Hibü “Grikbü ngühang lenbü Jihudabü” kho küksithang mütshuong aying, lausikei haoeneibü shaangbü ngühang hoba songle Aramaik aying, Grik kibü Jihuda mailembü shuong kikei — habü lulu ngelabüei hanei lenbü wailetbü thungeikei. 2Kheijinei Anthüknyi shuongei eikshuong pendou huishaikei hoba laukei, “Senei shaushang khangenla shanga Boueibü ngüh wailetda kho tükde aying. 3Kheijinei, jaisinasi shuong, kan yoa müt nyet pienashi, mü maibü, Soushou Saopobü hoba songsihonei shenbü, haoen ho kümsilei to künei pienlabü. 4Lausikei künei welaubü hoba ngüh khangenbü ka künlolo kulabü.”
5Tan pendouei ho ngüh olintikei, hoba haoenei mailem hoba Soushou Saopobüei shenbü Stifan pienkei, hoba Filip, Prokora, Nikanor, Timna, Parmena, hoba Antiokbü mailem to tensepbü Nikola yoan pienkei. 6Haoenei habü müt kho youkoikjai shuong thedanga sungbakei, hoba haoenei welaukei hoba haoen to haoeneibü ik shangetkei.
7Boueibü ngüh haajung haukei, hoba Jerusalema eikshuong aei bukkoyaangkei; ungshedbou juongei mailem to ngühaleko yeikei.
Stifan Dangbou Shuongei Lapbei
8Tou Stifan, onou hoba hauei shenbü, mütshuong yoa seikümseilei yaangbü hoba tetsida kümbei. 9Atei, Ngühtet Yeibü dogo nyenbü sinagog ka—Sairinbü, Aleksandriabü, hoba Silisia si Asiabü müt shuong—loenan Stifan to oyokei. 10Lausikei haoei joyobü songsihon hoba Soushou khulimbo haoen atshaphambei. 11Kheijinei haoenei müt shuong to huonei sakkuko laukei, “Künei hao Mosa hoba Mühghaü khulimbo tenyiku ngüh laubü ditkei.” 12Haoenei mütshuong, jaishou shuong, hoba Ngühkhüm lenbou shuong thungeikei; hoba hao jungto louan, hao lapbei, hoba hao Khukabü Kambü thedanga leian haukei. 13Haoenei amlangbü aukabü leian loukei, hoba laukei, “Ho mütei ho saopobü shang hoba Ngühkhüm khulimbo joyobü ladangkei athonda. 14Aishanga künei hao, ho Nazaretbü Jisuei ho shang mautilabü hoba Mosaei kün la kubü song shuong jeilabü dogo laubü ditkei.” 15Khukabü Kambüa setbü pendouei hao to tangko chühkei, hoba haoeibü thenyek khuthük hangangbü thenyek tegü kikei dogo hapbei.
