يو نوے سندره
يو زبور.
د هغه څه لپاره د بریا سندره چې لا دمخه بشپړ شوی — هغه نجات چې زموږ پلار د خپل لاس په زور وګاټه او کتونکو قومونو ته یې ښکاره وښود، او له اسرائیل سره یې وفا وکړه. بیا سازونه پیل کېږي، سیندونه چکچکې وهي او غونډۍ سندرې وايي، ځکه چې هغه د عادلانه قضاوت لپاره راځي.
98 1زمونږ پلار ته نوے سندره ووايئ، ځکه چې هغۀ عجيب کارونه کړى دى؛ د هغۀ ښى لاس او د هغۀ پاک بازو خلاصون ته رسولے دے. 2زمونږ پلار خپل خلاصون ښکاره کړو؛ د قومونو په نظر کښې يې خپل صداقت څرګند کړو. 3هغۀ د اِسرائيل د کور دپاره خپله مينه او خپله وفادارى په ياد ساتله؛ د زمکې ټولو کنارو زمونږ د پلار خلاصون وليدو.
4اے ټولې زمکې، زمونږ پلار ته د خوشحالۍ نارې وهئ؛ د خوشئ سندرو ته مخ کړئ او ثناء ووايئ. 5زمونږ پلار ته په ربابِ ثناء ووايئ، په رباب او د سُر په آواز. 6په بيګلو او د ښکر په آواز، زمونږ پلار، بادشاه، د مخ په وړاندې د خوشحالۍ نارې وهئ.
7بحر دې غوغا وکړى او هر څۀ چې په هغې کښې دى؛ دُنيا او ټول چې په هغې کښې اوسيږى. 8سيندونه دې خپل لاسونه ووهى؛ غرونه دې يو ځائ د خوشحالۍ سندرې ووايى، 9زمونږ د پلار په وړاندې، ځکه چې هغه د زمکې د انصاف دپاره راځى. هغه به په صداقت دُنيا باندې انصاف کوى، او قومونو باندې په برابرۍ.
