Notun Geet Ekta
Ekta Geet.
Age-pora khotom hoi jaise kaam nimite ekta jit laga gana — amar Pitri Tar nijor hath pora jiti luwa poritran, aru sai thaka jati khan laga age te khuli kene dikhaise, Israel logot te biswas rakhi kene. Titia baja khan bojai aru nodi khan hath tali mare aru pahar khan gana kore, kele koile Tai thik pora bisar koribole ahi ase.
98 1Amar Pitri ke notun geet ekta gabi, kilemane Tar pora asurit kaam khan korise; Tar dyna hath aru Tar pobitro bahu pora Tar nimite poritran ani dise. 2Amar Pitri pora Tar poritran janai dise; desh khan laga age te Tar dharmikota dikhai dise. 3Tar pora Israel laga ghor nimite Tar vachan laga morom aru Tar biswasto thaka monte rakhise; prithibi laga sob kinar khan pora amar Pitri laga poritran dikhise.
4Pura prithibi, amar Pitri ke khushi pora hala koribi; khushi laga geet gabi aru stuti koribi. 5Amar Pitri ke bina pora stuti koribi, bina aru sur laga mitha awaj pora. 6Tutri aru singa laga awaj pora, Raja, amar Pitri laga age te khushi pora hala koribi.
7Samundar aru etu bhitor te thaka sob jinis garja koribi; prithibi aru ta'te thaka sob manuh khan bhi. 8Nodi khan pora hath tali bajabi; pahar khan eke logote khushi pora gabi, 9amar Pitri laga age te, kilemane Tar pora prithibi ke bisar koribole ahhi ase. Tar pora prithibi ke dharmikota pora bisar koribo, aru manuh khan ke sidha niyai pora bisar koribo.