زمونږ پلار بادشاهى کوى

اور، برېښنا او ویلې کېدونکي غرونه د هغه اعلان کوي، خو د هغه تخت بنسټ صداقت او انصاف دی. د بتانو عبادت کوونکي شرمېږي، صیون خوشاله دی، او عملي لارښوونه یوازې یوه کرښه ده: تاسو چې له زموږ پلار سره مینه لرئ، له بدۍ کرکه وکړئ.

څپرکی 97.

زمونږ پلار بادشاهى کوى! زمکه دې خوشحاله شى؛ ډېر ساحلى ملکونه دې خوشحالى وکړى.

وريځې او کلک تيارۀ د هغۀ شاوخوا دى؛ صداقت او اِنصاف د هغۀ د تخت بُنياد دے. اور د هغۀ مخکښې روان وى او د هغۀ دښمنان له هرې خوا نه سوځوى. د هغۀ بريښنا دُنيا روښانه کوى؛ زمکه وينى او رپيږى. غرونه د موم په شان ويلى کيږى، د زمونږ پلار په وړاندې، د ټولې زمکې د مالِک په وړاندې. آسمانونه د هغۀ د صداقت اعلان کوى، او ټول قومونه د هغۀ لوئى وينى.

هغه ټول چې د تراشلو بتانو عبادت کوى شرمنده کيږى، هغه چې په بې‌کاره بتانو فخر کوى؛ اے ټولو دېوتو، د هغۀ عبادت وکړئ! ^a

صيون اورى او خوشحاله کيږى، او د يهوداه لوڼه خوشحالى کوى ستا د عدالتونو په سبب، اے زمونږ پلاره. ^b ځکه چې تۀ، اے زمونږ پلاره، په ټوله زمکه باندې تر ټولو اوچت يې؛ تۀ د ټولو دېوتو نه ډېر اوچت کړے شوے يې.

اے تاسو چې د زمونږ پلار سره مينه کوئ، د بدۍ نه نفرت وکړئ! هغه د خپلو وفادارو ژوند ساتى؛ هغه دوئ د بدکارو د لاس نه خلاصوى. رڼا د صادقانو دپاره کرلے شوې ده، او خوشحالى د هغو دپاره چې په زړۀ کښې نيک وى. اے صادقانو، په زمونږ پلار کښې خوشحالى وکړئ، او د هغۀ پاک نوم شُکر اداء کوئ.