د پيتل قربانګاه
د برنجو یوه ښکر لرونکې قربانګاه په یوه انګړ کې ولاړه ده چې د کتاني پردو کټاره لري پر هغو ستنو چې د سپینو زرو کړۍ لري، یو ټاکلی ځای د یوې دروازې سره، چېرته چې نذرانې لیدل کېږي. اسرائيل د زیتون فشار شوی تېل برابروي ترڅو هارون او زامن یې له ماښامه تر سهاره یو څراغ بل وساتي.
27 1”قربانګاه د کيکر د لرګى نه جوړه کړه: اوۀ نيم فټه اوږده، اوۀ نيم فټه پلنه، څلور کُنجه، او څلور نيم فټه جګه. 2د دې په څلورو ګوټونو باندې ښکرونه جوړ کړه، داسې ښکرونه چې د دې سره يو ټوټه وى؛ په دې باندې د پيتل ملمع وکړه. 3د دې د ايرو د وړلو دپاره لوښى جوړ کړه، بيلچې، لګنونه، څنګالونه او د اور لوښى؛ د دې ټول سامان د پيتل جوړ کړه. 4د دې دپاره د جالى شکل ژغه جوړه کړه، د پيتل جال؛ او د جال په څلورو ګوټونو باندې د پيتل څلور کړۍ جوړې کړه. 5دا د قربانګاه د څنډې نه لاندې کېږده، دې دپاره چې جال د قربانګاه تر نيمائى پورې ورسيږى. 6د قربانګاه دپاره بنډې جوړې کړه، د کيکر د لرګى بنډې، او په دې باندې د پيتل ملمع وکړه. 7بنډې د کړيو نه داسې تېرې کړه چې د قربانګاه په دواړو خواؤ وى، دې دپاره چې دا پورته کولے شى. 8دا د تختو نه داسې خالى جوړه کړه، لکه څنګه چې تا ته په غر باندې وښودلے شوه—هم هغه شان دوئ دا جوړه کړى.
احاطه
9”د خېمې احاطه جوړه کړه: د سوېل په خوا باندې د ښۀ اوبدلى سپين ټوکر پردې، د هغې خوا دپاره تقريباً سل پنځوس فټه اوږدې. 10شل ستنونه د شلو د پيتل بنياد سره؛ د ستنونو ککرۍ او پټۍ، د چاندى. 11د شمال په خوا هم، پردې سل پنځوس فټه اوږدې، د شلو ستنونو، د شلو د پيتل بنياد، او د ستنونو دپاره د چاندى ککرۍ او پټۍ سره. 12د احاطې د لوېديځ د پلنوالى دپاره: پردې پنځه اويا فټه اوږدې، لس ستنونه، لس بنيادونه. 13د ختيځ په خوا د احاطې پلنوالے، د نمر د راختو په لور، تقريباً پنځه اويا فټه دے. 14د دروازې د يوې خوا دپاره پردې: تقريباً دوه ويشت نيم فټه، د درېو ستنونو او درېو بنيادونو سره. 15په بله خوا، پردې دوه ويشت نيم فټه، درې ستنونه، درې بنيادونه. 16د احاطې د دروازې پردۀ: دېرش فټه، آسمانى، ارغوانى او سور رنګ د ښۀ اوبدلى سپين ټوکر سره، ګُل کارى شوے، د څلورو ستنونو او څلورو بنيادونو سره. 17د احاطې چاپېره ټول ستنونه: د چاندى په پټيو سره، ککرۍ د چاندى، بنيادونه د پيتل. 18احاطه: تقريباً سل پنځوس فټه اوږده، هر ځائ کښې پنځه اويا فټه پلنه، اوۀ نيم فټه جګه—د ښۀ اوبدلى سپين ټوکر، د پيتل بنيادونه. 19د خېمې ټول سامان، چې هر څۀ دپاره استعمالېږى، د دې ټولې مېخونه، او د احاطې مېخونه—ټول د پيتل.
د دائمى څراغ دپاره تيل
20”د اِسرائيل اولاد ته حُکم وکړه چې تا له د رڼا دپاره د زيتُون صفا، زيږلى تيل راوړى، دې دپاره چې يو څراغ تل بل ساتلے شى. 21د مُلاقات په خېمه کښې، د شاهدۍ مخکښې د پردې نه بهر، هارون او د هغۀ زامن دا د پلار په مخکښې د ماښام نه تر سحره وساتى—د دوئ د نسلونو دپاره يو دائمى قانون، د اِسرائيل د اولاد په طرف نه.“ a a v21 ”شاهدى“ د شريعت هغه د ډبرو تختو ته اشاره کوى چې د لوظ په صندوق کښې ساتلے شوى وُو.
