Avāwui Ngarān Pangshap Kasingabing Otli
Ramwui ain kasāabingli ithumwui Avāwui khamāngli haira, chieina saman kala zanglu mamanglak eina tamilu. Chiwui thili ma̱khathui leiman akhamāng leishikhami, kaja chiwui ngasāna kharānli ngashanda mahāmangmana chieina ainbing ungshungngasaka. Atam kanaihaira; zingkhangarāwui phi khuilu.
13 1Mi saikorana pangshap kasingabingli hamsangra, khiwui vangkhala pangshap akhala ithumwui Avāwui eina maningla maleimana, kala khalei pangshap chi ithumwui Avāna haikahaina. 2Chiwui vang eina pangshapli ngakaikashe a china ithumwui Avāna sakāmi kahai chili ngakaikashina, kala ngakaikashebingna athum khalatta bichar samphangra. 3Kaphā otsak kasābingna khamungabingli ngachee khavai maleimana, kha makaphā otsak kasābingna ngacheera. Pangshapli mangacheewui ningngaila? Kaphā sālu, chieina nana awui ngahānkhangai samphangra. 4A china nathumwui kaphāwui vang ithumwui Avāwui raona. Kha nana khangui sāakha, ngacheelu; kaja ana raighai chi aremali maphungmana. A china ithumwui Avāwui raona, makaphā kasābingli malungkhavāt khuirāmi athut khuiki kajipana. 5Chiwui vang eina tandi khami leihaowui vangmāng maningla, kha mashun-makhuiwui vangla nathumna hamsangra. 6Chiwui vang eina nathumna khāshinā khamira, khiwui vangkhala pangshap kasingabing chiya ithumwui Avāwui otram khangatha̱bing, hi otli chigatchao kahaibingna. 7Leiman kahai saikora milu: khāshinā khavaili khāshinā, shai khavaili shai, khayāshi khavaili khayāshi, khayākakā khavaili khayākakā milu.
Leikashina Ain Ungshungmi
8Akha eina akha leishi ngarok maningakha, khipālikhali khiotkha leiman mazangalu; khiwui vangkhala kateili leishi china ainli ungshungmira.
9Khiwui vangkhala ningkhami saikora—"Maphophāpaimana, mi mashaothatpaimana, maleepaimana, mangamarpaimana"—kala khangatei ningkhami khinidala, tui akhali ngarumhaira: "Nawui khongnainaoli nakhalatta thāda leishilu."
10Leikashina khongnainaoli khayon masāmana; chiwui vang eina leikashi china ainwui ungshungkhamina.
11Atam chi theida hi sālu: nathum pi eina ngakarthuiwui atam ungshunghaira; kaja ithumna khare shitsanga tharanwui eina ara huikhami chi nganaimeihaira. 12Ngayā kānnaikhaya, ngashun nganailakhaira. Chiwui vang eina tangkhamangwui otsak raikhuilaga kahorwui raisari shaksākhuisa. 13Ngashun kahorli thāda achamna zatusa; lumkhalao kala khamarip, shuikhangashai kala sokhamasāp, khanganang kala yuikashi masaasa. 14Kha Proho Jishu Khristali shaksākhuilu; phasāwui ningkachāng ungshungmi khavai khangarān masāalu.
