Joshua 19

19 ¹Ka̱lā yanglaga kakhane chi Simeonshiwui vang, Simeon shangwui mibing athum shimkhurwui athishurda ungtāhaowa. Athumwui shimlui chi Judah shangwui shimluiwui alungli lei. ²Athumwui shimlui chi Beer-sheba, Sheba, Moladah, ³Hazar-shual, Balah, Ezem, ⁴Eltolad, Bethul, Hormah, ⁵Ziklag, Beth-marcaboth, Hazar-susah, ⁶Beth-lebaoth, kala Sharuhen: athumwui kha̱bing eina ngasoda keinung tharāda kathum; ⁷Ain, Rimmon, Ether, kala Ashan: athumwui kha̱bing eina ngasoda keinung mati; ⁸kala hi keinungbing kuimareida khalei kha̱bing saikora, Baalath-beer, Negebwui Ramah vāshungda. Hi athum shimkhurwui athishurda Simeon shangwui shimluina. ⁹Simeon shangwui shimlui chi Judah shangwui yarwui eina khami, kaja Judah shangwui yar chi athumwui vang reikhamei thada kahakva sai; chieina Simeonna Judahwui shimlui alungli shimlui samphanga.

Avāwui shimlui Zebulunshi vang

¹⁰Kakathuma kalā chi Zebulun shangwui mibing athum shimkhurwui athishurda shanga. Athumwui shimluiwui thari Sarid vāshunga. ¹¹Athumwui thari chi zingtunshong Maralah shanga, kala Dabbeshethli sāza̱da, Jokne-amwui zingshoshong khalei kongrā chili tāshunga. ¹²Sarid eina thari chi zingshoshong, zimik kashokshong ngareikhuilaga, Chisloth-taborwui thari vāda, Daberath tāshunglaga Japhia shanga. ¹³Chiwui eina thari chi zingshoshong Gath-hepher kala Eth-kazinli tāda, Rimmonli ungtaida Neahli vākuikhui. ¹⁴Atungshong thari chi Hannathon vākuikhuilaga Iphtah-elwui tampākli ungtanga. ¹⁵Kala chiwui lungli Kattath, Nahalal, Shimron, Idalah, kala Bethlehem zanga: athumwui kha̱bing eina ngasoda keinung tharāda khani. ¹⁶Keinung hibing kala athumwui kha̱bing hi Zebulun shangwui mibingli shimkhurwui athishurda shimluina.

Avāwui shimlui Issacharshi vang

¹⁷Khamate kalā chi Issacharshiwui vang, Issachar shangwui mibing athum shimkhurwui athishurda ungtai. ¹⁸Ashiwui leiret chi Jezreel, Chesulloth, Shunem, ¹⁹Haphara-im, Shion, Anaharath, ²⁰Rabbith, Kishion, Ebez, ²¹Remeth, En-gannim, En-haddah, kala Beth-pazzez. ²²Thari chi Tabor, Shahazumah kala Beth-shemesh vāza̱da Jordan eina atanga: athumwui kha̱bing eina ngasoda keinung tharāda tharukna. ²³Keinungbing kala athumwui kha̱bing hi Issachar shangwui mibingli shimkhurwui athishurda shimluina.

Avāwui Shimlui Asherwui Vang

²⁴Kaphangā ka̱lā chi Asher shangwui mibingwui vang athumwui shimkhurwui athishurda ungtāhaowa. ²⁵Ashiwui leiret chi Helkath, Hali, Beten, Achshaph, ²⁶Allammelech, Amad, kala Mishal; zingtunshong Carmel kala Shihor-libnath vāza̱ya. ²⁷Thari chi zingshoshong Beth-dagonli ngareikhuida, Zebulun kala Iphtah-el tampāk vāza̱da, atungshong Beth-emek kala Neiel vāshunga, ngayāshong Cabulli ungtai, ²⁸kala Ebron, Rehob, Hammon, kala Kanah, Kahaka Sidon vāshungda. ²⁹Thari chi Ramah kala raipan sākahai keinung Tyreli ngareikhuida, Hosahli ngareikhuida, kala Achzibwui ngaleili shamadru eina atanga, ³⁰Ummah, Aphek, kala Rehob: athumwui kha̱bing eina ngasoda keinung maga̱da khanina. ³¹Keinung hibing kala athumwui kha̱bing hi Asher shangwui mibingli shimkhurwui athishurda shimluina.

Avāwui Shimlui Naphtaliwui Vang

³²Naphtali shangwui mibingwui vang athumwui shimkhurwui athishurda, katharuka ka̱lā chi Naphtali shangwui mibingwui vang ungtai. ³³Ashiwui thari chi Heleph eina, Za-anannimwui shirimthing eina, Adami-nekeb kala Jabneel kānvāda Lakkum vāshunga, Jordan eina atanga. ³⁴Thari chi zingtunshong Aznoth-tabor vākuikhuida, chiwui eina Hukkok vāshunga, azingshong Zebulun eina tanga, zingtunshong Asher eina tanga, kala zingshoshong Jordanli Judah eina tanga. ³⁵Raipan sākahai keinungbing chiya Ziddim, Zer, Hammath, Rakkath, Chinnereth, ³⁶Adamah, Ramah, Hazor, ³⁷Kedesh, Edre-i, En-hazor, ³⁸Iron, Migtal-el, Horem, Beth-anath, kala Beth-shemesh: athumwui kha̱bing eina ngasoda keinung tharāda chiko. ³⁹Hithāda keinungbing kala chiwui kha̱bing eina ngasoda Naphtali shangli shimkhurwui athishurda shimlui mi.

Danwui Vang Avāwui Yar

⁴⁰Kashine kalā chi Dan mibingwui shangli athumwui shimkhur athishurda ungtāhaowa. ⁴¹Athumwui shimluiwui leiretli khalei Zorah, Eshta-ol, Ir-shemesh, ⁴²Sha-albin, Aijalon, Ithlah, ⁴³Elon, Timnah, Ekron, ⁴⁴Elteke, Gibbethon, Baalath, ⁴⁵Jehud, Bene-berak, Gath-rimmon, ⁴⁶Me-jarkon, kala Rakkon, Joppa arāp shangda khalei leiret eina ngasoda. ⁴⁷Danwui mibingwui leiret chi athumwui eina pākthui tharan, athumna unglaga, Leshemli ngararda, chi khui, raighai eina sāthatserhaowa, chi ngapaikhuida, chili sompama, kala athumwui awova̱ Danwui ming khuida Leshemli Dan hohaowa. ⁴⁸Hithāda keinung hibing kala chiwui kha̱bing eina ngasoda Danwui shimkhurwui athishurda shimlui mi.

Joshuawui Vang Avāwui Lemmet

⁴⁹Israelnaobingna ngalei chi chiwui thari athishurda ngayar kupkahaiwui thili, athumna athumwui lungli Nunwui naomayara Joshuali shimlui mihaowa. ⁵⁰Ithumwui Avāwui kakaso athishurda, athumna ana pokahai keinung, Ephraimwui kaphungramli khalei Timnath-serah chi ali mihaowa. Ana keinung chi sakāluishita, kala chili pamhaowa. ⁵¹Pāngmon Eleazar, Nunwui naomayara Joshua kala Israel shangbingwui shimkhurwui akhavābingna Shilohli kazip khavai kachonshimwui khāmongpheili ithumwui Avāwui mangāli kalā eina ngayarkhami shimlui chi hibingna. Hithāda sāda athumna ngalei ngayar kuphaowa.