Me basika na mukanda
Dibuku

Kabu ya Tata samu na Simewone

Bitezo sambanu ya nsuka, kifumba na kifumba, ti Simewone yina bakaka mvwilu ya yandi na kati ya ndambu ya nene ya Yuda. Dane vidisaka ntoto ya yawu mpe bakaka ya nkaka na ngolo na lweka ya node. Kaka na nsuka Yeswa bakaka mbanza na lutumu ya Tata ya beto—muntu yina kabulaka ntoto bakaka ya yandi na nsuka.

Kapu 19.

Kitezo ya zole basikaka samu na Simewone, kifumba ya bana ya Simewone, na makanda ya bawu mosi-mosi. Mvwilu ya bawu vwandaka na kati ya mvwilu ya Yuda. Bawu bakaka mutindu mvwilu ya bawu: Beele-Seba, Seba, Molada, Asale-Suwale, Balame, Eseme, Eletolade, Betule, Olema, Sikelange, Bete-Makabote, Asale-Susa, Bete-Lebawote mpe Saruyene. Lutangu ya bambanza vwandaka kumi na tatu na babwala yina vwandaka pene-pene na yawu; Ayine, Limone, Etele mpe Asane. Lutangu ya bambanza vwandaka yiya na babwala yina vwandaka pene-pene na yawu; mpe babwala nyonso yina ke zungaka bambanza yayi, tii na Baalate-Beele, mpe Lama na Nengeve. Yina ni mvwilu ya kifumba ya Simewone, na makanda ya bawu mosi-mosi. Mvwilu ya Simewone katukaka na ndambu ya Yuda, samu ti ndambu ya Yuda vwandaka nene kuluta samu na bana ya Simewone. Ni yawu yina, bana ya Simewone bakaka mvwilu ya bawu na kati ya ntoto ya Yuda.

Kabu ya Tata samu na Zabulone

Kitezo ya tatu basikaka samu na bana ya Zabulone, na makanda ya bawu mosi-mosi. Ndilu ya mvwilu ya bawu kumaka tii na Salide. Ndilu ya bawu kwendaka na lweka ya wesete tii na Malala, yawu simbaka Dabesete mpe yawu kumaka na muzumba yina kele na esete ya Yokeneyame. Katuka na Salide, yawu balukaka na lweka ya esete, na lweka ya kubasikila ntangu, tii na ndilu ya Kiselote-Tabole, yawu landaka tii na Dabelate mpe yawu tombukaka tii na Yafya. Katuka kuna, yawu lutaka na lweka ya esete tii na Ngate-Yefele mpe Ete-Kasine, mpe yawu basikaka na Limone, yawu bendaka na lweka ya Neya. Na node, ndilu balukaka tii na Anatone mpe yawu sukaka na muzumba ya Ifeta-Ele. Yawu vwandaka mpe na Katate, Nayalale, Simelone, Idala mpe Betelemi. Bambanza nyonso vwandaka kumi na zole, ti babwala ya yawu. Mvwilu ya bana ya Zabulone, na makanda ya bawu mosi-mosi, vwandaka bambanza yayi ti babwala ya yawu.

Kabu ya Tata samu na Isakale

Kitezo ya yiya basikaka samu na Isakale, samu na bana ya Isakale, na makanda ya bawu mosi-mosi. Ntoto ya bawu vwandaka na Yizeleele, Kesulote, Suneme, Afalayime, Siyone, Anaalate, Labite, Kisyone, Ebese, Lemete, Eyine-Nganime, Eyine-Ada mpe Bete-Pasese. Ndilu simbaka Tabole, Saazuma mpe Bete-Semese, mpe yawu sukaka na Yolodani. Bambanza nyonso vwandaka kumi na sambanu, ti babwala ya yawu. Mvwilu ya kifumba ya bana ya Isakale, na makanda ya bawu mosi-mosi, vwandaka bambanza ti babwala ya yawu.

Kabu ya Tata samu na Asele

Kitezo ya tanu basikaka samu na kifumba ya bana ya Asele, na makanda ya bawu mosi-mosi. Ntoto ya bawu vwandaka na Yelekate, Ali, Betene, Akesafe, Alamelke, Amade mpe Miseyale. Na lweka ya wesete, yawu simbaka Kaamele mpe Siyole-Libenate. Yawu balukaka na lweka ya esete tii na Bete-Dangone, yawu simbaka Zabulone mpe muzumba ya Ifeta-Ele, yawu kwendaka na node tii na Bete-Emeke mpe Neyele, yawu basikaka na Kabule na lweka ya lumoso, mpe Ebelone, Leyobe, Amone mpe Kana, tii na Sidone ya Nene. Ndilu balukaka tii na Lama mpe mbanza ya ngolo ya Tile, yawu balukaka tii na Osa, mpe yawu sukaka na mubu na kizunga ya Akezibe, ti Uma, Afeke mpe Leyobe. Bambanza nyonso vwandaka makumi zole na zole, ti babwala ya yawu. Mvwilu ya kifumba ya bana ya Asele, na makanda ya bawu mosi-mosi, vwandaka bambanza yayi ti babwala ya yawu.

Kabu ya Tata samu na Nafetali

Kitezo ya sambanu basikaka samu na bana ya Nafetali, samu na bana ya Nafetali, na makanda ya bawu mosi-mosi. Ndilu ya bawu katukaka na Elefe, na telembente yina kele na Saanayime, yawu lutaka na Adami-Nengeve mpe Yabenele tii na Lakume, mpe yawu sukaka na Yolodani. Ndilu balukaka na lweka ya wesete tii na Azenote-Tabole, yawu landaka katuka kuna tii na Ukoke, yawu simbaka Zabulone na lweka ya sude, Asele na lweka ya wesete, mpe Yuda na Yolodani na lweka ya kubasikila ntangu. Bambanza ya ngolo vwandaka Sidime, Zele, Amate, Lakate, Kinelete, Adama, Lama, Asole, Kedese, Edeleyi, Eyine-Asole, Yilone, Mingedale-Ele, Oleme, Bete-Anate mpe Bete-Semese. Bambanza nyonso vwandaka kumi na yivwa, ti babwala ya yawu. Mvwilu ya kifumba ya bana ya Nafetali, na makanda ya bawu mosi-mosi, vwandaka bambanza ti babwala ya yawu.

Kabu ya Tata samu na Dane

Kitezo ya nsambwadi basikaka samu na kifumba ya bana ya Dane, na makanda ya bawu mosi-mosi. Ntoto ya mvwilu ya bawu vwandaka na Soleya, Esetawole, Ile-Semese, Saalabine, Ayalone, Yitela, Elone, Timena, Ekelone, Eleteke, Ngibetone, Baalate, Yewude, Bene-Belake, Ngate-Limone, Me-Yalekone, Lakone, kintwadi na ntoto yina ke talasanaka na Yope. Ntangu ntoto ya kifumba ya Dane katukaka na maboko ya bawu, bawu kwendaka kunwanisa Leseme. Bawu bakaka yawu, bawu fwaka yawu na mbele ya mvita, bawu zwaka yawu mutindu mvwilu, bawu zingaka kuna, mpe bawu pesaka Leseme nkumbu ya mpa Dane, nkumbu ya nkooko ya bawu Dane. Mvwilu ya kifumba ya bana ya Dane, na makanda ya bawu mosi-mosi, vwandaka bambanza yayi ti babwala ya yawu.

Dikabu ya Tata na Yeswa

Ntangu bana ya Isayeli manisaka kukabula ntoto mutindu kele bandilu ya yawu, bawu pesaka Yeswa, mwana ya Nune, mvwilu na kati ya bawu. Na musiku ya Tata ya beto, bawu pesaka yandi mbanza yina yandi lombaka, Timenate-Selaye, na kizunga ya myongo ya Efalayime. Yandi tungaka yawu dyaka mpe yandi zingaka kuna. Yina ni bikunku yina bawu kabulaka na kitezo kuna na Silo, na ntwala ya Tata ya beto, na mwelo ya Tenta ya Kubwabana. Bantu yina kabulaka yawu ni nganga-Nzambi Eleyazale, Yeswa mwana ya Nune, kintwadi na bamfumu ya bifumba ya Isayeli. Na yina, bawu manisaka kukabula ntoto.