யோசுவா 19

19 ¹இரண்டாம் சீட்டு சிமியோனுக்கு, சிமியோன் சந்ததியாரின் கோத்திரத்திற்கு, அவர்கள் வம்சங்களின்படி விழுந்தது. அவர்களுடைய சுதந்தரம் யூதாவின் சுதந்தரத்திற்குள் இருந்தது. ²அவர்களுடைய சுதந்தரமாக அவர்களுக்கு இருந்தவை: பெயெர்செபா, சேபா, மொலதா, ³ஆசார்சூவால், பாலா, ஏசேம், ⁴எல்தோலாத், பெத்தூல், ஓர்மா, ⁵சிக்லாக், பெத்மார்காபோத், ஆசார்சூசா, ⁶பெத்லெபாயோத், சருகேன் என்னும் பதின்மூன்று பட்டணங்களும் அவைகளின் கிராமங்களும்; ⁷ஆயின், ரிம்மோன், ஏத்தேர், ஆசான் என்னும் நான்கு பட்டணங்களும் அவைகளின் கிராமங்களும்; ⁸தென்தேசத்திலுள்ள ராமா என்னும் பாலாத்பெயேர்வரைக்கும் இந்தப் பட்டணங்களைச் சுற்றியிருந்த சகல கிராமங்களும். இதுவே சிமியோன் சந்ததியாரின் கோத்திரத்திற்கு அவர்கள் வம்சங்களின்படி கிடைத்த சுதந்தரம். ⁹யூதா புத்திரரின் பங்கு அவர்களுக்கு மிகவும் பெரிதாயிருந்ததால், சிமியோனின் சுதந்தரம் யூதாவின் பங்கிலிருந்தே கிடைத்தது; ஆகையால் சிமியோன் புத்திரர் யூதாவின் சுதந்தரத்திற்குள்ளே சுதந்தரம் அடைந்தார்கள்.

செபுலோனுக்கு எங்கள் பிதாவின் பங்கு

¹⁰மூன்றாம் சீட்டு செபுலோன் சந்ததியாருக்கு அவர்கள் வம்சங்களின்படி விழுந்தது. அவர்களுடைய சுதந்தரத்தின் எல்லை சாரீத்வரைக்கும் எட்டியது. ¹¹அவர்களுடைய எல்லை மேற்கே மரலாவுக்கு ஏறி, தபேசேத்தைத் தொட்டு, யோக்நேயாமுக்குக் கிழக்கே இருந்த ஆற்றுவரைக்கும் எட்டியது. ¹²சாரீத்திலிருந்து அது கிழக்கே, சூரியன் உதிக்கும் திசைக்கு நேராக, கிஸ்லோத்தாபோரின் எல்லைமட்டும் திரும்பி, தாபிராத்துக்குச் சென்று, யாப்பியாவுக்கு ஏறிற்று. ¹³அங்கிருந்து அது கிழக்கே காத்எப்பேருக்கும் இத்காத்சீனுக்கும் கடந்து, நேயாவுக்கு நேராக வளைந்து, ரிம்மோனுக்கு வெளிப்பட்டது. ¹⁴வடக்கே அந்த எல்லை அன்னாத்தோனுக்குத் திரும்பி, இப்தாயேலின் பள்ளத்தாக்கில் முடிந்தது. ¹⁵அதில் கட்டாத், நாகலால், சிம்ரோன், இதலா, பெத்லகேம் என்பவைகளும் அடங்கியிருந்தன. இவை பன்னிரண்டு பட்டணங்களும் அவைகளின் கிராமங்களுமாம். ¹⁶இதுவே செபுலோன் புத்திரருக்கு அவர்கள் வம்சங்களின்படி கிடைத்த சுதந்தரம்; இந்தப் பட்டணங்களும் அவைகளின் கிராமங்களுமே.

இசக்காருக்கு எங்கள் பிதாவின் பங்கு

¹⁷நான்காம் சீட்டு இசக்காருக்கு, இசக்கார் புத்திரருக்கு அவர்கள் வம்சங்களின்படி விழுந்தது. ¹⁸அவர்களுடைய எல்லைக்குள் யெஸ்ரயேல், கெசுல்லோத், சூனேம், ¹⁹அப்பராயீம், சீயோன், அனாகராத், ²⁰ரப்பீத், கீஷியோன், ஏபேஸ், ²¹ரேமேத், என்கன்னீம், என்அத்தா, பெத்பாசேஸ் என்பவைகள் அடங்கியிருந்தன. ²²அந்த எல்லை தாபோரையும் சகசூமாவையும் பெத்செமேசையும் தொட்டு, யோர்தானில் முடிந்தது. இவை பதினாறு பட்டணங்களும் அவைகளின் கிராமங்களுமாம். ²³இதுவே இசக்கார் சந்ததியாரின் கோத்திரத்திற்கு அவர்கள் வம்சங்களின்படி கிடைத்த சுதந்தரம்; இந்தப் பட்டணங்களும் அவைகளின் கிராமங்களுமே.

ஆசேருக்கு எங்கள் பிதாவின் பங்கு

²⁴ஐந்தாம் சீட்டு ஆசேர் புத்திரரின் கோத்திரத்திற்கு அவர்கள் வம்சங்களின்படி விழுந்தது. ²⁵அவர்களுடைய எல்லைக்குள் எல்காத், அலி, பேதேன், அக்சாப், ²⁶அலம்மேலேக், அமாத், மீசால் என்பவைகள் அடங்கியிருந்தன; மேற்கே அது கர்மேலையும் சீகோர்லிப்னாத்தையும் தொட்டது. ²⁷அது கிழக்கே பெத்தாகோனுக்குத் திரும்பி, செபுலோனையும் இப்தாயேலின் பள்ளத்தாக்கையும் தொட்டு, வடக்கே பெத்ஏமேக்குக்கும் நேயியேலுக்கும் சென்று, இடதுபுறத்தில் காபூலுக்கு வெளிப்பட்டு, ²⁸எப்ரோன், ரேகோப், அம்மோன், கானா என்பவைகளையும் பெரிய சீதோன்வரைக்கும் உட்படுத்தியது. ²⁹அந்த எல்லை ராமாவுக்கும், தீரு என்னும் அரண்செய்யப்பட்ட பட்டணத்துக்கும் திரும்பி, ஓசாவுக்குத் திரும்பி, அக்சீப் நாட்டுப் பகுதியில் கடலில் முடிந்தது, ³⁰உம்மா, ஆப்பேக், ரேகோப் என்பவைகளோடேகூட. இவை இருபத்திரண்டு பட்டணங்களும் அவைகளின் கிராமங்களுமாம். ³¹இதுவே ஆசேர் புத்திரரின் கோத்திரத்திற்கு அவர்கள் வம்சங்களின்படி கிடைத்த சுதந்தரம்; இந்தப் பட்டணங்களும் அவைகளின் கிராமங்களுமே.

நப்தலிக்கு எங்கள் பிதாவின் பங்கு

³²ஆறாம் சீட்டு நப்தலி புத்திரருக்கு, நப்தலி புத்திரருக்கு அவர்கள் வம்சங்களின்படி விழுந்தது. ³³அவர்களுடைய எல்லை எலேபிலிருந்து, சானன்னீமிலுள்ள கர்வாலிமரத்திலிருந்து, அதாமிநேகேபையும் யாப்நியேலையும் கடந்து லக்கூம்வரைக்கும் சென்று, யோர்தானில் முடிந்தது. ³⁴அந்த எல்லை மேற்கே அஸ்நோத்தாபோருக்குத் திரும்பி, அங்கிருந்து உக்கோகுக்குச் சென்று, தெற்கே செபுலோனையும், மேற்கே ஆசேரையும், சூரியன் உதிக்கும் திசையில் யோர்தானண்டையிலுள்ள யூதாவையும் தொட்டது. ³⁵அரண்செய்யப்பட்ட பட்டணங்களாவன: சித்தீம், சேர், அம்மாத், ரக்காத், கின்னரோத், ³⁶அதாமா, ராமா, ஆத்சோர், ³⁷கேதேஸ், எத்ரேயி, என்ஆத்சோர், ³⁸ஈரோன், மிக்தலேல், ஓரேம், பெத்அனாத், பெத்செமேஸ் என்பவைகள். இவை பத்தொன்பது பட்டணங்களும் அவைகளின் கிராமங்களுமாம். ³⁹இதுவே நப்தலி சந்ததியாரின் கோத்திரத்திற்கு அவர்கள் வம்சங்களின்படி கிடைத்த சுதந்தரம்; இந்தப் பட்டணங்களும் அவைகளின் கிராமங்களுமே.

தாணுக்கு எங்கள் பிதாவின் பங்கு

⁴⁰ஏழாம் சீட்டு தாண் புத்திரரின் கோத்திரத்திற்கு அவர்கள் வம்சங்களின்படி விழுந்தது. ⁴¹அவர்களுடைய சுதந்தரத்தின் எல்லைக்குள் சோரா, எஸ்தாவோல், இர்செமேஸ், ⁴²சாலாபீன், ஆயலோன், இத்லா, ⁴³ஏலோன், திம்னா, எக்ரோன், ⁴⁴எல்தேகே, கிபெத்தோன், பாலாத், ⁴⁵யெகூத், பெனேபராக், காத்ரிம்மோன், ⁴⁶மேயார்கோன், ரக்கோன் என்பவைகளும், யொப்பாவுக்கு எதிரான எல்லையும் அடங்கியிருந்தன. ⁴⁷தாண் புத்திரரின் எல்லை அவர்களுக்கு அகன்றுபோனபோது, அவர்கள் புறப்பட்டுப்போய், லேசேமின்மேல் யுத்தம்பண்ணி, அதைப் பிடித்து, பட்டயத்தினால் அதை வெட்டி, அதைச் சொந்தமாக்கிக்கொண்டு, அங்கே குடியேறி, தங்கள் தகப்பனாகிய தாணுடைய பேரின்படி லேசேமுக்குத் தாண் என்று பேரிட்டார்கள். ⁴⁸இதுவே தாண் கோத்திரத்திற்கு அவர்கள் வம்சங்களின்படி கிடைத்த சுதந்தரம்; இந்தப் பட்டணங்களும் அவைகளின் கிராமங்களுமே.

யோசுவாவுக்கு எங்கள் பிதாவின் ஈவு

⁴⁹இஸ்ரவேலர் தேசத்தை அதின் எல்லைகளின்படி பங்கிட்டு முடித்தபின்பு, அவர்கள் நூனின் குமாரனாகிய யோசுவாவுக்கும் தங்கள் நடுவே ஒரு சுதந்தரத்தைக் கொடுத்தார்கள். ⁵⁰எங்கள் பிதாவின் கட்டளையின்படி, அவர் கேட்ட பட்டணமாகிய எப்பிராயீமின் மலைநாட்டிலுள்ள திம்னாத்செராவை அவனுக்குக் கொடுத்தார்கள். அவன் அந்தப் பட்டணத்தைத் திரும்பக் கட்டி, அங்கே குடியேறினான். ⁵¹ஆசாரியனாகிய எலெயாசாரும், நூனின் குமாரனாகிய யோசுவாவும், இஸ்ரவேல் புத்திரரின் கோத்திரங்களுக்குரிய பிதாக்களின் வம்சத்தலைவர்களும், சீலோவிலே எங்கள் பிதாவுக்கு முன்பாக, ஆசரிப்புக் கூடாரத்தின் வாசலண்டையிலே, சீட்டுப்போட்டுப் பங்கிட்டுக் கொடுத்த சுதந்தரங்கள் இவைகளே. இவ்விதமாய் அவர்கள் தேசத்தைப் பங்கிட்டு முடித்தார்கள்.