Agsubli ken ni Amatayo

Mangrugi iti kanta ti panagsubli ti ili, ta pinigisnakami ket agasannakami, ngem simmungbat ti Amatayo a ti ayatda ket ulep ti agsapa a mapukaw iti tengnga ti aldaw. Ti kayatna ket tulag nga ayat ken pannakaammo kenkuana, saan a daton. Kalpasanna dagiti padi a mamapatay kadagiti agdaldaliasat.

Agsao ni Amatayo kadagiti bersikulo 4–11

Kapitulo 6.

Umaykayo, agsublitayo ken ni Amatayo, ta kinarawnatayo tapno pagimbagenna datayo; pinaltogna datayo, ket bendaanna dagiti sugattayo. ^a Kalpasan ti dua nga aldaw, pagbiagennatayo manen; iti maikatlo nga aldaw, pagtakderennatayo tapno agbiagtayo iti sanguananna. ^b Ammuentayo, ituloytayo ti mangammo ken ni Amatayo. Rummuar isuna a nasigurado a kas iti bannawag; umayto kadatayo a kas iti tudo, kas kadagiti tudo ti panawen ti panagmula a mangpadanum iti daga.

“Ania ti aramidek kenka, Efraim? Ania ti aramidek kenka, Juda? Ti ayatmo ket kas iti ulep iti agsapa, kas iti linnaaw nga agpukaw a nasapa. Gapuna pinettaak ida babaen kadagiti profeta; pinatayko ida babaen kadagiti sao ti ngiwatko, ket ti panangukomko ket rummuar a kas iti lawag. Ta ti kayatko ket di agbalbaliw nga ayat ken saan a daton, ti pannakaammo ken ni Amatayo imbes a dagiti daton a mapuoran. ^c Ngem a kas ken ni Adan, linapastanganda ti tulag; sadiay nagbalinda a di matalek kaniak. Ti Galaad ket siudad dagiti managdakdakes, nalaokan kadagiti bakat ti dara. Kas iti panagsemsem dagiti agtatakaw a mangur-uray iti biktimada, kasta met ti grupo dagiti padi a mangpapatay iti dalan nga agturong idiay Siquem; wen, aramidenda dagiti nakababain a krimen. Iti balay ti Israel, nakitak ti nakaam-amak a banag: adda sadiay ti pannakikamalala ni Efraim; narugit ti Israel.

“Para kenka met, Juda, naituding ti panagani, inton isubliko ti naimbag a gasat dagiti annakko.”