موقدّس شهرئن نغمه‌سی
بئر نغمه. قورَخ اؤولادلارینین مزمورو.
بئر هوجوم بوشا چیخاندان سونرا، پرستئشکارلار اورشلئمئن دووارلاریندا گَزئب بورجلارینی دلئل کئمی سایارلار. شهری آلماغا گلن پادشاهلار بئر دفه باخیب واهئمه‌یه دوشدولر و دوغان آرواد کئمی عذابلا قاچدیلار. آتامیز حاقّیندا اشئتدئکلرئنی ائندی گؤرموشدولر.
48 1آتامیز بؤیوکدور و چوخ حمد اولونمالیدیر، آتامیزین شهرئنده، اؤز موقدّس داغیندا. 2اوجالیغیندا گؤزل، بوتون یرئن شادلیغی، صحیون داغیدیر، شئمال سمتئنئن اوزاق یرلری، بؤیوک پادشاهین شهری. a a v2 «شئمالین اوزاق یرلری» ائلاهی داغین قدئم بئر شعری آدیدیر کی، بورادا تارینین موقدّس مسکنی کئمی صحیون داغینا عایید ادئلئر. 3آتامیز، اونون قصرلری ائچئنده، اؤزونو بئر قالا کئمی تانیتدیریب.
4چونکی باخ، پادشاهلار ییغیلدیلار؛ بئرلئکده یاخینلاشدیلار. 5گؤردولر و آنَن حیرت ائچئنده قالدیلار؛ واهئمه‌یه دوشدولر، تشوئشله قاچدیلار. 6اورادا اونلاری تئتره‌مه توتدو، دوغان آرواد کئمی عذاب. 7شرق کوله‌یی ائله تَرشئش گمئلرئنی سیندیردین.
8نجه اشئتمئشئک، اله ده گؤرموشوک، قوشونلار آتاسینین شهرئنده، آتامیزین شهرئنده؛ او، اونو ابده کئمی برقرار ادر.
9ای آتامیز، سنئن معبدئنده محبّتئنی دوشونموشوک. 10ای آتامیز، آدین کئمی، اله ده حمدئن یرئن اوجلارینا کئمی‌دئر؛ ساغ الئن عدالتله دولودور. 11صحیون داغی سِوئنسئن، یهودا قیزلاری فرحلنسئن، سنئن حؤکملرئنه گؤره.
12صحیونون چئوره‌سئنده گَزئن، اونون اطرافینی دولانین؛ بورجلارینی سایین. 13اونون ائستئحکاملارینا یاخشی دئقّت ادئن، قصرلرئنئن ائچئندن کچئن، اله کی، گله‌جک نسله نقل اده‌سئنئز.
14چونکی بو، آتامیزدیر، ابددن ابده‌جک بئزئمدئر؛ او، آخیرا کئمی بئزی هئدایت اده‌جک.
