Saopobü Sangnyu Shangabü Chia
Chia che. Koraeibü shousi shuongeibü chia che.
Khaubü apyojinei, Mühghaü lembü shuongei Jerusalembü lapheishon shuong khulepan haoeibü banyu shuong tetsida tegü dakda. Sangnyu lapla loubü Choba shuong liko hapkei, maangpangkei, hoba labou nabukshat khonbü tegü satkei. Haoeneibü Bou shangabü haoenei ditbü kho touje haoenei hapbei.
48 1Seneibü Bou kho yaangbou ki; seneibü Bou sangnyua, haoeibü saopobü shongha, hao aeibou nyen sanglabü. 2Thükkaboua saomaibü, kaodak pendoueibü olinbü, yungkük thonbü, Choba yaangbü sangnyu, Zion shongh ki. a a v2 "Yungkük thonbü" kho khuthükbü shongh shangabü shangiedbü chia nyen che ki; hanei Mühghaü saopobü kishang yeiko Zion shongh to ngatikei. 3Seneibü Bouei haoeibü hushang shuong jenyua hao mütpem lapheishon dogo tang khittia.
4Aishanga chühashi, Choba shuong yoshaikei; haoen liko nyangko loukei. 5Haoenei hapbei, hoba tangshaitham haoen maangpangkei; haoen hatkei, hatko haoen satkei. 6Ao kishanga lühbü haoen to sühkei, hapla khonkubü yaksa tegü khonsakkei haoen to sühkei. 7Chaangbou yeiei nyi Tarshish longchem phetnyinkei.
8Senei ditbü phatko senei hapkei, Thükenbou Bunyubou sangnyua, seneibü Bou sangnyua; Bouei sangnyu ponpen hau kitilabü.
9O seneibü Abou, senei kaibü chem jenyua kaibü üeisanou daman chühkei. 10Kaibü nyen tegü, O seneibü Abou, kaibü nyensangbü kaodak thonbü sühko kia; kaibü mae ik saopobüei shenakei. 11Kaibü matjem shanga Zion shongh olinashi, hoba Jihuda nouyangshou shuong olinyokai.
12Zion kaijembo paiashi, hao danthetashi; haoeibü lapheishon shuong weanashi. 13Kanei phaibü meten to lentila shanga, haoeibü banyu to maangsangko chühashi, hoba haoeibü hushang shuong danko hauashi.
14Aishanga ho kho seneibü Bou ki, ponpen thon akiko sen shangabü; haoei khei thon sühko seneibü leibou yinglabü.
