Pobitro Sheher laga ekta gana
Ekta gana. Korah laga chokra khan laga ekta bhajan.
Ekta hamla fel hoi jai kene, aradhana kora manuh khan Jerusalem laga dewal uporte berai aru tai laga mina khan ginti kore, praman hisab te. Sheher lobole aha raja khan ekbar saise, bhoi pai jaise, aru bacha jonom diya laga dukh nisena bhagi jaise. Tai khan laga Pitri laga bisoi te ki hunise, etiya tai khan saise.
48 1Amar Pitri dangor ase, aru bisi mohima kori bole lage, amar Pitri laga sheher te, Tar pobitro pahar te. 2Tar untcha te sundor, pura prithibi laga anond, Zion Pahar tu ase, uttor phale laga dur jagah, dangor Raja laga sheher. a a v2 “Uttor phale laga dur jagah” tu Isor laga pahar nimite ekta purana kobita laga nam ase, aru yate Zion Pahar tu Isor laga pobitro thaki bole jaga hisab te eitu nam dise. 3Amar Pitri, tai laga kella khan majot te, ekta mojbut kella hisab te nijor ke janai dise.
4Kilemane sabi, raja khan joma hoise; eke logote tarkhan age bari ahhise. 5Tarkhan dikhise, aru loge loge asurit hoise; tarkhan bhoi khaise, aru bhoi pora polai jaise. 6Ta te kapa tu tarkhan ke dhorise, bacha jonom kora maiki nisina dukh paise. 7Purab phale laga hawa pora Apuni Tarshish laga naw khan bhangai dise.
8Amikhan jineka hunise, teneka amikhan dikhise, sorgo laga sena khan laga Pitri laga sheher te, amar Pitri laga sheher te; Tai eitu ke hodai nimite mojbut kori dise.
9Amar Pitri, amikhan Apuni laga mondir bhitor te Apuni laga vachan laga morom ke bhabona korise. 10Amar Pitri, Apuni laga nam nisina, teneka Apuni laga mohima bhi ase, prithibi laga sesh tak; Apuni laga dyna hath dharmikota pora bhorta ase. 11Zion Pahar khushi hobi, Judah laga chokri khan anond koribi, Apuni laga bisar khan nimite.
12Zion ke gheri kene bera bi, tai laga chari phale jabi; tai laga unchaghor khan ginti koribi. 13Tai laga dewar khan bhal pora sabi, tai laga kella khan paar kori kene jabi, titia tumikhan ahhiba yug ke kobo pare.
14Kilemane eitu he amar Pitri ase, hodai aru hodai nimite amar ase; Tai sesh tak amikhan ke rasta dikhai dibo.