چیخیش 28 FHB Father's Heart Bible™

28 ¹«قارداشین هارونو و اونون اوغوللارینی ائسرایئل اؤولادلاری آراسیندان یانینا گتئر کی، منه کاهئنلئک اتسئنلر: هارون، ناداب، اَبئهو، اِلعازار و ائتامار. بونلار هارونون اوغوللاری‌دیر. ²قارداشین هارون اوچون عئزّت و گؤزل‌لئک اوچون موقدّس پالتارلار دوزَلت. ³حئکمت روحو ائله دولدوردوغوم بوتون ماهئر آداملارا دِه کی، هارونو تقدئس اتمک اوچون اونون پالتارلارینی دوزَلتسئنلر، تا کی، منه کاهئنلئک اتسئن. ⁴دوزَلده‌جکلری پالتارلار بونلاردیر: دؤشلوک، اِفود، جوبّه، توخونما خئرقه، عمّامه و قورشاق. بو موقدّس پالتارلاری قارداشین هارون و اونون اوغوللاری اوچون دوزَلتسئنلر کی، منه کاهئنلئک اتسئنلر. ⁵اونلار قیزیل، لاجورد، ارغوانی و قیرمیزی پارچا و نازئک کتان ائشلَتسئنلر.

اِفود

⁶اِفودو قیزیلدان، لاجورد، ارغوانی و قیرمیزی پارچادان و نفئس توخونموش نازئک کتاندان، ماهئر بئر صَنَتگَرئن ائشی اولاراق دوزَلت. ⁷اونون هر ائکی اوجوندان بئربئرئنه بئرلَشدئرئلن ائکی چئیئنلئیی اولمالی‌دیر. ⁸اونون اوستونده‌کی ناخیشلی کمر ده اؤزو کئمی اولسون: قیزیلدان، لاجورد، ارغوانی و قیرمیزی پارچادان و نفئس توخونموش نازئک کتاندان، بئر پارچا اولاراق دوزَلدئلسئن. ⁹ائکی دامارلی عقئق داشی آل و ائسرایئل اوغوللارینین آدلارینی اونلارین اوستونه حکّ ات. ¹⁰آلتی آد بئر داشین اوستونده، او بئری آلتی آد دا ائکئنجی داشین اوستونده، دوغولما سیراسینا گؤره اولسون. ¹¹بئر زرگرئن مؤهور حکّ اتدئیی کئمی، ائکی داشین اوستونه ائسرایئل اوغوللارینین آدلارینی حکّ ات، سونرا اونلاری حؤرمه قیزیل ساغاناقلارا سال. ¹²ائکی داشی اِفودون چئیئنلئکلرئنه تاخ کی، ائسرایئل اوغوللاری اوچون خاطئره داشلاری اولسونلار. هارون اونلارین آدلارینی منئم قاباغیمدا اؤز ائکی چئینئنده خاطئره اولاراق داشییاجاق. ¹³حؤرمه قیزیل ساغاناقلار دوزَلت، ¹⁴و خالئص قیزیلدان ائکی زنجئر، ائپ کئمی بورما قاییر؛ بورما زنجئرلری ساغاناقلارا تاخ.

دؤشلوک

¹⁵حؤکم دؤشلویونو ناخیشلی ائشله، اِفودون ائشی کئمی دوزَلت: قیزیلدان، لاجورد، ارغوانی و قیرمیزی پارچادان و نفئس توخونموش نازئک کتاندان. ¹⁶او، موربّع و ائکی قات اولسون؛ اوزونلوغو بئر قاریش، اِنی ده بئر قاریش. ¹⁷اونا دؤرد ردئف داش قوی. ائلک ردئف یاقوت، توپاز و زبرجد اولسون؛ ¹⁸ائکئنجی سیرا فئروزه، لاجورد داشی و زومرود؛ ¹⁹اوچونجو سیرا سئرکون، عقئق و آمِتئست؛ ²⁰دؤردونجو سیرا زبرجد، دامارلی عقئق و یَشَم داشی اولسون. بونلار حؤرمه قیزیل ساغاناقلارا تاخیلسین. ²¹داشلار ائسرایئل اوغوللارینین آدلارینا گؤره اون ائکی اولسون؛ هر بئری اؤز آدی ائله مؤهور کئمی حکّ اولونسون، اون ائکی قبئله اوچون. ²²دؤشلوک اوچون خالئص قیزیلدان، ائپ کئمی بورما زنجئرلر دوزَلت. ²³دؤشلوک اوچون ائکی قیزیل حالقا دوزَلت و ائکی حالقانی اونون ائکی اوجونا تاخ. ²⁴سونرا ائکی قیزیل ائپی دؤشلویون اوجلارینداکی ائکی حالقایا باغلا. ²⁵ائپلرئن قالان ائکی اوجونو ائکی حؤرمه ساغاناغا تاخ، اونلاری اِفودون چئیئنلئکلرئنئن قاباق طرفئنه باغلا. ²⁶ائکی قیزیل حالقا دوزَلت؛ اونلاری دؤشلویون ائکی اوجونا، اِفودا یاخین اولان ائچ کناریندا قوی. ²⁷داها ائکی قیزیل حالقا دوزَلت و اونلاری اِفودون ائکی چئیئنلئیئنه، قاباق طرفئنه، آشاغی‌یا، اونون بئرلَشمه یرئنه یاخین، ناخیشلی کمرئنئن اوستونه بَرکئت. ²⁸دؤشلویو اؤز حالقالاری ائله اِفودون حالقالارینا لاجورد قایتانلا باغلاسینلار کی، اِفودون ناخیشلی کمرئنئن اوستونده دورسون و اوندان آیریلماسین. ²⁹هارون موقدّس یره گئرنده، ائسرایئل اوغوللارینین آدلارینی حؤکم دؤشلویونده، اؤز اوره‌یئنئن اوستونده داشییاجاق، منئم قاباغیمدا دائمی بئر خاطئره اولاراق. ³⁰اورئم و تومّئمی حؤکم دؤشلویونه قوی کی، هارون منئم قاباغیما گلنده، اونون اوره‌یئنئن اوستونده اولسونلار. هارون ائسرایئل اوغوللارینین حؤکمونو منئم قاباغیمدا همئشه اؤز اوره‌یئنئن اوستونده داشییاجاق. ^a a v30 اورئم و تومّئم موقدّس اشیالار ائدی کی، باش کاهئن اونلاری دؤشلویون ائچئنده داشییاردی، تا کی، آتامیزین اؤز خالقی اوچون قرارلارینی بئلسئن.

جوبّه و قیزیل لؤوحه

³¹اِفودون جوبّه‌سئنی تامامن لاجورد پارچادان دوزَلت. ³²اونون اورتاسیندا باش اوچون بئر یر اولسون، اطرافیندا دا خئرقه یاخاسی کئمی توخونما بئر حاشئیه اولسون کی، جیریلماسین. ³³جوبّه‌نئن اَته‌یی بویونجا لاجورد، ارغوانی و قیرمیزی پارچادان نارلار دوزَلت، اونلارین آراسینا دا قیزیل زینقیروولار قوی. ³⁴قیزیل بئر زینقیروو و بئر نار، گئنه قیزیل بئر زینقیروو و بئر نار، جوبّه‌نئن اَته‌یئنئن اطرافی بویونجا دوزولسون. ³⁵هارون خئدمت اِدَرکَن اونو گیسئن. موقدّس یره، منئم قاباغیما گئرنده و اورادان چیخاندا، اونون سسی اشئدئلسئن کی، اؤلمه‌سئن.

³⁶خالئص قیزیلدان بئر لؤوحه دوزَلت؛ اونون اوستونه مؤهور اویماسی کئمی حکّ ات: «آتایا موقدّسدئر». ³⁷اونو لاجورد قایتانلا عمّامه‌یه باغلا، عمّامه‌نئن قاباق طرفئنده اولسون. ³⁸او، هارونون آلنیندا اولاجاق؛ هارون ائسرایئل اؤولادلارینین تقدئم اتدئکلری موقدّس شیلرئن، یعنی اونلارین موقدّس تقدئملرئنئن تقصئرئنی اؤز اوستونه گؤتوره‌جک. او همئشه اونون آلنیندا اولسون کی، منئم قاباغیمدا قبول اولونسونلار. ³⁹نازئک کتان خئرقه‌نی توخو، نازئک کتان عمّامه‌نی دوزَلت و قورشاغی دا ناخیش تئکمه‌سی ائله دوزَلت. ⁴⁰هارونون اوغوللاری اوچون خئرقه‌لر، قورشاقلار و پاپاقلار دوزَلت، عئزّت و گؤزل‌لئک اوچون. ⁴¹قارداشین هارونو و اونونلا بئرلئکده اولان اوغوللارینی گیئندئر، اونلاری مسح ات، وظئفه‌یه قویوب تقدئس ات کی، منه کاهئنلئک اتسئنلر. ⁴²اونلارین لوت بدنلرئنی اؤرتمَک اوچون کتان آلت پالتاری دوزَلت کی، بلدن بودلارا قدر اولسون. ⁴³هارونلا اوغوللاری حوضور چادیرینا گئرنده، یا موقدّس یرده خئدمت اتمک اوچون قوربانگاها یاخینلاشاندا، اونلاری گیسئنلر کی، تقصئر داشی‌ییب اؤلمه‌سئنلر. بو، اونون و اوندان سونراکی نسلی اوچون ابدی بئر قایدادیر.»