መዝሙር 81

81 ¹ለአባታችን፣ ለኀይላችን በደስታ ዘምሩ፤ ለያዕቆብ አምላክ እልል በሉ! ²መዝሙር ጀምሩ፤ ከበሮ ምቱ፤ ያማረውን በገና መሰንቆንም አሰሙ። ³በመባቻው ቀንድ መለከት ንፉ፤ በጨረቃ ሙላት፣ በበዓላችን ቀን። ⁴ይህ ለእስራኤል ሥርዐት ነውና፣ የያዕቆብም አምላክ ትእዛዝ ነው።

⁵በግብፅ ምድር ላይ በወጣ ጊዜ፣ ለዮሴፍ ምስክር አድርጎ ሾመው። ያላወቅሁትን ቋንቋ ሰማሁ፤

⁶“ሸክሙን ከትከሻው አራቅሁ፤ እጆቹም ከቅርጫቱ ተፈቱ።

⁷“በጭንቅህ ጊዜ ጠራኸኝ፣ እኔም አዳንሁህ፤ ከነጐድጓድ መሰወሪያ መለስሁልህ፤ በሜሪባ ውሃ ዘንድ ፈተንሁህ። ⁸ሕዝቤ ሆይ፣ ስማኝ፤ እኔም አስጠነቅቅሃለሁ፤ እስራኤል ሆይ፣ ምነው በሰማኸኝ! ⁹በመካከልህ ባዕድ አምላክ አይኑር፤ ለሌላ አምላክም አትስገድ።

¹⁰“ከግብፅ ምድር ያወጣሁህ አባትህ እኔ ነኝ። አፍህን በስፋት ክፈት፣ እኔም እሞላዋለሁ። ¹¹ሕዝቤ ግን ድምፄን ሊሰማ አልወደደም፤ እስራኤልም ሊገዛልኝ አልፈቀደም። ¹²ስለዚህ ለልባቸው እልኸኝነት አሳልፌ ሰጠኋቸው፤ የራሳቸውንም ምክር እንዲከተሉ። ¹³ሕዝቤ ምነው በሰማኝ ኖሮ፤ እስራኤልም በመንገዴ በሄደ! ¹⁴ወዲያውኑ ጠላቶቻቸውን ባስገዛሁ፣ እጄንም በባላጋራዎቻቸው ላይ ባዞርሁ! ¹⁵አባታችንን የሚጠሉ በፊቱ ይሸማቀቁ ነበር፤ ጥፋታቸውም ለዘላለም ይኖር ነበር። ¹⁶እርሱ ግን በምርጥ ስንዴ በመገባቸው ነበር፤ ከዓለት በሚወጣ ማርም ባጠገብሁህ ነበር።”