ኢሳይያስ 4

4 ¹በዚያ ቀን ሰባት ሴቶች አንድን ወንድ ይዘው እንዲህ ይላሉ፦ “የራሳችንን እንጀራ እንበላለን፤ የራሳችንንም ልብስ እንለብሳለን፤ በስምህ ብቻ እንጠራ፤ ውርደታችንን አስወግድ።”

ቅርንጫፉ፣ ውብና ክቡር

²በዚያ ቀን የአባታችን ቅርንጫፍ ውብና ክቡር ይሆናል፤ የምድሪቱም ፍሬ ለእስራኤል ተራፊዎች ኩራትና ግርማ ይሆናል። ^a a v2 “ቅርንጫፍ” አባታችን ለኢየሱስ፣ ለተስፋው የዳዊት ዘር የሚጠቀምበት ስም ነው፤ ይኸው ማዕረግ በኋላም በኤርምያስና በዘካርያስ ተሰጥቶታል። ³በጽዮን የቀረውና በኢየሩሳሌም የተረፈው ሁሉ ቅዱስ ተብሎ ይጠራል፤ ይኸውም በኢየሩሳሌም ለሕይወት የተመዘገበ ሁሉ ነው፤ ⁴ይህም የሚሆነው ጌታ አባታችን የጽዮንን ሴቶች ርኵሰት ባጠበ፣ የኢየሩሳሌምንም የደም እድፍ በፍርድ መንፈስና በማቃጠል መንፈስ ከመካከሏ ባራገፈ ጊዜ ነው። ⁵ከዚያም አባታችን በመላው የጽዮን ተራራ ስፍራ ላይና በጉባኤዎቿ ላይ በቀን ደመናን፣ ጢስንም፣ በሌሊትም የሚያበራ የእሳት ነበልባልን ይፈጥራል፤ በክብሩ ሁሉ ላይ መጋረጃ ይኖራልና። ⁶በቀን ከሐሩር ጥላ የሚሰጥ መጠለያ፣ ከዐውሎ ነፋስና ከዝናብም መሸሸጊያና መደበቂያ ይሆናል።