Ha Zhoshü Khi Düvete
Thenomi thüna thepumi püh za melü taketo, uko zhoshü khiva ketola züne. Vele Zion lü kelayi Jerusalem lü ketako kemesa thi za tsü süto, uko za khiva kesü, mu ha Poe Zion pi cejülü kemhü mu me rüda süto—keve celü mu tükhra celü khrikhro tsü keta sheli mha.
4 1Sünha thenomi thüna thepumi püh melü taketo, zisü, “Ha utho tsükhri tito mu utho khüneko be müneto; libi n zalü ha ci tele. Ha zhoshü khi düvete.”
Püco, Züve mu Zapozale
2Sünha ha Po Püco züve mu zapozale thito, mu cejü mhapo Israelmi kelayi keyiko kümü mu kezüve zoto. a a v2 Püco hi ha Poe Jisu, David küdopü keprario, la küva zazo; süo tsü hi tüsozho tapra Jeremiah mu Zecharia lü Pu püh pütsüta tazo. 3Mu thüma kehopüri Zion lü kelayi mu Jerusalem lü ketabi, kemesa sito—thüma metü Jerusalem lü kerhü la ketsü ketopü, 4Ha Poe kekuo Zion nuko müsa khrü khiva, mu pü pücholü Jerusalem za kesuko sheco rüpü la mu me keva rüpü la khrü khiva keyice, 5Side ha Poe Zion cejütu ra metü kedeo mu pü makroko kedeo tüsolü kemhü mu mekho, mu tüzülü me kürüdzüo kevepü thide; kekrelamori zapozale metü kedeo zhukeba thito. 6Süo tüsolü keve celü khrikhro tsü keta hü keta mho püh thito, mu tükhra mu türü celü rezhü mho mu küva mho thito.
