以賽亞書 4

4 ¹到嗰日,七個女人 會拉住一個男人,話:「我哋自己嘅飯自己食, 自己嘅衫自己着; 只求俾我哋歸喺你名下。 求你除去我哋嘅羞辱。」

苗裔,又美麗又榮耀

²到嗰日,我哋嘅父嘅苗裔會又美麗又榮耀, 地上嘅出產 會成為以色列生還者嘅誇耀同華美。 ^a a v2 「苗裔」係我哋嘅父用嚟稱呼耶穌嘅名,佢就係應許中大衛嘅後裔——後嚟喺耶利米書同撒迦利亞書都用同一個稱號嚟叫佢。 ³凡留喺錫安、 住喺耶路撒冷嘅, 都會被稱為聖潔——就係每一個 喺耶路撒冷記錄喺生命冊上嘅人, ⁴到時,主宰嘅父會用審判嘅靈同焚燒嘅靈,洗淨 錫安眾女子嘅污穢, 又喺 耶路撒冷中間沖走佢嘅血跡。 ⁵然後, 我哋嘅父會喺錫安山嘅全境同佢嘅聚會之上, 日間造一朵雲同煙, 夜間造一團明亮嘅火燄; 因為喺一切榮耀之上必有遮蓋。 ⁶佢會成為一個帳幕,日間遮蔭 避暑, 又作為躲避風雨嘅避難所同 藏身之處。