Yi Yɛn Animguase Fi Yɛn So
Mmea baason bɛsrɛ ɔbarima baako sɛ ɔmma wɔmfa ne din na wɔn animguase mfi wɔn so. Nanso wɔbɛfrɛ wɔn a wɔaka wɔ Yerusalem no akronkronfo, wɔbɛhohoro wɔn mogya nkekae, na yɛn Agya de mununkum ne ogya bɛtrɛw Sion so — ahobammɔ ankasa a efi ɔhyew ne ahum ho.
4 1Saa da no, mmea baason bɛso ɔbarima baako mu aka se, “Yɛbɛdi yɛn ankasa aduan na yɛafura yɛn ankasa ntade; nanso ma wɔmfa wo din mfrɛ yɛn. Yi yɛn animguase fi yɛn so.”
Dubaa no a Ɛyɛ Fɛ na Ɛwɔ Anuonyam
2Saa da no, yɛn Agya Dubaa no bɛyɛ fɛ na ɛbɛwɔ anuonyam, na asase no so aba bɛyɛ Israelfo a wɔaka no animuonyam ne wɔn ahoɔfɛ. a a v2 Dubaa no yɛ din a yɛn Agya de frɛ Yesu, Dawid aseni a wɔhyɛɛ ne ho bɔ no — saa abodin korɔ no ara na wɔde maa no akyiri yi wɔ Yeremia ne Sakaria mu. 3Na obiara a ɔbɛka wɔ Sion na ɔbɛtena Yerusalem no, wɔbɛfrɛ no kronkron—obiara a wɔakyerɛw ne din ama nkwa wɔ Yerusalem no, 4bere a Otumfoɔ Agya no ahohoro Sion mmabea no efi afi hɔ na wahohoro Yerusalem mogya nkekae afi ne mu, ɔnam atemmu honhom ne ɔhyew honhom so no. 5Afei yɛn Agya bɛbɔ wɔ Sion Bepɔ no so baabiara ne ne nhyiamu ahorow so omununkum awia ne wusiw, ne ogya a ɛhyerɛn na ɛdɛw anadwo; efisɛ kataso bi bɛkata anuonyam no nyinaa so. 6Ɛbɛyɛ dabere a ɛbɛma onwini afi awia ɔhyew ho, ne guankɔbea ne ahintawbea afi ahum ne osu ho.
