Katula Tsoni Yetu
Bakhetu tsambwadi bakalomba yakala mosi mu khumbu yandi kaka ndangu bakatula tsoni ya bawu. Kaasi babana básala ku Yelusalemi bateluka ba watoma, menga ma bawu masukulwa, amana Tata wetu kahánga ha thandu ya Siyoni tuti yi mbawu — kiswaminu kya kyedika mu mwini yi mu mvula.
4 1Muna tangwa dina, bakhetu tsambwadi bakasímba yakala mosi, bazimbula: «Betu tukádya dipha dyetu betu-betu, amana tukavwáta miledi myetu betu-betu; kaka tuteluka mu khumbu yaku. Katula tsoni yetu.»
Muhandi, wa Kitoku yi wa Khembu
2Muna tangwa dina, Muhandi wa Tata wetu wakála kitoku yi wa khembu, amana mbutu ya tsi yakála lulendu yi mitsyenzya mya batu bana básala ba Kiseledi. a a v2 Muhandi kenina khumbu yina kasadilaka Tata wetu kikuma kya Yesu, mwana wa luvila lwa Tavidi wuna básila lusilu — khumbu yimosi yina báheka yandi ku nima mu mikanda mya Yelemiya yi Zakaliya. 3Amana wosu wuna wásala ku Siyoni amana wánanga ku Yelusalemi kateluka wa watoma — kosu mutu wuna wásonama kikuma kya luzingu ku Yelusalemi, 4Muna tangwa Pfumu Tata kámana sukula mvindu ya bakhetu ba Siyoni amana kakatula menga ma Yelusalemi hana kati dyandi mu kitembu kya pfundusu yi kitembu kya kuyoka. 5Buna Tata wetu kahánga hana thandu ya kuma kyosu kya mongu wa Siyoni amana hana thandu ya makutakanu mandi tuti mu mwini yi mwisi, yi mbawu yina yisi lema, yi kedyamina, mu phipha; mukuma hana thandu ya khembu yosu hakála kifukidilu. 6Yawu yakála kininga kya kuheka tsya mu mwini wa tangwa, amana kiswaminu yi kiswekelu mu pfunzi yi mu mvula.
