1 ዜና መዋዕል 6

6 ¹የሌዊ ልጆች፦ ጌርሶን፣ ቀዓትና ሜረሪ ናቸው። ²የቀዓት ልጆች፦ አምራም፣ ይስዓር፣ ኬብሮንና ዖዝኤል ናቸው። ³የአምራም ልጆች፦ አሮን፣ ሙሴና ማርያም ናቸው። የአሮን ልጆች፦ ናዳብ፣ አቢሁ፣ አልዓዛርና ኢታምር ናቸው። ⁴አልዓዛር ፊንሐስን ወለደ፤ ፊንሐስ አቢሱን ወለደ፤ ⁵አቢሱ ቡኪን ወለደ፤ ቡኪ ዑዚን ወለደ፤ ⁶ዑዚ ዛራህያን ወለደ፤ ዛራህያ ምራዮትን ወለደ፤ ⁷ምራዮት አማርያን ወለደ፤ አማርያ አኪጦብን ወለደ፤ ⁸አኪጦብ ሳዶቅን ወለደ፤ ሳዶቅ አኪማዓስን ወለደ፤ ⁹አኪማዓስ አዛርያን ወለደ፤ አዛርያ ዮሐናንን ወለደ፤ ¹⁰ዮሐናን አዛርያን ወለደ፤ እርሱም ሰሎሞን በኢየሩሳሌም በሠራው ቤተ መቅደስ ካህን ሆኖ ያገለግል ነበር። ¹¹አዛርያ አማርያን ወለደ፤ አማርያ አኪጦብን ወለደ፤ ¹²አኪጦብ ሳዶቅን ወለደ፤ ሳዶቅ ሰሎምን ወለደ፤ ¹³ሰሎም ኬልቅያስን ወለደ፤ ኬልቅያስ አዛርያን ወለደ፤ ¹⁴አዛርያ ሠራያን ወለደ፤ ሠራያም ዮሳዳቅን ወለደ። ¹⁵አባታችን ይሁዳንና ኢየሩሳሌምን በናቡከደነፆር እጅ ወደ ምርኮ በሰደደ ጊዜ፣ ዮሳዳቅ ተማረከ።

¹⁶የሌዊ ልጆች፦ ጌርሶም፣ ቀዓትና ሜረሪ ናቸው። ¹⁷የጌርሶም ልጆች ስም ይህ ነው፦ ለብኒና ሺሚ። ¹⁸የቀዓት ልጆች፦ አምራም፣ ይስዓር፣ ኬብሮንና ዖዝኤል ናቸው። ¹⁹የሜረሪ ልጆች፦ መሐሊና ሙሲ ናቸው። እነዚህ በአባቶቻቸው ቤት የተከፋፈሉ የሌዋውያን ጐሳዎች ናቸው። ²⁰ከጌርሶም፦ ልጁ ለብኒ፣ ልጁ ያሕት፣ ልጁ ዚማ፣ ²¹ልጁ ዮአሕ፣ ልጁ አዶ፣ ልጁ ዛራ፣ ልጁ ይአትራይ። ²²የቀዓት ዘሮች፦ ልጁ አሚናዳብ፣ ልጁ ቆራ፣ ልጁ አሲር፣ ²³ልጁ ኤልቃና፣ ልጁ አብያሳፍ፣ ልጁ አሲር፣ ²⁴ልጁ ታሐት፣ ልጁ ዑርኤል፣ ልጁ ዖዝያ፣ ልጁም ሳኦል። ²⁵የኤልቃና ልጆች፦ አማሳይና አኪሞት፣ ²⁶ልጁ ኤልቃና፣ ልጁ ጾፋይ፣ ልጁ ናሐት፣ ²⁷ልጁ ኤልያብ፣ ልጁ ይሮሐም፣ ልጁ ኤልቃና። ²⁸የሳሙኤል ልጆች፦ የበኵር ልጁ ዮኤል፣ ሁለተኛውም አብያ። ²⁹የሜረሪ ልጆች፦ መሐሊ፣ ልጁ ለብኒ፣ ልጁ ሺሚ፣ ልጁ ዑዛ፣ ³⁰ልጁ ሺምዓ፣ ልጁ ሐጊያ፣ ልጁም አሳያ።

³¹ታቦቱ ዐርፎ ከተቀመጠ በኋላ፣ ዳዊት በአባታችን ቤት የዝማሬ ኀላፊዎች አድርጎ የሾማቸው ሰዎች እነዚህ ናቸው። ³²ሰሎሞን በኢየሩሳሌም የአባታችንን ቤት እስኪሠራ ድረስ፣ በማደሪያው ፊት፣ በመገናኛው ድንኳን ፊት በዝማሬ ያገለግሉ ነበር፤ አገልግሎታቸውንም በተወሰነላቸው ሥርዐት መሠረት ያከናውኑ ነበር። ³³እነዚህ ከልጆቻቸው ጋር ያገለግሉ ነበር። ከቀዓታውያን፦ ዘማሪው ሔማን፣ የዮኤል ልጅ፣ የሳሙኤል ልጅ፣ ³⁴የኤልቃና ልጅ፣ የይሮሐም ልጅ፣ የኤልኤል ልጅ፣ የቶዓ ልጅ፣ ³⁵የጹፍ ልጅ፣ የኤልቃና ልጅ፣ የማሐት ልጅ፣ የአማሳይ ልጅ፣ ³⁶የኤልቃና ልጅ፣ የዮኤል ልጅ፣ የአዛርያ ልጅ፣ የሶፎንያስ ልጅ፣ ³⁷የታሐት ልጅ፣ የአሲር ልጅ፣ የአብያሳፍ ልጅ፣ የቆራ ልጅ፣ ³⁸የይስዓር ልጅ፣ የቀዓት ልጅ፣ የሌዊ ልጅ፣ የእስራኤል ልጅ። ³⁹ወንድሙ አሳፍም በሔማን ቀኝ ይቆም ነበር፤ አሳፍ የበራክያ ልጅ፣ የሺምዓ ልጅ፣ ⁴⁰የሚካኤል ልጅ፣ የበዓሴያ ልጅ፣ የመልክያ ልጅ፣ ⁴¹የኤትኒ ልጅ፣ የዛራ ልጅ፣ የአዳያ ልጅ፣ ⁴²የኤታን ልጅ፣ የዚማ ልጅ፣ የሺሚ ልጅ፣ ⁴³የያሕት ልጅ፣ የጌርሶም ልጅ፣ የሌዊ ልጅ። ⁴⁴በግራ በኩል ወንድሞቻቸው የሜረሪ ልጆች ነበሩ፤ ኤታን የቂሺ ልጅ፣ የዐብዲ ልጅ፣ የማሉክ ልጅ፣ ⁴⁵የሐሻብያ ልጅ፣ የአሜስያ ልጅ፣ የኬልቅያስ ልጅ፣ ⁴⁶የአምጺ ልጅ፣ የባኒ ልጅ፣ የሼሜር ልጅ፣ ⁴⁷የመሐሊ ልጅ፣ የሙሲ ልጅ፣ የሜረሪ ልጅ፣ የሌዊ ልጅ።

⁴⁸ባልንጀሮቻቸው ሌዋውያን ለማደሪያው ለአባታችን ቤት አገልግሎት ሁሉ ተሾሙ። ⁴⁹አሮንና ልጆቹ ግን በሚቃጠል መሥዋዕት መሠዊያና በዕጣን መሠዊያ ላይ ያቀርቡ ነበር፤ የቅድስተ ቅዱሳኑን ሥራ ሁሉ ያከናውኑ፣ ለእስራኤልም ያስተሰርዩ ነበር፤ ይህም የአባታችን አገልጋይ ሙሴ ባዘዘው ሁሉ መሠረት ነበር።

⁵⁰የአሮን ልጆች እነዚህ ነበሩ፦ ልጁ አልዓዛር፣ ልጁ ፊንሐስ፣ ልጁ አቢሱ፣ ⁵¹ልጁ ቡኪ፣ ልጁ ዑዚ፣ ልጁ ዛራህያ፣ ⁵²ልጁ ምራዮት፣ ልጁ አማርያ፣ ልጁ አኪጦብ፣ ⁵³ልጁ ሳዶቅ፣ ልጁም አኪማዓስ።

⁵⁴መኖሪያቸውና በየግዛታቸው ያሉ ሰፈሮቻቸው እነዚህ ነበሩ፦ ከቀዓት ጐሳ የሆኑ የአሮን ዘሮች የመጀመሪያውን ዕጣ ተቀበሉ፤ ⁵⁵በይሁዳ ምድር ያለችውን ኬብሮንን ከዙሪያዋ ማሰማሪያ ሜዳዎች ጋር ተሰጣቸው። ⁵⁶የከተማዪቱን እርሻዎችና መንደሮቿን ግን ለይፎኔ ልጅ ለካሌብ ሰጡ። ⁵⁷ስለዚህ ለአሮን ዘሮች የመማጸኛ ከተሞች ተሰጧቸው፦ ኬብሮን፣ ልብና ከማሰማሪያ ሜዳዎቿ ጋር፣ ያቲር፣ ኤስቴሞ ከማሰማሪያ ሜዳዎቿ ጋር፣ ⁵⁸ሂሌን ከማሰማሪያ ሜዳዎቿ ጋር፣ ዳቢር ከማሰማሪያ ሜዳዎቿ ጋር፣ ⁵⁹ዓሳን ከማሰማሪያ ሜዳዎቿ ጋር፣ ቤትሳሚስም ከማሰማሪያ ሜዳዎቿ ጋር። ⁶⁰ከብንያም ነገድ፦ ጌባ፣ ዓለሜትና ዓናቶት፣ እያንዳንዳቸው ከማሰማሪያ ሜዳ ጋር፤ በጠቅላላው በየጐሳቸው ዐሥራ ሦስት ከተሞች ነበሩ።

⁶¹የቀዓታውያን ቀሪዎች ከምናሴ እኩሌታ ነገድ ጐሳዎች ዐሥር ከተሞች በዕጣ ተሰጣቸው። ⁶²ጌርሶማውያን በየጐሳቸው ከይሳኮር፣ ከአሴር፣ ከንፍታሌምና በባሳን ካለው ከምናሴ ክፍል ዐሥራ ሦስት ከተሞች ተሰጣቸው። ⁶³ሜረራውያን በየጐሳቸው ከሮቤል፣ ከጋድና ከዛብሎን ነገዶች ዐሥራ ሁለት ከተሞች በዕጣ ተሰጣቸው። ⁶⁴ስለዚህ እስራኤላውያን እነዚህን ከተሞች ከማሰማሪያ ሜዳዎቻቸው ጋር ለሌዋውያን ሰጡ። ⁶⁵ከይሁዳ፣ ከስምዖንና ከብንያም ነገዶች ከላይ የተጠቀሱትን ከተሞች በዕጣ ሰጡ።

⁶⁶ከቀዓት ጐሳዎች አንዳንዶቹ ከኤፍሬም ነገድ የሆኑ ከተሞችን እንደ ግዛታቸው ተሰጡ። ⁶⁷የመማጸኛ ከተሞች ተሰጧቸው፦ በኤፍሬም ተራራማ አገር ያለች ሴኬም ከማሰማሪያ ሜዳ ጋር፣ ጌዤር ከማሰማሪያ ሜዳ ጋር፣ ⁶⁸ዮቅምዓም ከማሰማሪያ ሜዳዎቿ ጋር፣ ቤትሆሮን ከማሰማሪያ ሜዳዎቿ ጋር፣ ⁶⁹አያሎን ከማሰማሪያ ሜዳዎቿ ጋር፣ ጋትሬሞን ከማሰማሪያ ሜዳዎቿ ጋር። ⁷⁰ከምናሴ እኩሌታ ነገድ፦ ለቀሩት የቀዓት ጐሳዎች ዓኔር ከማሰማሪያ ሜዳዎቿ ጋር፣ ቢልዓምም ከማሰማሪያ ሜዳዎቿ ጋር ተሰጡ።

⁷¹ጌርሶማውያን ከምናሴ እኩሌታ ነገድ ጐሳ ተቀበሉ፦ በባሳን ያለች ጎላን ከማሰማሪያ ሜዳዎቿ ጋር፣ አስታሮትም ከማሰማሪያ ሜዳዎቿ ጋር፣ ⁷²ከይሳኮር ነገድ፦ ቄዴስ ከማሰማሪያ ሜዳዎቿ ጋር፣ ዳበራት ከማሰማሪያ ሜዳዎቿ ጋር፣ ⁷³ራሞት ከማሰማሪያ ሜዳዎቿ ጋር፣ ዓኔም ከማሰማሪያ ሜዳዎቿ ጋር፤ ⁷⁴ከአሴር ነገድ፦ ማሻል ከማሰማሪያ ሜዳዎቿ ጋር፣ ዓብዶን ከማሰማሪያ ሜዳዎቿ ጋር፣ ⁷⁵ሑቆቅ ከማሰማሪያ ሜዳዎቿ ጋር፣ ሮኦብ ከማሰማሪያ ሜዳዎቿ ጋር፤ ⁷⁶ከንፍታሌም ነገድ፦ በገሊላ ያለች ቄዴስ ከማሰማሪያ ሜዳ ጋር፣ ሐሞን ከማሰማሪያ ሜዳ ጋር፣ ቂርያታይም ከማሰማሪያ ሜዳ ጋር።

⁷⁷ለቀሩት ሜረራውያን ከዛብሎን ነገድ ሬሞኖ ከማሰማሪያ ሜዳዋ ጋር፣ ታቦር ከማሰማሪያ ሜዳዋ ጋር ተሰጣቸው፤ ⁷⁸በዮርዳኖስ ማዶ፣ ከኢያሪኮ በስተ ምሥራቅ ከሮቤል ነገድ፦ በበረሓ ያለች ባሴር ከማሰማሪያ ሜዳዎቿ ጋር፣ ያሳ ከማሰማሪያ ሜዳዎቿ ጋር፣ ⁷⁹ቄዴሞት ከማሰማሪያ ሜዳዎቿ ጋር፣ ሜፋት ከማሰማሪያ ሜዳዎቿ ጋር፤ ⁸⁰ከጋድ ነገድ፦ በገለዓድ ያለች ራሞት ከማሰማሪያ ሜዳዎቿ ጋር፣ መሐናይም ከማሰማሪያ ሜዳዎቿ ጋር፣ ⁸¹ሔስቦን ከማሰማሪያ ሜዳዎቿ ጋር፣ ያዜር ከማሰማሪያ ሜዳዎቿ ጋር።