Zengila Mambu Mama, A Tata Wama
Kiwayi kyimosi kisi landa — kikuma kya biki yifweti dyata mu phipha, yiyangiswa. Mu kati dya kulomba talala, wisi lomba ni mwini yi kyedika bitumwa hanga batwadisi, mu kumuvutula ku mesa ma kimenga yi ku kyesi kyandi kiluti kitesu. Ndinga yisi vutuka: sya kivuvu mwena Tata wetu.
43 1Zengila mambu mama, A Tata wama, amana zonzila dyambu dyama kwena kanda dyakonda lukwikilu; mphulula kwa mutu wa bukamvi yi wakonda masonga. 2Mukuma ngeyi wenina Tata wama, kikokolu kyama. Kikuma kya biki wándosa? Kikuma kya biki yifweti dyatila mu phipha, yiyangiswa kwa mbeni? 3Tuma mwini waku yi kyedika kyaku; byantwadisa meni; byanata meni ku mongu waku wahedila, ku kuma kuna wenina. 4Buna yakwenda ku mesa ma kimenga ma Tata wetu, kwena yandi, wuna wenina kyesi kyama kiluti kitesu; amana yazatula Tata wama ni nsambi. 5Kikuma kya biki wenina mu kiwayi, moya wama, amana kikuma kya biki wuvwalangani mu kati dyama? Sya kivuvu kyaku mwena Tata wetu; mukuma yazatula hika, yandi wuna wenina luhulusu lwama yi Tata wama.
