Zaburi 43

43 ¹ Nihukumie haki yangu, Baba yangu, ukanitetee dhidi ya taifa lisilo waaminifu; uniokoe na mtu mdanganyifu na dhalimu. ² Kwa maana wewe ndiwe Baba yangu, ngome yangu. Kwa nini umenikataa mimi? Kwa nini niende nikiomboleza, nikionewa na adui? ³ Peleka nuru yako na kweli yako; zinioongoze mimi; zinilete katika mlima wako mtakatifu, hata mahali unapokaa. ⁴ Ndipo nitakapokwenda kwenye madhabahu ya Baba yetu, kwake yeye, furaha yangu kuu; nami nitamsifu Baba yangu kwa kinubi. ⁵ Kwa nini unasononeka, ee nafsi yangu, na kwa nini unafadhaika ndani yangu? Umtumaini Baba yetu; kwa maana bado nitamsifu, yeye, wokovu wangu na Baba yangu.