ଗୀତସଂହିତା 43 FHB Father's Heart Bible™

43 ¹ହେ ମୋହର ପିତା, ମୋହର ବିଚାର କରନ୍ତୁ, ପୁଣି ଅଧର୍ମୀ ଗୋଷ୍ଠୀ ବିରୁଦ୍ଧରେ ମୋହର ପକ୍ଷ ସମର୍ଥନ କରନ୍ତୁ; ଛଳନାକାରୀ ଓ ଅନ୍ୟାୟକାରୀ ମନୁଷ୍ୟଠାରୁ ମୋତେ ଉଦ୍ଧାର କରନ୍ତୁ। ²କାରଣ ତୁମ୍ଭେ ମୋହର ପିତା, ମୋହର ଦୃଢ଼ ଦୁର୍ଗ ଅଟ। ତୁମ୍ଭେ କାହିଁକି ମୋତେ ପରିତ୍ୟାଗ କରିଅଛ? ଶତ୍ରୁ ଦ୍ଵାରା ଉପଦ୍ରୁତ ହୋଇ ମୁଁ କାହିଁକି ଅନ୍ଧକାରରେ ବୁଲିବି? ³ତୁମ୍ଭର ଦୀପ୍ତି ଓ ତୁମ୍ଭର ସତ୍ୟ ପ୍ରେରଣ କର; ସେ ମୋତେ କଢ଼ାଇ ନେଉ; ସେ ମୋତେ ତୁମ୍ଭର ପବିତ୍ର ପର୍ବତକୁ, ତୁମ୍ଭର ବାସସ୍ଥାନକୁ ଆଣୁ। ⁴ସେତେବେଳେ ମୁଁ ଆମ୍ଭମାନଙ୍କ ପିତାଙ୍କ ବେଦି ନିକଟକୁ, ମୋହର ପରମ ଆନନ୍ଦ ସ୍ଵରୂପ ତାହାଙ୍କ ନିକଟକୁ ଯିବି; ପୁଣି ମୁଁ ବୀଣା ବଜାଇ ମୋହର ପିତାଙ୍କ ପ୍ରଶଂସା କରିବି। ⁵ହେ ମୋହର ପ୍ରାଣ, ତୁମ୍ଭେ କାହିଁକି ଅବସନ୍ନ ହୋଇଅଛ, ପୁଣି ମୋʼ ଅନ୍ତରରେ କାହିଁକି ଉଦ୍‍ବିଗ୍ନ ହୋଇଅଛ? ଆମ୍ଭମାନଙ୍କ ପିତାଙ୍କଠାରେ ଭରସା ରଖ; କାରଣ ମୁଁ ପୁନର୍ବାର ତାହାଙ୍କ, ମୋହର ପରିତ୍ରାଣ ଓ ମୋହର ପିତାଙ୍କ ପ୍ରଶଂସା କରିବି।