Ng'eetei Kwandanyo si korwook
Tienwogetap Asap.
Tonone Kwandanyo eng' tuiyet ne po Kamuktaindet, ak kochuty kamuktaik che rwookyini kirwooget ne ma po imanda. Ma ki gang'eeno ne kingirgisye: toreti che nyalileen, lakwa ne ma tinyei sigiik, ak che bonondos. Kobutyo ko uu piik che ii kityo, ak koweekyi ng'wony Kirwoogindennyi ne po imanda.
Ng'alaali Kwandanyo eng' mustarisyek 2–7
82 1Tonone Kwandanyo eng' tuiyet ne po Kamuktaindet; eng' kwenutap kamuktaik irwookyi kirwooget. a a v1 “Kamuktaik” che mi tuiyet ne po Kamuktaindet ko pounik ak kimnatosyek che kaginde Kwandanyo kobatai pororyosyek — che nyolu koteebee icheek eng' ineendet, ma icheek che tiengei ak ineendet. Nai siruutyet kole mi Kamuktaindet ne agenge kityo; tebyei pichu eng' bun kirwoogennyi.
2“Ko agoi ano ye orwookyi kirwooget ne ma po imanda, ak otiytiy kiptengeginik?
3“Toreti nyalulyotin ak lakwa ne ma tinyei sigiik; iyachi kiit ne machei che kinyalili ak kibananook. 4Sar nyalulyotin ak che nyalili; sar icheek eng' eunegap kiptengeginik. 5Ma ngen ago ma guiyo; oombeni eng' mesundeito; potanso lumeiywegap ng'wony tugul. 6Ki amwa ale, ‘Kamuktaik okweek; weeriigap Ne Toroor Miising' okweek tugul.’ 7Ago obekyini ko uu piik che ii kityo; obutyo ko uu pounindet age tugul ne terter.”
8Ng'eet, Kwandanyo, irwookyi ng'wony, amu pororyosyek tugul ko poroteng'ung'.