Mi eng' bukuit

Isaiah 55 FHB Father's Heart Bible™

Kiistoi 15% eng' kiy ne iale korook →
Bukuit

Oonyoo Peek

Kiguure piik che ma mi robiinik: onyoo, oam ak oee eng' puch, obagaakte oboisyee robiinik eng' kiy ne ma yamei. Toroor kabwaatutikap Kwandanyo kosiir chenywa, nooto si toroor konyochinetap kaat nenyi kosiir ye aanei icheek. Ng'olyoondennyi, ko uu ropta, ma weeksei kwong'eet.

Ng'alaali Kwandanyo eng' mustarisyek 1–5, 8–13

Sura 55.

“Okas! Okweek tugul che oame melelda, onyoo peek; okweek che ma mi robiinik, onyoo, oal amitwogik ak oam! Onyoo, oal divaik ak cheego ko ma mi aldaet—eng' puch kityo. Amu nee si iboisyee robiinik eng' kiy ne ma amitwogik, ak labotik eng' kiy ne ma yamei? Ogas iman, ak oam kiy ne myee, ak koboiboitu saboondang'wong' eng' amitwogik che myachen miising'. Oyat itiikwok ak onyoo anee; ogas, si kosap saboondang'wong'. Ayae arorutyet ne po koigeny kobooto okweek, rireenennyu ne po iman ne ki kayomchi Daudi. a a v3 Kagomwa Paulo ng'olyoondoni eng' Acts 13:34 agobo ng'etunetap Jeso eng' meet; arorutyetap Kwandanyo ne po koigeny kobooto Daudi konyoorunee kaimutyeet ne po iman eng' Kristo ne ki ng'eetyo eng' meet. Keero, kaande ineendet koek paoryat eng' pororyosyek, pounindet ak kiptaiyatap pororyosyek. Eng' iman iguur pororyet ne ma ingen, ak pororyet ne ma ngen kolabat kwonyoon, amu Kwandang'ung', Ne Tiliil ne po Israel, amu kagoitoroorin.”

Ocheeng' Kwandanyo ye ta kinyooru; oguur ineendet ye neegitee. Imbagaakte kiptengeginyat ooreennyi, ak chiito ne ma po imanda kabwaatutikyik. Koweeksei Kwandanyo, ak korirenji ineendet Kwandanyo; koweeksei Kwandanyo, amu konyochi kaat eng' puch.

“Amu kabwaatutikyuk ko ma kabwaatutikwak, ak ortinwekwok ko ma ortinwekyuk,’ mwaei Kwandanyo. ‘Amu ko uu ye toroor kipsengwet kosiir ng'wony, ko uu nooto ortinwekyuk kotoroor kosiir ortinwekwok, ak kabwaatutikyuk kosiir kabwaatutikwak.

“Amu ko uu ye punu ropta ak teluji kipsengwet ak ma weeksei yooto, ago korobonji ng'wony, si koruurin ak komang'un, si kogoochi minindet kesweek ak amitwogik icheek che amei, ko uu nooto ng'olyoondennyu ne manda eng' kutinnyu: ma koweeksei anee eng' puch, ago koyai kiy ne amache ak koit magennyu ne ki aiyooktoi. Omande eng' poiboiyet ak kiiwook eng' kaalyeet; kotyenetgei tuloonook ak kurenik eng' taing'wong', ak kobir eunekwak keetiik tugul che po osneet. Eng' ole mi suswek koruu taragonik, ak eng' ole mi kuretik koruu keetitap mirtel. Koek niito kainetap Kwandanyo, kaboorunet ne po koigeny ne ma kiisto koigeny.’”