ସଲଫାଦଙ୍କ କନ୍ୟାମାନେ

ପାଞ୍ଚ ଭଉଣୀ ପଚାରନ୍ତି ପୁଅ ନଥିବାରୁ ସେମାନଙ୍କ ବାପାଙ୍କ ନାମ କାହିଁକି ଲୋପ ପାଇବ, ଏବଂ ଆମ ପିତା କହନ୍ତି ସେମାନେ ଠିକ୍ କହୁଛନ୍ତି, ଓ ଅଧିକାରର ବିଧି ବଦଳାନ୍ତି। ଦେଶ ବାହାରେ ମରିବେ ବୋଲି ଶୁଣି ମୋଶା ଲୋକମାନଙ୍କ ପାଇଁ ଜଣେ ମେଷପାଳକ ମାଗନ୍ତି; ସମସ୍ତଙ୍କ ସମ୍ମୁଖରେ ଯିହୋଶୂୟଙ୍କୁ ନିଯୁକ୍ତ କରାଯାଏ।

ଅଧ୍ୟାୟ 27।

ମନଶିର ପୁତ୍ର ମାଖୀର, ମାଖୀରଙ୍କ ପୁତ୍ର ଗିଲୀୟଦ, ଗିଲୀୟଦଙ୍କ ପୁତ୍ର ହେଫର, ହେଫରଙ୍କ ପୁତ୍ର ସଲଫାଦ, ଏହି ସଲଫାଦଙ୍କ କନ୍ୟାମାନେ, ଅର୍ଥାତ୍ ଯୋଷେଫଙ୍କ ପୁତ୍ର ମନଶିର ବଂଶସମୂହରୁ, ନିକଟକୁ ଆସିଲେ। ତାହାଙ୍କ କନ୍ୟାମାନଙ୍କ ନାମ ଏହି — ମହଲା, ନୋୟା, ହଗ୍ଲା, ମିଲ୍କା ଓ ତିର୍ସା। ସେମାନେ ସମାଗମ-ତମ୍ବୁର ଦ୍ଵାର ନିକଟରେ ମୋଶା, ଯାଜକ ଇଲୀୟାସର, ଅଧ୍ୟକ୍ଷଗଣ ଓ ସମସ୍ତ ମଣ୍ଡଳୀ ସମ୍ମୁଖରେ ଠିଆ ହୋଇ କହିଲେ, “ଆମ୍ଭମାନଙ୍କ ପିତା ପ୍ରାନ୍ତରରେ ମଲେ, ପୁଣି ଯେଉଁମାନେ କୋରହର ଦଳ ସହିତ ଆମ୍ଭମାନଙ୍କ ପିତାଙ୍କ ବିରୁଦ୍ଧରେ ଏକତ୍ର ହୋଇଥିଲେ, ସେ ସେମାନଙ୍କ ମଧ୍ୟରେ ନ ଥିଲେ; ସେ ଆପଣା ପାପ ସକାଶୁ ମଲେ, ଆଉ ତାହାଙ୍କର କୌଣସି ପୁତ୍ର ନ ଥିଲା। ପୁତ୍ର ନ ଥିବାରୁ ଆମ୍ଭମାନଙ୍କ ପିତାଙ୍କ ନାମ କାହିଁକି ତାହାଙ୍କ ବଂଶ ମଧ୍ୟରୁ ଲୁପ୍ତ ହେବ? ଆମ୍ଭମାନଙ୍କ ପିତାଙ୍କ ଭ୍ରାତୃଗଣ ମଧ୍ୟରେ ଆମ୍ଭମାନଙ୍କୁ ଏକ ଅଧିକାର ଦିଅନ୍ତୁ।”

ତହିଁରେ ମୋଶା ସେମାନଙ୍କ ଗୁହାରି ଆମ୍ଭମାନଙ୍କ ପିତାଙ୍କ ସମ୍ମୁଖରେ ଉପସ୍ଥିତ କଲେ। ଆଉ ଆମ୍ଭମାନଙ୍କ ପିତା ମୋଶାଙ୍କୁ କହିଲେ,

“ସଲଫାଦଙ୍କ କନ୍ୟାମାନେ ଯଥାର୍ଥ କହୁଅଛନ୍ତି; ତୁମ୍ଭେ ସେମାନଙ୍କ ପିତାଙ୍କ ଭ୍ରାତୃଗଣ ମଧ୍ୟରେ ସେମାନଙ୍କୁ ଏକ ଅଧିକାରାଂଶ ଦିଅ, ଆଉ ସେମାନଙ୍କ ପିତାଙ୍କ ଅଧିକାର ସେମାନଙ୍କ ପ୍ରତି ହସ୍ତାନ୍ତର କର। ପୁଣି ତୁମ୍ଭେ ଇସ୍ରାଏଲ-ସନ୍ତାନଗଣଙ୍କୁ କୁହ, ଯଦି କୌଣସି ମନୁଷ୍ୟ ପୁତ୍ରବିହୀନ ହୋଇ ମରେ, ତେବେ ତୁମ୍ଭେମାନେ ତାହାର ଅଧିକାର ତାହାର କନ୍ୟା ପ୍ରତି ହସ୍ତାନ୍ତର କରିବ। ଆଉ ଯଦି ତାହାର କନ୍ୟା ନ ଥାଏ, ତେବେ ତୁମ୍ଭେମାନେ ତାହାର ଅଧିକାର ତାହାର ଭ୍ରାତୃଗଣଙ୍କୁ ଦେବ। ପୁଣି ଯଦି ତାହାର ଭ୍ରାତା ନ ଥାଏ, ତେବେ ତୁମ୍ଭେମାନେ ତାହାର ଅଧିକାର ତାହାର ପିତୃବ୍ୟମାନଙ୍କୁ ଦେବ। ଆଉ ଯଦି ତାହାର ପିତାଙ୍କର ଭ୍ରାତା ନ ଥାଏ, ତେବେ ତୁମ୍ଭେମାନେ ତାହାର ବଂଶ ମଧ୍ୟରେ ତାହାର ନିକଟସ୍ଥ ଜ୍ଞାତିକୁ ତାହାର ଅଧିକାର ଦେବ, ଆଉ ସେ ତାହା ଅଧିକାର କରିବ। ଆମ୍ଭମାନଙ୍କ ପିତା ମୋଶାଙ୍କୁ ଆଜ୍ଞା କଲା ପ୍ରକାରେ ଏହା ଇସ୍ରାଏଲ-ସନ୍ତାନଗଣଙ୍କ ପ୍ରତି ଏକ ବ୍ୟବସ୍ଥାର ବିଧି ହେବ।”

ମୋଶା ଦେଶ ଦେଖନ୍ତି

ଏଥିଉତ୍ତାରେ ଆମ୍ଭମାନଙ୍କ ପିତା ମୋଶାଙ୍କୁ କହିଲେ, “ତୁମ୍ଭେ ଏହି ଅବାରୀମ୍ ପର୍ବତ ଉପରକୁ ଯାଇ, ଆମ୍ଭେ ଇସ୍ରାଏଲ-ସନ୍ତାନଗଣଙ୍କୁ ଯେଉଁ ଦେଶ ଦେଇଅଛୁ, ତାହା ଦେଖ। ଆଉ ତୁମ୍ଭେ ତାହା ଦେଖିଲା ଉତ୍ତାରେ ତୁମ୍ଭର ଭ୍ରାତା ହାରୋଣ ଯେପରି ଆପଣା ଲୋକମାନଙ୍କ ନିକଟରେ ସଂଗୃହୀତ ହେଲେ, ସେପରି ତୁମ୍ଭେ ମଧ୍ୟ ଆପଣା ଲୋକମାନଙ୍କ ନିକଟରେ ସଂଗୃହୀତ ହେବ। କାରଣ ତୁମ୍ଭେମାନେ ସୀନ୍ ପ୍ରାନ୍ତରରେ ମଣ୍ଡଳୀର ବିବାଦ ସମୟରେ ସେମାନଙ୍କ ଦୃଷ୍ଟି ସମ୍ମୁଖରେ ଜଳ ନିକଟରେ ଆମ୍ଭକୁ ପବିତ୍ର ବୋଲି ମାନ୍ୟ କରିବା ବିଷୟରେ ଆମ୍ଭ ଆଜ୍ଞା ବିରୁଦ୍ଧରେ ବିଦ୍ରୋହ କଲ।” ଏହା ସୀନ୍ ପ୍ରାନ୍ତରସ୍ଥ କାଦେଶର ମିରୀବା-ଜଳ।

ତହିଁରେ ମୋଶା ଆମ୍ଭମାନଙ୍କ ପିତାଙ୍କୁ କହିଲେ, “ସମସ୍ତ ପ୍ରାଣୀର ଆତ୍ମାସମୂହର ପିତା ଏହି ମଣ୍ଡଳୀ ଉପରେ ଏକ ପୁରୁଷ ନିଯୁକ୍ତ କରନ୍ତୁ, ଯେ ସେମାନଙ୍କ ସମ୍ମୁଖରେ ବାହାରକୁ ଯିବ ଓ ସେମାନଙ୍କ ସମ୍ମୁଖରେ ଭିତରକୁ ଆସିବ, ଯେ ସେମାନଙ୍କୁ ବାହାର କରି ନେବ ଓ ସେମାନଙ୍କୁ ଭିତରକୁ ଆଣିବ, ଯେପରି ଆମ୍ଭମାନଙ୍କ ପିତାଙ୍କ ମଣ୍ଡଳୀ ପାଳକବିହୀନ ମେଷ ପରି ନ ହୁଅନ୍ତି।”

ତେଣୁ ଆମ୍ଭମାନଙ୍କ ପିତା ମୋଶାଙ୍କୁ କହିଲେ, “ତୁମ୍ଭେ ନୂନର ପୁତ୍ର ଯିହୋଶୂୟଙ୍କୁ, ଯାହାଙ୍କଠାରେ ଆତ୍ମା ଅଛନ୍ତି, ସେହି ପୁରୁଷଙ୍କୁ ନେଇ ତାହାଙ୍କ ଉପରେ ଆପଣା ହସ୍ତ ଥୋଇ, ଯାଜକ ଇଲୀୟାସର ଓ ସମସ୍ତ ମଣ୍ଡଳୀ ସମ୍ମୁଖରେ ତାହାଙ୍କୁ ଠିଆ କରାଇ ସେମାନଙ୍କ ଦୃଷ୍ଟି ସମ୍ମୁଖରେ ତାହାଙ୍କୁ ଅଭିଷିକ୍ତ କର। ପୁଣି ଇସ୍ରାଏଲ-ସନ୍ତାନଗଣଙ୍କ ସମସ୍ତ ମଣ୍ଡଳୀ ଯେପରି ତାହାଙ୍କ ଆଜ୍ଞା ମାନିବେ, ଏଥିପାଇଁ ତୁମ୍ଭେ ଆପଣା ପ୍ରତାପରୁ କିଛି ତାହାଙ୍କ ଉପରେ ଦିଅ। ଆଉ ସେ ଯାଜକ ଇଲୀୟାସର ସମ୍ମୁଖରେ ଠିଆ ହେବେ, ପୁଣି ସେ ତାହାଙ୍କ ନିମନ୍ତେ ଆମ୍ଭମାନଙ୍କ ପିତାଙ୍କ ସମ୍ମୁଖରେ ଊରୀମ୍ର ବିଚାର ଅନୁସନ୍ଧାନ କରିବେ; ତାହାଙ୍କ ବାକ୍ୟରେ ସେମାନେ ବାହାରକୁ ଯିବେ ଓ ତାହାଙ୍କ ବାକ୍ୟରେ ଭିତରକୁ ଆସିବେ, ସେ ଓ ତାହାଙ୍କ ସଙ୍ଗେ ଥିବା ସମସ୍ତ ଇସ୍ରାଏଲ-ସନ୍ତାନ, ଅର୍ଥାତ୍ ସମଗ୍ର ମଣ୍ଡଳୀ।”

ତହିଁରେ ଆମ୍ଭମାନଙ୍କ ପିତା ଆଜ୍ଞା ଦେଲା ପ୍ରକାରେ ମୋଶା କଲେ; ସେ ଯିହୋଶୂୟଙ୍କୁ ନେଇ ଯାଜକ ଇଲୀୟାସର ଓ ସମସ୍ତ ମଣ୍ଡଳୀ ସମ୍ମୁଖରେ ତାହାଙ୍କୁ ଠିଆ କରାଇଲେ। ପୁଣି ଆମ୍ଭମାନଙ୍କ ପିତା ମୋଶାଙ୍କ ଦ୍ଵାରା କହିଲା ପ୍ରକାରେ ସେ ତାହାଙ୍କ ଉପରେ ଆପଣା ହସ୍ତ ଥୋଇ ତାହାଙ୍କୁ ଅଭିଷିକ୍ତ କଲେ।