எண்ணாகமம் 27

27 ¹யோசேப்பின் குமாரனாகிய மனாசேயின் வம்சங்களைச் சேர்ந்த, மனாசேயின் குமாரனாகிய மாகீருக்குப் பிறந்த கீலேயாத்தின் குமாரனாகிய ஏப்பேரின் குமாரனாகிய செலோப்பியாத்தின் குமாரத்திகள் முன்வந்தார்கள். அவனுடைய குமாரத்திகளின் பெயர்கள்: மக்லாள், நோவாள், ஒக்லாள், மில்காள், தீர்சாள். ²அவர்கள் ஆசரிப்புக் கூடாரத்தின் வாசலில், மோசேக்கு முன்பாகவும், ஆசாரியனாகிய எலெயாசாருக்கு முன்பாகவும், தலைவர்களுக்கும் சபை அனைத்துக்கும் முன்பாகவும் நின்று சொன்னது: ³“எங்கள் தகப்பன் வனாந்தரத்திலே மரித்துப்போனான். அவன் எங்கள் பிதாவுக்கு விரோதமாகக் கோராகின் கூட்டத்தோடே கூடினவர்களில் இருந்ததில்லை; அவன் தன் சொந்தப் பாவத்தினிமித்தமே மரித்தான்; அவனுக்குக் குமாரர் இருந்ததில்லை. ⁴எங்கள் தகப்பனுக்குக் குமாரன் இல்லாதிருந்ததினால், அவனுடைய பெயர் அவன் வம்சத்திலிருந்து ஏன் நீங்கிப்போகவேண்டும்? எங்கள் தகப்பனுடைய சகோதரர் நடுவே எங்களுக்கும் ஒரு காணியாட்சியைக் கொடும்” என்றார்கள்.

⁵அப்பொழுது மோசே அவர்களுடைய வழக்கை எங்கள் பிதாவுக்கு முன்பாகக் கொண்டுவந்தான். ⁶எங்கள் பிதா மோசேயை நோக்கி:

⁷“செலோப்பியாத்தின் குமாரத்திகள் சொல்லுகிறது சரியே. அவர்களுடைய தகப்பனுடைய சகோதரர் நடுவே அவர்களுக்குச் சுதந்தரமான பங்கை நிச்சயமாய்க் கொடுத்து, அவர்களுடைய தகப்பனுடைய சுதந்தரத்தை அவர்களுக்குச் சேரப்பண்ணு. ⁸நீ இஸ்ரவேல் புத்திரரோடே சொல்லவேண்டியது என்னவென்றால்: ஒருவன் குமாரன் இல்லாமல் மரித்தால், அவனுடைய சுதந்தரத்தை அவன் குமாரத்திக்குச் சேரப்பண்ணுங்கள். ⁹அவனுக்குக் குமாரத்தி இல்லாதிருந்தால், அவனுடைய சுதந்தரத்தை அவன் சகோதரருக்குக் கொடுக்கவேண்டும். ¹⁰அவனுக்குச் சகோதரர் இல்லாதிருந்தால், அவனுடைய சுதந்தரத்தை அவன் தகப்பனுடைய சகோதரருக்குக் கொடுக்கவேண்டும். ¹¹அவன் தகப்பனுக்குச் சகோதரர் இல்லாதிருந்தால், அவன் வம்சத்தில் அவனுக்கு நெருங்கிய இனத்தானுக்கு அவனுடைய சுதந்தரத்தைக் கொடுங்கள்; அவன் அதைச் சுதந்தரித்துக்கொள்வான். எங்கள் பிதா மோசேக்குக் கட்டளையிட்டபடி, இது இஸ்ரவேல் புத்திரருக்கு நியாயப்பிரமாணமான கட்டளையாயிருக்கும்” என்றார்.

மோசே தேசத்தைப் பார்த்தல்

¹²பின்பு எங்கள் பிதா மோசேயை நோக்கி: “நீ இந்த அபாரீம் மலையில் ஏறி, நான் இஸ்ரவேல் புத்திரருக்குக் கொடுத்த தேசத்தைப் பார். ¹³நீ அதைப் பார்த்தபின்பு, உன் சகோதரனாகிய ஆரோன் சேர்க்கப்பட்டதுபோல, நீயும் உன் ஜனத்தாரோடே சேர்க்கப்படுவாய். ¹⁴ஏனெனில், சீன் வனாந்தரத்திலே சபையார் வாக்குவாதம்பண்ணின நாளிலே, நீங்கள் அவர்கள் கண்களுக்கு முன்பாக அந்தத் தண்ணீரண்டையிலே என்னைப் பரிசுத்தர் என்று மகிமைப்படுத்தாமல், என் கட்டளைக்கு விரோதமாய்க் கலகம்பண்ணினீர்கள்; அதுவே சீன் வனாந்தரத்திலுள்ள காதேசின் மேரிபாவின் தண்ணீர்” என்றார்.

¹⁵அப்பொழுது மோசே எங்கள் பிதாவை நோக்கி: ¹⁶“மாம்சமான யாவருடைய ஆவிகளுக்கும் பிதாவாகிய தேவரீர், இந்தச் சபையின்மேல் ஒரு மனுஷனை ஏற்படுத்துவீராக; ¹⁷அவர்களுக்கு முன்பாகப் புறப்பட்டுப்போய், அவர்களுக்கு முன்பாக உட்பிரவேசித்து, அவர்களை நடத்திக்கொண்டு புறப்பட்டு, அவர்களை உட்பிரவேசிக்கப்பண்ணும்படிக்கு ஒருவனை ஏற்படுத்துவீராக; அப்பொழுது எங்கள் பிதாவின் சபை மேய்ப்பன் இல்லாத ஆடுகளைப்போல இராது” என்றான்.

¹⁸அப்பொழுது எங்கள் பிதா மோசேயை நோக்கி: “ஆவி உள்ளவனாகிய நூனின் குமாரன் யோசுவாவை நீ தெரிந்துகொண்டு, அவன்மேல் உன் கையை வைத்து, ¹⁹அவனை ஆசாரியனாகிய எலெயாசாருக்கு முன்பாகவும், சபை அனைத்துக்கும் முன்பாகவும் நிறுத்தி, அவர்கள் கண்களுக்கு முன்பாக அவனுக்குப் பொறுப்பைக் கட்டளையிடு. ²⁰இஸ்ரவேல் புத்திரரின் சபை அனைத்தும் அவனுக்குக் கீழ்ப்படியும்படிக்கு, உன் மகிமையில் சிலவற்றை அவன்மேல் வை. ²¹அவன் ஆசாரியனாகிய எலெயாசாருக்கு முன்பாக நிற்பான்; அவன் எங்கள் பிதாவுக்கு முன்பாக ஊரீமின் நியாயத்தை அவனுக்காக விசாரிப்பான். எலெயாசாரின் வாக்கின்படியே அவனும், அவனோடேகூட இருக்கிற இஸ்ரவேல் புத்திரர் அனைவரும், சபை அனைத்தும் புறப்பட்டுப்போவார்கள், அவன் வாக்கின்படியே உட்பிரவேசிப்பார்கள்” என்றார்.

²²எங்கள் பிதா தனக்குக் கட்டளையிட்டபடியே மோசே செய்தான்; அவன் யோசுவாவைத் தெரிந்துகொண்டு, அவனை ஆசாரியனாகிய எலெயாசாருக்கு முன்பாகவும், சபை அனைத்துக்கும் முன்பாகவும் நிறுத்தி, ²³எங்கள் பிதா மோசேயின் மூலமாய்ச் சொன்னபடியே, அவன்மேல் தன் கைகளை வைத்து, அவனுக்குப் பொறுப்பைக் கட்டளையிட்டான்.