ଆତ୍ମାମାନଙ୍କୁ ପରୀକ୍ଷା କରିବା

ଆତ୍ମାମାନଙ୍କୁ ପରୀକ୍ଷା କର; ଯେଉଁମାନେ ସ୍ୱୀକାର କରନ୍ତି ଯେ ଯୀଶୁ ମାଂସରେ ଆସିଲେ, ସେମାନେ ଆମ ପିତାଙ୍କଠାରୁ। ପ୍ରେମ ତାଙ୍କଠାରୁ ଆସେ କାରଣ ଆମ ପିତା ପ୍ରେମ, ଯାହା ତାଙ୍କ ପୁତ୍ରଙ୍କୁ ପଠାଇବା ଦ୍ୱାରା ପ୍ରମାଣିତ। ସିଦ୍ଧ ପ୍ରେମ ଭୟକୁ ଦୂର କରେ, ଏବଂ ଯେ ନିଜେ ଦେଖିଥିବା ଭାଇକୁ ଘୃଣା କରେ, ସେ ପିତାଙ୍କୁ ପ୍ରେମ କରେ ବୋଲି ଦାବି କରିପାରିବ ନାହିଁ।

ଅଧ୍ୟାୟ 4।

ହେ ପ୍ରିୟମାନେ, ପ୍ରତ୍ୟେକ ଆତ୍ମାକୁ ବିଶ୍ଵାସ କର ନାହିଁ, ମାତ୍ର ସେମାନେ ଆମ୍ଭମାନଙ୍କ ପିତାଙ୍କଠାରୁ କି ନା ଜାଣିବା ନିମନ୍ତେ ଆତ୍ମାମାନଙ୍କୁ ପରୀକ୍ଷା କର, କାରଣ ଅନେକ ଭଣ୍ଡ ଭାବବାଦୀ ଜଗତକୁ ବାହାରି ଯାଇଅଛନ୍ତି। ଏହା ଦ୍ଵାରା ତୁମ୍ଭେମାନେ ଆମ୍ଭମାନଙ୍କ ପିତାଙ୍କ ଆତ୍ମାଙ୍କୁ ଜାଣିପାର: ଯେଉଁ ପ୍ରତ୍ୟେକ ଆତ୍ମା ଯୀଶୁ ଖ୍ରୀଷ୍ଟ ଦେହଧାରୀ ହୋଇ ଆସିଅଛନ୍ତି ବୋଲି ସ୍ଵୀକାର କରେ, ସେ ଆମ୍ଭମାନଙ୍କ ପିତାଙ୍କଠାରୁ, ଆଉ ଯେଉଁ ପ୍ରତ୍ୟେକ ଆତ୍ମା ଯୀଶୁଙ୍କୁ ସ୍ଵୀକାର କରେ ନାହିଁ, ସେ ଆମ୍ଭମାନଙ୍କ ପିତାଙ୍କଠାରୁ ନୁହେଁ। ଏହା ଖ୍ରୀଷ୍ଟାରିର ଆତ୍ମା, ଯାହା ଆସୁଅଛି ବୋଲି ତୁମ୍ଭେମାନେ ଶୁଣିଅଛ, ଆଉ ତାହା ବର୍ତ୍ତମାନ ଜଗତରେ ଉପସ୍ଥିତ ଅଛି। ହେ ବତ୍ସମାନେ, ତୁମ୍ଭେମାନେ ଆମ୍ଭମାନଙ୍କ ପିତାଙ୍କଠାରୁ ଅଟ, ଆଉ ସେମାନଙ୍କୁ ଜୟ କରିଅଛ, କାରଣ ଯେ ଜଗତରେ ଅଛି, ତାହା ଅପେକ୍ଷା ଯେ ତୁମ୍ଭମାନଙ୍କଠାରେ ଅଛନ୍ତି, ସେ ମହାନ। ସେମାନେ ଜଗତରୁ ଅଟନ୍ତି; ଏଣୁ ସେମାନେ ଜଗତରୁ କଥା କହନ୍ତି, ଆଉ ଜଗତ ସେମାନଙ୍କ କଥା ଶୁଣେ। ଆମ୍ଭେମାନେ ଆମ୍ଭମାନଙ୍କ ପିତାଙ୍କଠାରୁ ଅଟୁ। ଯେ ତାହାଙ୍କୁ ଜାଣେ, ସେ ଆମ୍ଭମାନଙ୍କ କଥା ଶୁଣେ; ଯେ ତାହାଙ୍କଠାରୁ ନୁହେଁ, ସେ ଆମ୍ଭମାନଙ୍କ କଥା ଶୁଣେ ନାହିଁ। ଏହା ଦ୍ଵାରା ଆମ୍ଭେମାନେ ସତ୍ୟର ଆତ୍ମା ଓ ଭ୍ରାନ୍ତିର ଆତ୍ମାକୁ ଜାଣୁ।

ଆମ୍ଭମାନଙ୍କ ପିତା ପ୍ରେମ ଅଟନ୍ତି

ହେ ପ୍ରିୟମାନେ, ଆସ, ଆମ୍ଭେମାନେ ପରସ୍ପରକୁ ପ୍ରେମ କରୁ, କାରଣ ପ୍ରେମ ଆମ୍ଭମାନଙ୍କ ପିତାଙ୍କଠାରୁ, ଆଉ ଯେଉଁମାନେ ପ୍ରେମ କରନ୍ତି, ସେମାନେ ସମସ୍ତେ ତାହାଙ୍କଠାରୁ ଜାତ ଆଉ ତାହାଙ୍କୁ ଜାଣନ୍ତି। ଯେ ପ୍ରେମ କରେ ନାହିଁ, ସେ ଆମ୍ଭମାନଙ୍କ ପିତାଙ୍କୁ ଜାଣେ ନାହିଁ, କାରଣ ଆମ୍ଭମାନଙ୍କ ପିତା ପ୍ରେମ ଅଟନ୍ତି। ^a ଏହା ଦ୍ଵାରା ଆମ୍ଭମାନଙ୍କ ପିତାଙ୍କ ପ୍ରେମ ଆମ୍ଭମାନଙ୍କ ମଧ୍ୟରେ ପ୍ରକାଶିତ ହେଲା: ଆମ୍ଭେମାନେ ଯେପରି ତାହାଙ୍କ ଦ୍ଵାରା ବଞ୍ଚୁ, ଏଥିପାଇଁ ଆମ୍ଭମାନଙ୍କ ପିତା ଆପଣା ଅଦ୍ଵିତୀୟ ପୁତ୍ରଙ୍କୁ ଜଗତକୁ ପ୍ରେରଣ କଲେ। ପ୍ରେମ ଏହା ଅଟେ: ଆମ୍ଭେମାନେ ଯେ ଆମ୍ଭମାନଙ୍କ ପିତାଙ୍କୁ ପ୍ରେମ କଲୁ, ତାହା ନୁହେଁ, ମାତ୍ର ସେ ଯେ ଆମ୍ଭମାନଙ୍କୁ ପ୍ରେମ କଲେ, ଆଉ ଆମ୍ଭମାନଙ୍କ ପାପର ପ୍ରାୟଶ୍ଚିତ୍ତ ବଳିରୂପେ ଆପଣା ପୁତ୍ରଙ୍କୁ ପ୍ରେରଣ କଲେ। ^b ହେ ପ୍ରିୟମାନେ, ଆମ୍ଭମାନଙ୍କ ପିତା ଯଦି ଆମ୍ଭମାନଙ୍କୁ ଏତେ ପ୍ରେମ କଲେ, ତେବେ ଆମ୍ଭେମାନେ ମଧ୍ୟ ପରସ୍ପରକୁ ପ୍ରେମ କରିବା ଉଚିତ। କେହି କେବେ ଆମ୍ଭମାନଙ୍କ ପିତାଙ୍କୁ ଦେଖି ନାହିଁ; ଯଦି ଆମ୍ଭେମାନେ ପରସ୍ପରକୁ ପ୍ରେମ କରୁ, ତେବେ ଆମ୍ଭମାନଙ୍କ ପିତା ଆମ୍ଭମାନଙ୍କଠାରେ ରହନ୍ତି, ଆଉ ତାହାଙ୍କ ପ୍ରେମ ଆମ୍ଭମାନଙ୍କଠାରେ ସିଦ୍ଧ ହୁଏ। ଏହା ଦ୍ଵାରା ଆମ୍ଭେମାନେ ଜାଣୁ ଯେ ଆମ୍ଭେମାନେ ତାହାଙ୍କଠାରେ ଓ ସେ ଆମ୍ଭମାନଙ୍କଠାରେ ରହୁ: ସେ ଆମ୍ଭମାନଙ୍କୁ ଆପଣା ଆତ୍ମାଙ୍କୁ ଦେଇଅଛନ୍ତି। ଆମ୍ଭମାନଙ୍କ ପିତା ଯେ ଜଗତର ତ୍ରାଣକର୍ତ୍ତା ରୂପେ ପୁତ୍ରଙ୍କୁ ପ୍ରେରଣ କଲେ, ଏହା ଆମ୍ଭେମାନେ ଦେଖିଅଛୁ ଆଉ ସାକ୍ଷ୍ୟ ଦେଉଅଛୁ। ଯେ ଯୀଶୁ ଆମ୍ଭମାନଙ୍କ ପିତାଙ୍କ ପୁତ୍ର ବୋଲି ସ୍ଵୀକାର କରେ, ଆମ୍ଭମାନଙ୍କ ପିତା ତାହାଠାରେ ରହନ୍ତି, ଆଉ ସେ ଆମ୍ଭମାନଙ୍କ ପିତାଙ୍କଠାରେ ରହେ। ଆମ୍ଭମାନଙ୍କ ପିତା ଆମ୍ଭମାନଙ୍କ ପ୍ରତି ଯେଉଁ ପ୍ରେମ ରଖନ୍ତି, ତାହା ଆମ୍ଭେମାନେ ଜାଣିଅଛୁ ଆଉ ବିଶ୍ଵାସ କରିଅଛୁ। ଆମ୍ଭମାନଙ୍କ ପିତା ପ୍ରେମ ଅଟନ୍ତି, ଆଉ ଯେ ପ୍ରେମରେ ରହେ, ସେ ତାହାଙ୍କଠାରେ ରହେ, ଆଉ ସେ ତାହାଠାରେ ରହନ୍ତି। ଏହା ଦ୍ଵାରା ପ୍ରେମ ଆମ୍ଭମାନଙ୍କଠାରେ ସିଦ୍ଧ ହୁଏ, ଯେପରି ବିଚାର ଦିନରେ ଆମ୍ଭମାନଙ୍କର ସାହସ ଥାଇପାରେ, କାରଣ ସେ ଯେପରି ଅଟନ୍ତି, ଆମ୍ଭେମାନେ ମଧ୍ୟ ଏହି ଜଗତରେ ସେପରି ଅଟୁ। ପ୍ରେମରେ ଭୟ ନାହିଁ; ସିଦ୍ଧ ପ୍ରେମ ଭୟକୁ ଦୂର କରିଦିଏ, ଯେଣୁ ଭୟ ସହିତ ଦଣ୍ଡ ଜଡ଼ିତ, ଆଉ ଯେ ଭୟ କରେ, ସେ ପ୍ରେମରେ ସିଦ୍ଧ ହୋଇ ନାହିଁ। ଆମ୍ଭେମାନେ ପ୍ରେମ କରୁ, କାରଣ ଆମ୍ଭମାନଙ୍କ ପିତା ପ୍ରଥମେ ଆମ୍ଭମାନଙ୍କୁ ପ୍ରେମ କଲେ। ଯଦି କେହି କହେ, “ମୁଁ ଆମ୍ଭମାନଙ୍କ ପିତାଙ୍କୁ ପ୍ରେମ କରେ,” ଅଥଚ ଆପଣା ଭାଇକୁ ଘୃଣା କରେ, ତେବେ ସେ ମିଥ୍ୟାବାଦୀ। କାରଣ ଯେ ଆପଣାର ଦୃଷ୍ଟ ଭାଇକୁ ପ୍ରେମ କରେ ନାହିଁ, ସେ ଆପଣାର ଅଦୃଷ୍ଟ ଆମ୍ଭମାନଙ୍କ ପିତାଙ୍କୁ ପ୍ରେମ କରିପାରେ ନାହିଁ। ଆଉ ଆମ୍ଭେମାନେ ତାହାଙ୍କଠାରୁ ଏହି ଆଜ୍ଞା ପାଇଅଛୁ: ଯେ ଆମ୍ଭମାନଙ୍କ ପିତାଙ୍କୁ ପ୍ରେମ କରେ, ସେ ଆପଣା ଭାଇକୁ ମଧ୍ୟ ପ୍ରେମ କରୁ।