Sung Che Luliteikei
Khünla paibü chia. Dawideibü.
Mütli pendoueibü satenbü ngühli, khümet nyangko longbü shuong tetetkei: lang ongei suian apbü, deiei kujung koubü. Jembü kibü kümsilei kho au che lapbou shuongeibü sung ka satenbü ki—thuibü kho haoen himshuong ka aying lausikei seneibü Bou nyena ki dogo tetsida.
124 1Seneibü Bou sen shanga akilonga—tou Israelbüei ho laushi, 2sen khulimbo müt longbü chaloua seneibü Bou sen shanga akilonga, 3kheijinei haoeneibü khauang sen khulimbo longbü chaloua, haoenei sen lang ong suian aplabü; 4kheijinei deiei sen kujung koulabü, shumangei sen thüka koulabü; 5kheijinei aei haukibü dei kho sen thüka koujung haulabü.
6Seneibü Bou sangashi, aoei sen haoeneibü hauh to mei tegü akukei! 7Au che lapbou shuongeibü sung ka satenbü tegü sen satenkei; sung che luliteikei, hoba sen satenkei! 8Seneibü thuibü kho müh si kao kümbou seneibü Bou nyena ki.
