Nyenụ Ya Otuto
Abụ ọma Devid.
Oké mmiri ozuzo na égbè eluigwe a ghọtara dịka olu Nna anyị, a na-esochi ya site n'oké osimiri gafee Lebanọn ruo n'ọzara Kadesh — na-agbaji osisi sida, na-eme ka ọzara maa jijiji, na-eme ka ele mụọ nwa. N'ụlọ nsọ ya, naanị ihe kwesịrị ekwesị a ga-aza bụ otu okwu: Ebube.
29 1Nyenụ Nna anyị, unu ndị bi nʼeluigwe, nyenụ Nna anyị otuto na ike. a a v1 "Ndị bi nʼeluigwe" bụ nsụgharị nke nkebiokwu Hibru maka ìgwè ndị mmụọ ozi — ndị òtù ụlọikpe eluigwe nke Nna anyị, ndị a na-akpọ nʼebe a ka ha fee ya ofufe. 2Nyenụ Nna anyị otuto ruru aha ya; feenụ Nna anyị ofufe nʼịma mma nke ịdị nsọ.
3Olu Nna anyị dị nʼelu mmiri; Nna nke otuto na-ada egbe eluigwe, Nna anyị nʼelu mmiri dị ukwuu. 4Olu Nna anyị dị ike; olu Nna anyị jupụtara nʼebube. 5Olu Nna anyị na-agbaji osisi sida; Nna anyị na-etipịa osisi sida nke Lebanọn. 6Ọ na-eme ka Lebanọn wụlie elu dịka nwa ehi, ka Siriọn dịka nwa ehi ọhịa. 7Olu Nna anyị na-amụpụta ire ọkụ na-enwu enwu. 8Olu Nna anyị na-eme ka ọzara maa jijiji; Nna anyị na-eme ka ọzara Kadesh maa jijiji. 9Olu Nna anyị na-eme ka mgbada mụọ nwa, na-emekwa ka oke ọhịa gba ọtọ; nʼime ụlọnsọ ukwu ya, onye ọbụla na-eti mkpu sị, “Otuto!”
10Nna anyị na-anọkwasị nʼocheeze nʼelu iju mmiri; Nna anyị na-anọkwasị nʼocheeze dịka eze ruo mgbe ebighị ebi. 11Ka Nna anyị nye ndị ya ike! Ka Nna anyị jiri udo gọzie ndị ya!
