ዘካርያስ 3

3 ¹ከዚያም ሊቀ ካህናቱን ኢያሱን በአባታችን መልአክ ፊት ቆሞ አሳየኝ፤ ከሳሹም ይከሰው ዘንድ በቀኙ ቆሞ ነበር።

²አባታችንም ከሳሹን እንዲህ አለው፤ “ይገሥጽህ፣ ከሳሽ ሆይ! ኢየሩሳሌምን የመረጠው ይገሥጽህ! ይህ ሰው ከእሳት የተነጠቀ ትንታግ አይደለምን?”

³ኢያሱም በመልአኩ ፊት ቆሞ ሳለ የቈሸሸ ልብስ ለብሶ ነበር። ⁴በፊቱ የቆሙትንም እንዲህ አላቸው፤ “የቈሸሸውን ልብሱን አውልቁለት።” ኢያሱንም፤ “እነሆ፣ በደልህን ከአንተ አስወግጃለሁ፤ የተዋበ ልብስም አለብስሃለሁ።”

⁵እኔም፣ “ንጹሕ ጥምጥም በራሱ ላይ አኑሩ” አልሁ። እነርሱም ንጹሕ ጥምጥም በራሱ ላይ አኖሩ፤ ልብስም አለበሱት፤ የአባታችን መልአክም በአጠገቡ ቆሞ ነበር።

⁶የአባታችንም መልአክ ኢያሱን አጥብቆ አዘዘው፤

⁷“የሰማይ ሠራዊት አባት እንዲህ ይላል፤ በመንገዴ ብትሄድ ሥርዐቴንም ብትጠብቅ፣ ቤቴን ትገዛለህ፤ አደባባዮቼንም ትጠብቃለህ፤ በዚህም ከቆሙት መካከል ስፍራ እሰጥሃለሁ። ⁸ሊቀ ካህናቱ ኢያሱ ሆይ፣ አሁን ስማ፤ አንተና በፊትህ የተቀመጡት ባልንጀሮችህ ምልክት የሆኑ ሰዎች ናቸውና፤ እነሆ፣ ባሪያዬን፣ ቡቃያውን—ኢየሱስን—ላመጣ ነው። ^a a v8 “ቡቃያ” የሚለው ስም፣ ለሚመጣው መሲሕ ከብሉይ ኪዳን ግልጽ ስሞች አንዱ ሲሆን፣ አባታችን በላከው ባሪያ በኢየሱስ ተፈጽሟል (ኤርምያስ 23፥5፤ ኢሳይያስ 11፥1)። ⁹እነሆ፣ በኢያሱ ፊት ያኖርሁትን ድንጋይ ተመልከት፤ በዚያ በአንዱ ድንጋይ ላይ ሰባት ዐይኖች አሉ። ጽሕፈቱን እቀርጻለሁ፣ ይላል የሰማይ ሠራዊት አባት፤ የዚህችንም ምድር በደል በአንድ ቀን አስወግዳለሁ። ^b b v9 በድንጋዩ ላይ ያሉት ሰባቱ ዐይኖች፣ እግዚአብሔር በምድር ሁሉ ላይ ያለውን ፍጹምና ነቅቶ የሚጠብቀውን እንክብካቤ ያመለክታሉ። ¹⁰በዚያ ቀን፣ ይላል የሰማይ ሠራዊት አባት፣ እያንዳንዱ ባልንጀራውን ከወይኑ ተክልና ከበለሱ ዛፍ በታች ይጋብዛል።”