Tebui Temaba Putir Süngzükdaktsür
Temaba putir Yihusuai memeshiba süoshi sobua sayu, metbuba pa teka tajichilen noktak. Metbuba aji rarabangsen agi melangzü: asen Tebui pa memeshiba süoshi endoka, süoshi tajung agütsü, aser anogo ka nung lima tai oadok, aser Kongsang tenzüker anir arutsü ta shir.
3 1Idangji pai asen Tebu tenyar madang noktaka liaba temaba putir Yihusua kü dang sayu, aser pa aitsü asoshi metbuba pa teka tajichilen noktak.
2Aser asen Tebui metbuba dang ashi, “Pai na arütsüjang, metbuba! Yirusalem shimtetbai na arütsüjang! Iba nisung mi nungi agiteter jangru süng ka masü no?”
3Tang pai tenyar madang noktaka lidang, Yihusuai memeshiba süoshi sobua liasü. 4Pai pa madang noktaka alirtem dang ashi, “Pa memeshiba süoshi endokjang.” Anungji Yihusua dang, “Ajiang, ni ne tai oadokogo, aser ni na süoshi tajung semoktsü.”
5Idangji nai ashi, “Pa kolak nung kolakjen temerük ka semokjang.” Anungji parnoki pa kolak nung aji semoka pa dak semoksü sobu, asen Tebu tenyar anasa noktak.
6Anungji asen Tebu tenyari Yihusua dang ozüng agüja ashi,
7“Yamai Temeranger Telok Tebui ashir: Nai kü lenmang nung jajara, aser kü melaba benshira, nai kü kidang o bendangtsü, aser kü tenemtem anebalutsü, aser ni anasa noktaka alirtem rongnung na nem tenem ka agütsütsü. 8Tang angang, temaba putir Yihusua, na aser ne madang amenba ne medemertem, kechiaser parnok temaitsü aliba nisungtem lir: ni kü tenzüker, Kongsang, anir arutsü. a a v8 Kongsang aji aruba Mesia asoshi Tezüngzük Tanga nung balala metetba tenüng rongnung ka lir, shiba Yisu, asen Tebui yoker Tenzüker, nung atalok (Yiremia 23:5; Yisaia 11:1). 9Yihusua madang ni yuba lung aji ajiang: aji lung ka nung tenük tenet lir. Ni iba manung o angenpoka zülutsü, ta Temeranger Telok Tebui ashir, aser ni anogo ka nung iba lima tai oadoktsütsü. b b v9 Lung nung tenük tenet aji, Tsüngremi alima ajak dang teti merena anebaluba temaitsü lir. 10Aji anogo nung, ta Temeranger Telok Tebui ashir, nisung shiai pei kiyonger pei tsükmenatzü tezü kübok aser pei mungu zünudong kübok jatsü.”