Baba Abwezeresa Nyantsembe Wankulu
Djoswa, nyantsembe wankulu, asaimira na nguwo zakupswipa, Nyakupambizira ali pa mbali pace. Kupambizirwa kunoko nkhabe kutawirwa na kupokana: Baba wathu asalamula kuti nguwo zakupswipa zibulusiwe, apaswe nguwo zakucena, mulandu wa dziko ubulusiwe mu ntsiku ibodzi, mbapalidzwa Nthambi.
3 1Na tenepo iye andipangiza Djoswa, nyantsembe wankulu, mbakhalimira patsogolo pa ntumwa wa Baba wathu, Nyakupambizira ali kunkono wace wamadyo toera kumpambizira.
2Baba wathu apanga Nyakupambizira tenepa: “Iye akusandike iwe, Nyakupambizira! Ule adasankhula Djerusalema akusandike iwe! Kodi munthu uyu si citi cakupya cidabulusiwa pa moto tayu?”
3Pa ndzidzi unoyu Djoswa akhabvala nguwo zakupswipa, mukhalimira iye patsogolo pa ntumwa. 4Iye apanga ale akhalimira patsogolo pace tenepa: “Bvulani nguwo zace zakupswipa.” Buluka penepo mbapanga Djoswa: “Ona, ndabulusa kudawa kwako, pontho ndinakubvazika nguwo zakubalika.”
5Penepo ine ndalonga tenepa: “Bvazikani duku yakucena pa nsolo pace.” Na tenepo aiikha pa nsolo pace mbambvazika nguwo, mukhalimira ntumwa wa Baba wathu pafupi.
6Penepo ntumwa wa Baba wathu apasa Djoswa ntemo mwakulimbirisa, mbalonga tenepa:
7“Baba wa mauto a kudzulu alonga tenepa: Ungafamba mu njira Zanga, mbukoya mitemo Yanga, unatonga nyumba Yanga, pontho unayang'anira mabwalo Yanga, pontho Ine ndinakupasa mbuto pakati pa awa ali pano. 8Bvesera cincino, Djoswa nyantsembe wankulu, iwe na andzako ale adakhala patsogolo pako, thangwi iwo ndi amuna a cidzindikiro: Ine ndiri cifupi kubweresa ntumiki Wanga, Nthambi. a a v8 Nthambi ndi m'bodzi wa madzina akudziwika kwene-kwene a Cibverano Cakale toera kulatiza Misiya anabwera, adakwanirisika mwa Yezu, Ntumiki adatumwa na Baba wathu (Yeremiya 23:5; Yezaya 11:1). 9Ona mwala udaikha Ine patsogolo pa Djoswa: pa mwala ule wa m'bodzi pana maso manomwe. Ine ndinatema cilembo cace, alonga Baba wa mauto a kudzulu, pontho Ine ndinabulusa kudawa kwa dziko ino mu ntsiku ibodzi basi. b b v9 Maso manomwe pa mwala asaimirira kutsalakana kwakukwana na kwakuyang'anira kwa Mulungu pa dziko yonsene. 10Mu ntsiku ineyo, alonga Baba wa mauto a kudzulu, m'bodzi na m'bodzi anacemera ndzace pantsi pa mphesa yace na pantsi pa nkuyu wace.”
