Nna anyị Na-eweghachi Onyeisi Nchụaja
Joshua onye isi nchụàjà guzo n'uwe ruru unyi, Onye Ebubo nọ ya n'akụkụ. A dịghị eji arụmụka aza ebubo ahụ: Nna anyị mere ka e yipụ ya uwe ruru unyi ahụ, nye ya uwe mwụda dị ọcha, wepụ ikpe ọmụma ala ahụ n'otu ụbọchị, kwupụtakwa Alaka ahụ.
3 1Mgbe ahụ, o gosiri m Jọshua onyeisi nchụaja ka o guzo nʼihu onyeozi Nna anyị, ebe Onye Na-ebo Ebubo guzo nʼaka nri ya ịbo ya ebubo.
2Nna anyị gwara Onye Na-ebo Ebubo sị, “Ka ọ baara gị mba, gị Onye Na-ebo Ebubo! Ka onye ahụ họọrọ Jerusalem baara gị mba! Ọ bụ na nwoke a abụghị nkụ na-enwu ọkụ nke a napụtara site nʼọkụ?”
3Ugbu a, Jọshua yi uwe ruru unyi mgbe o guzo nʼihu onyeozi ahụ. 4Ọ gwara ndị guzo nʼihu ya sị, “Yipụrụnụ ya uwe ruru unyi.” Mgbe ahụ ọ gwara Jọshua sị, “Lee, ewepụla m ikpe ọmụma gị, aga m eyikwa gị uwe mara mma.”
5Mgbe ahụ, asịrị m, “Kechienụ akwa isi dị ọcha nʼisi ya.” Ha kechiri ya nʼisi, yikwasịkwa ya uwe, ebe onyeozi Nna anyị guzo nʼakụkụ.
6Mgbe ahụ, onyeozi Nna anyị dọrọ Jọshua aka na ntị sị:
7“Otu a ka Nna nke usuu ndị agha eluigwe kwuru: Ọ bụrụ na ị ga-aga ije nʼụzọ m niile, debekwa iwu m, ị ga-achị ụlọ m, lekọtakwa ogige m niile, m ga-enyekwa gị ọnọdụ nʼetiti ndị a guzo nʼebe a. 8Gee ntị ugbu a, gị Jọshua onyeisi nchụaja, gị na ndị enyi gị ndị nọ ọdụ nʼihu gị, nʼihi na ha bụ ndị ikom nọ dịka ihe ịrịbaama: Ana m aga iweta ohu m, bụ Alaka ahụ. a a v8 Alaka bụ otu nʼime aha ndị kachasị doo anya nʼAgba Ochie maka Mezaya ahụ na-abịa, nke mezuru na Jisọs, bụ Ohu ahụ Nna anyị zitere (Jeremaya 23:5; Aịzaya 11:1). 9Lee nkume ahụ m doro nʼihu Jọshua: anya asaa dị nʼotu nkume ahụ. Aga m egbunye ihe edere ya, ka Nna nke usuu ndị agha eluigwe kwubiri, m ga-ewepụkwa ikpe ọmụma ala a nʼotu ụbọchị. b b v9 Anya asaa ahụ dị nʼelu nkume ahụ na-anọchi anya nlekọta zuru oke nke Chineke, nke o ji na-eche ụwa niile nche. 10Nʼụbọchị ahụ, ka Nna nke usuu ndị agha eluigwe kwubiri, onye ọbụla ga-akpọ onye agbata obi ya ka ọ bịa nọdụ nʼokpuru osisi vaịn ya na nʼokpuru osisi fig ya.”
