Mi eng' bukuit

Zekariah 3 FHB Father's Heart Bible™

Kiistoi 15% eng' kiy ne iale korook →
Bukuit

Isoobi Kwanda Tisiindet ne Oo

Tononi Joshua tisiindet ne oo kolaach ngoroik che ng'woneen, ak Punyondet eng' eunnyi. Ma kiwol baoryanet eng' siruutyet: aisto Kwandanyo ngoroik che ng'woneen agobo ineendet, kolaachi ngoroik che karaaran, koisto tengektap emet eng' peetuut agenge, ak kiamwa Temeet.

Ng'alaali Kwandanyo eng' mustarisyek 2, 7–10

Sura 3.

Yeityo ki koboorwo Joshua tisiindet ne oo kotonone eng' taitap malaikaiyatap Kwandanyo, ak Punyondet kotonone eng' eutap tai si kobaoryanji ineendet.

Ak ki leenji Kwandanyo Punyondet, koleenji, “Ingoigerin kong', inyee Punyondet! Ingoigerin kong' ineendet ne kagolewen Jerusalem! Tos ma chiichi ko kweenik ne lalei ne kiganap eng' maat?”

Ki laachi Joshua ngoroik che ng'woneen, kota kotonone eng' taitap malaikaiyat. Ki leenji icheek che tononjin eng' tainnyi, koleenji, “Oreegune ngoroikyik che ng'woneen.” Yeityo koleenji Joshua, “Keero, ka aisto tengektong'ung', ak alaaljin ngoroik che karaaran.”

Yeityo ale, “Okerchinee naaryeet ne tiliil metinnyi.” Ki kerchinee anyun icheek naaryeet metinnyi ak kolaachi ngoroik, kota kotonone malaikaiyatap Kwandanyo.

Yeityo ki charunee iman malaikaiyatap Kwandanyo Joshua, koleenji:

“Ni ng'olyoot ne mwaei Kwanda ne po lugoosyek: Ngot iwendotee ortinwekyuk ak iriip kotigonennyu, ko irwogei koonnyu ak iriip seremutinwekyuk, ak agoonin oliindo eng' kwenutap chu che tononjin yu. Ogas anyun, Joshua tisiindet ne oo, inyee ak choronokyuk che tebootin eng' taing'ung', amu piik che koek kaboorunet icheek: Keero, aamutei otwogindennyu, Temeet. a a v8 Temeet ko agenge eng' kainaik che toroochen miising' che po Testamenit ne Oo agobo Mesia ne nyonei, ne kagosulde eng' Jeso, Otwogindet ne ki yookto Kwandanyo (Jeremiah 23:5; Isaiah 11:1). Keer koita ne kaande eng' taitap Joshua: koonyek tisap eng' koichooto agenge. Awachi sireennyi, mwaei Kwanda ne po lugoosyek, ak aiste tengektoonap emoni eng' betusyet agenge. b b v9 Konyek tisap che eng' koita ko aboorunei riiretap Kamuktaindet ne mi komugul, ne iriipei ng'wony komugul tugul. Eng' betusyetoo, mwaei Kwanda ne po lugoosyek, ko kuurei chii tugul chiitap kokwennyi kelutap keetinnyi ne po sabibuk, ak mogoywennyi.”