ኣቦ ንሊቀ ካህናት ኣሐደሶ
ኢያሱ ሊቀ ካህናት ርኹስ ክዳውንቲ ተኸዲኑ፥ እቲ ኸሳሲ ኸዓ ኣብ ጎኑ ኾይኑ ደው ይብል። እቲ ክሲ ብክትዕ ኣይምለስን፦ ኣቦና ነቲ ርኹስ ክዳውንቲ ኣውፂኡ፥ ክቡር ልብሲ ሃቦ፥ ንበደል እታ ምድሪ ብሓንቲ መዓልቲ ኣወገዶ፥ ነቲ ጨንፈር ከዓ ኣበሰረ።
3 1ሽዑ ንኢያሱ ሊቀ ካህናት ኣብ ቅድሚ መልኣኽ ኣቦና ደው ኢሉ፥ እቲ ከሳሲ ድማ ክኸሶ ኣብ የማን ኢዱ ደው ኢሉ፥ ኣርኣየኒ።
2ኣቦና ድማ ነቲ ከሳሲ ኸምዙይ በሎ፦ “ኦ ከሳሲ፥ ይገስፀካ! እቲ ንኢየሩሳሌም ዝሓረያ ይገስፀካ! እዝ ሰብኣይ እዙይዶ ካብ ሓዊ ዝተመንጠለ ዝነድድ ዕንፀይቲ ኣይኮነን?”
3ኢያሱ ኸዓ ኣብ ቅድሚ እቲ መልኣኽ ደው ኢሉ እንተሎ፥ ርኹስ ክዳውንቲ ተኸዲኑ ነበረ። 4ነቶም ኣብ ቅድሚኡ ደው ኢሎም ዝነበሩ ድማ “ነቲ ርኹስ ክዳውንቱ ኣውፅኡ” በሎም። ንኢያሱ ኸዓ፦ “እንሆ፥ ንበደልካ ኻባኻ ኣወጊደዮ ኣለኹ፤ ክቡር ልብሲ ድማ ከኽድነካ እየ።”
5ሽዑ ኣነ “ንፁህ መጠምጠምያ ኣብ ርእሱ ግበሩሉ” በልኩ። ንሳቶም ድማ ነቲ መጠምጠምያ ኣብ ርእሱ ገበሩሉ፤ ከደንዎውን። መልኣኽ ኣቦና ኸዓ ኣብኡ ደው ኢሉ ነበረ።
6ሽዑ መልኣኽ ኣቦና ንኢያሱ ኣፅኒዑ ኸምዙይ ኢሉ ኣዘዞ፦
7“ኣቦ ሰራዊት ሰማይ ከምዙይ ይብል ኣሎ፦ ብመንገድታተይ እንተ ኸድካ፥ ስርዓተይውን እንተ ሓሎኻ፥ ንቤተይ ክትመሓድር፥ ኣፀዳተይውን ክትሕሉ ኢኻ፤ ኣብ ማእኸል እዞም ኣብዙይ ደው ኢሎም ዘለዉ ድማ ቦታ ክህበካ እየ። 8ኦ ኢያሱ ሊቀ ካህናት፥ ሕዚ ስማዕ፥ ንስኻን እቶም ኣብ ቅድሜኻ ተቐሚጦም ዘለዉ ብፆትካን፤ ንሳቶም ምልክት ዝኾኑ ሰብኡት እዮም እሞ፤ እንሆ፥ ንባርያይ እቲ ጨንፈር ከምፅኦ እየ። a a v8 እቲ ጨንፈር፥ ካብቲ ኣብ ብሉይ ኪዳን ንዝመፅእ መሲሕ ዝተውሃበ ኣዝዩ ግልፂ ስማት ሓደ እዩ፤ ብኢየሱስ፥ እቲ ኣቦና ዝለኣኾ ባርያ ተፈፀመ (ኤርምያስ 23፥5፤ ኢሳይያስ 11፥1)። 9እንሆ፥ ነቲ ኣብ ቅድሚ ኢያሱ ዘንበርክዎ እምኒ ርአ፤ ኣብ ልዕሊ እታ ሓንቲ እምኒ ሸውዓተ ኣዒንቲ ኣለዋ። ፅሕፈት ክቐርፀላ እየ፥ ይብል ኣቦ ሰራዊት ሰማይ፤ በደል እዛ ምድሪ እዚኣ ድማ ብሓንቲ መዓልቲ ከወግዶ እየ። b b v9 እተን ኣብቲ እምኒ ዘለዋ ሸውዓተ ኣዒንቲ፥ ነቲ እግዚኣብሄር ኣብ ልዕሊ ብዘላ ምድሪ ዘለዎ ፍፁምን ተጠንቃቕን ሓልዮት የመልክታ። 10በታ መዓልቲ እቲኣ፥ ይብል ኣቦ ሰራዊት ሰማይ፥ ነፍሲ ወከፍ ንብፃዩ ኣብ ትሕቲ ወይኑን ኣብ ትሕቲ በለሱን ክዕድሞ እዩ።”
