1 ዜና መዋዕል 4

4 ¹የይሁዳ ዝርያዎች፦ ፋሬስ፣ ሐጽሮን፣ ከርሚ፣ ሑር፣ ሶባል። ²የሶባል ልጅ ሰርዓያ ያሃትን ወለደ፤ ያሃትም አኩማንና ላሃድን ወለደ፤ እነዚህም የጾርዓታውያን ጎሳዎች ነበሩ። ³የዔጣም ልጆች እነዚህ ነበሩ፦ ይዝራኤል፣ ይስማ፣ ይድባስ፤ የእኅታቸውም ስም ሃጽልልፎኒ ነበር። ⁴ፍኑኤል ጌዶርን ወለደ፤ ኤዜርም ሁሻን ወለደ። እነዚህ የቤተ ልሔም አባት የሆነው የኤፍራታ በኵር የሑር ልጆች ነበሩ። ⁵የቴቁሐ አባት አሽሑር ሁለት ሚስቶች ነበሩት፤ እነርሱም ሔላና ናዓራ ነበሩ። ⁶ናዓራ አኁዛምን፣ ሔፌርን፣ ቴማኒንና አሐሽታሪን ወለደች። እነዚህ የናዓራ ልጆች ነበሩ። ⁷የሔላ ልጆች፦ ጼሬት፣ ጺሃር፣ ኤትናን። ⁸ቆጽ ዓኑብንና ጾቤባን፣ እንዲሁም የሃሩም ልጅ የአሐርሔልን ጎሳዎች ወለደ።

⁹ያብኤጽ ከወንድሞቹ ይልቅ የተከበረ ነበር፤ እናቱም፣ “በሕመም ወልጄዋለሁ” ስትል ያብኤጽ ብላ ሰየመችው። ^a a v9 ያብኤጽ የሚለው ስም “ሕመም” ከሚለው ቃል ጋር ይመሳሰላል፤ ይኸውም እናቱ በወለደችው ጊዜ የተናገረችው ቃል ነው።

¹⁰ያብኤጽ የእስራኤል አባታችንን እንዲህ ሲል ተጣራ፦ “በእውነት ብትባርከኝና ድንበሬን ብታሰፋልኝ እመኛለሁ! እጅህ ከእኔ ጋር ትሁን፤ ሕመም እንዳይደርስብኝም ከክፉ ጠብቀኝ።” አባታችንም የለመነውን ሰጠው።

¹¹የሹሃ ወንድም ከሉብ የኤሽቶን አባት የሆነውን ሜሂርን ወለደ። ¹²ኤሽቶን ቤተ ራፋን፣ ፓሴንና የዒር ናሐሽ አባት የሆነውን ተሂናን ወለደ። እነዚህ የሬካ ሰዎች ነበሩ። ¹³የቄኔዝ ልጆች፦ ጎቶንያልና ሠራያ፤ የጎቶንያልም ልጆች፦ ሃታትና ምዖኖታይ። ¹⁴ምዖኖታይ ዖፍራን ወለደ። ሠራያም የባለ ሞያተኞች ሸለቆ የተባለው የጌሃራሺም አባት ኢዮአብን ወለደ፤ የሸለቆው ሰዎች ባለ ሞያተኞች ነበሩና። ¹⁵የይፍኔ ልጅ የካሌብ ልጆች፦ ኢሩ፣ ኤላ፣ ናዓም፤ የኤላም ልጅ፦ ቄኔዝ። ¹⁶የይሃልልኤል ልጆች፦ ዚፍ፣ ዚፋ፣ ቲርያ፣ አሳርኤል። ¹⁷የዕዝራ ልጆች፦ ዬቴር፣ ሜሬድ፣ ዔፌር፣ ያሎን። የሜሬድ ሚስት ማርያምን፣ ሻማይንና የኤሽቲሞ አባት የሆነውን ይስባህን ወለደች። ¹⁸የይሁዳ ሚስቱ የጌዶር አባት ያሬድን፣ የሱኮ አባት ሔቤርንና የዛኖሃ አባት ይቁትያልን ወለደች። እነዚህም ሜሬድ ያገባት የፈርዖን ልጅ የቢትያ ልጆች ነበሩ። ¹⁹የናሐም እኅት የሆነችው የሆድያ ሚስት ልጆች ጋርማዊውን ቅዒላንና መዓካዊውን ኤሽቲሞን ወለዱ። ²⁰የሽሞን ልጆች፦ አምኖን፣ ሪና፣ ቤን ሐናን፣ ቲሎን። የዪሺ ልጆች፦ ዞሔትና ቤን ዞሔት። ²¹የይሁዳ ልጅ የሴላ ልጆች፦ የሌካ አባት ዔር፣ የመሬሻ አባት ልዓዳ፤ እንዲሁም የቤተ አሽቤ የበፍታ ሠራተኞች ጎሳዎች። ²²ዮቄም፣ የኮዜባ ሰዎች፣ ኢዮአስና በሞዓብ የገዙ ከዚያም ወደ ቤተ ልሔም የተመለሱ ሳራፍ ነበሩ፤ እነዚህ መዛግብት ጥንታዊ ናቸው። ²³እነዚህ በነጣዒምና በገዴራ የኖሩ ሸክላ ሠሪዎች ነበሩ፤ ለንጉሡ ለመሥራትም በዚያ ተቀመጡ።

የስምዖን ትውልድ፦ ጎሳዎቻቸውና ሰፈሮቻቸው

²⁴የስምዖን ልጆች፦ ነሙኤል፣ ያሚን፣ ያሪብ፣ ዛራ፣ ሳኦል፤ ²⁵ልጁ ሳሎም፣ ልጁ ሚብሳም፣ ልጁ ሚሽማ። ²⁶የሚሽማ ልጆች፦ ልጁ ሃሙኤል፣ ልጁ ዘኩር፣ ልጁ ሺሚ። ²⁷ሺሚ ዐሥራ ስድስት ወንዶች ልጆችና ስድስት ሴቶች ልጆች ነበሩት፤ ወንድሞቹ ግን ጥቂት ልጆች ነበሯቸው፤ ጎሳቸውም እንደ ይሁዳ ጎሳ ፈጽሞ አልበዛም። ²⁸በቤርሳቤህ፣ በሞላዳ፣ በሐጻር ሹዓል፣ ²⁹በቢልሃ፣ በዔጸም፣ በቶላድ፣ ³⁰በባቱኤል፣ በሐርማ፣ በጺቅላግ፣ ³¹በቤተ መርካቦት፣ በሐጻር ሱሲም፣ በቤተ ቢርዒ፣ በሻዓራይም ኖሩ። እነዚህ ዳዊት እስከ ነገሠበት ጊዜ ድረስ ከተሞቻቸው ነበሩ። ³²በዙሪያቸውም የነበሩት መንደሮች ዔጣም፣ ዓይን፣ ሬሞን፣ ቶከንና ዓሳን ነበሩ፤ አምስት ከተሞች ናቸው፤ ³³በእነዚህ ከተሞች ዙሪያ እስከ በኣል ድረስ የነበሩ መንደሮቻቸውም ሁሉ ነበሩ። እነዚህ ሰፈሮቻቸው ነበሩ፤ የገዛ ራሳቸውንም የትውልድ መዝገብ ያዙ። ³⁴መሾባብ፣ ያምሌክ፣ የአሜስያስ ልጅ ዮሻ፣ ³⁵ኢዮኤል፣ የዮሺብያ ልጅ፣ የሠራያ ልጅ፣ የዓሲኤል ልጅ የሆነው ኢዩ፣ ³⁶ኤሊዮዕናይ፣ ያዕቆባ፣ ይሾሃያ፣ ዓሳያ፣ ዓድኤል፣ ይሲምኤል፣ በናያ፣ ³⁷የሺፊ ልጅ፣ የአሎን ልጅ፣ የይድያ ልጅ፣ የሺምሪ ልጅ፣ የሸማያ ልጅ የሆነው ዚዛ። ³⁸በስም የተዘረዘሩት እነዚህ ሰዎች በጎሳዎቻቸው አለቆች ነበሩ፤ ቤተ ሰቦቻቸውም እጅግ በቍጥር በዙ። ³⁹ለመንጎቻቸው የሚሆን መሰማሪያ ፍለጋ ከሸለቆው በስተ ምሥራቅ ወዳለው ወደ ጌዶር መግቢያ ሄዱ። ⁴⁰ጥሩና ለም መሰማሪያም አገኙ፤ ምድሪቱም ሰፊ፣ ጸጥ ያለችና ሰላማዊ ነበረች፤ ቀድሞ የኖሩባት ሰዎች ከካም ወገን ነበሩና። ⁴¹በስም የተመዘገቡት እነዚህ ሰዎች የይሁዳ ንጉሥ ሕዝቅያስ በነገሠበት ዘመን መጥተው የካም ወገኖችን ድንኳኖችና በዚያ የተገኙትን ምዑናውያን ወጉ፤ እስከ ዛሬም ድረስ ፈጽመው አጠፏቸው፤ በዚያም ለመንጎቻቸው መሰማሪያ ስለ ነበረ በእነርሱ ስፍራ ሰፈሩ። ⁴²ከስምዖናውያንም መካከል አምስት መቶ ሰዎች በዪሺ ልጆች በፈላጥያ፣ በነዓርያ፣ በራፋያና በዑዝኤል መሪነት ወደ ሴይር ተራራ ሄዱ። ⁴³የተረፉትን የአማሌቃውያንን ቅሬታ መትተው ገደሉ፤ እስከ ዛሬም ድረስ በዚያ ኖሩ።