Ingoma Entsha
Ihubo elisha elinobukhali: ukusina, amashumela, ukuhlabelela emibhedeni yabo, nenkemba esika nhlangothi zombili esandleni ukuze kwenziwe ukwahlulela okulotshiweyo emakhosini nasezizweni. Udumo lungolwabathobekileyo, uBaba wethu abathwesa umqhele wensindiso.
149 1Haleluya! Hlabelelani kuBaba wethu ingoma entsha, indumiso yakhe ebandleni labathembekileyo.
2U-Israyeli makathokoze ngoMenzi wakhe; abantwana baseZiyoni mabajabule ngeNkosi yabo. 3Mabadumise igama lakhe ngokusina, bemhubela ngesigubhu nangehabhu. 4Ngokuba uBaba wethu uyathokoza ngabantu bakhe; uthwesa abathobekileyo umqhele wensindiso. a a v4 UBaba wethu akagcini nje ngokubabekezelela abantu bakhe — uyathokoza ngabo, uhlobise abathobekileyo ngensindiso yakhe. 5Abathembekileyo mabathokoze ngalolu dumo; mabahlabelele ngenjabulo emibhedeni yabo.
6Izibongo eziphakemeyo zikaBaba wethu mazibe semlonyeni wabo, nenkemba esika nhlangothi zombili esandleni sabo, 7ukwehlisela ukwahlulela phezu kwezizwe nesahlulelo phezu kwabantu, 8ukubopha amakhosi abo ngamaketanga nezikhulu zabo ngezibopho zensimbi, 9ukwehlisela kubo isahlulelo esilotshiweyo. Lolu ludumo lwabo bonke abathembekileyo bakhe. Haleluya!
