ಹೊಸ ಹಾಡು

ಹರಿತವಾದ ಒಂದು ಹೊಸ ಹಾಡು: ನರ್ತನ, ದಮ್ಮಡಿಗಳು, ಹಾಸಿಗೆಯ ಮೇಲೆ ಹಾಡುವಿಕೆ, ಮತ್ತು ಅರಸರ ಹಾಗೂ ಜನಾಂಗಗಳ ಮೇಲೆ ಬರೆದಿರುವ ನ್ಯಾಯತೀರ್ಪನ್ನು ನಡೆಸಲು ಕೈಯಲ್ಲಿ ಇಬ್ಬಾಯಿ ಕತ್ತಿ. ಈ ಗೌರವ ದೀನರಿಗೆ ಸೇರಿದ್ದು; ನಮ್ಮ ತಂದೆ ಅವರಿಗೆ ರಕ್ಷಣೆಯ ಕಿರೀಟವನ್ನು ತೊಡಿಸುತ್ತಾನೆ.

ಅಧ್ಯಾಯ 149.

ಹಲ್ಲೆಲೂಯಾ! ನಮ್ಮ ತಂದೆಗೆ ಹೊಸ ಹಾಡನ್ನು ಹಾಡಿರಿ; ಭಕ್ತರ ಸಭೆಯಲ್ಲಿ ಅವರ ಸ್ತುತಿಯನ್ನು ಹಾಡಿರಿ.

ಇಸ್ರಾಯೇಲ್ ತನ್ನ ಸೃಷ್ಟಿಕರ್ತನಲ್ಲಿ ಉಲ್ಲಾಸಪಡಲಿ; ಚೀಯೋನಿನ ಮಕ್ಕಳು ತಮ್ಮ ಅರಸನಲ್ಲಿ ಆನಂದಿಸಲಿ. ಅವರು ನೃತ್ಯಮಾಡುತ್ತಾ ಅವರ ನಾಮವನ್ನು ಸ್ತುತಿಸಲಿ; ದಮ್ಮಡಿಯಿಂದಲೂ ಕಿನ್ನರಿಯಿಂದಲೂ ಅವರಿಗೆ ಗಾನಮಾಡಲಿ. ಏಕೆಂದರೆ ನಮ್ಮ ತಂದೆ ತಮ್ಮ ಜನರಲ್ಲಿ ಆನಂದಿಸುತ್ತಾರೆ; ದೀನರಿಗೆ ರಕ್ಷಣೆಯ ಕಿರೀಟವನ್ನು ತೊಡಿಸುತ್ತಾರೆ. ^a ಭಕ್ತರು ಈ ಘನತೆಯಲ್ಲಿ ಉಲ್ಲಾಸಪಡಲಿ; ತಮ್ಮ ಹಾಸಿಗೆಗಳ ಮೇಲೆ ಆನಂದದಿಂದ ಹಾಡಲಿ.

ನಮ್ಮ ತಂದೆಯ ಉನ್ನತ ಸ್ತುತಿಗಳು ಅವರ ಬಾಯಲ್ಲಿಯೂ ಇಬ್ಬಾಯಿಯ ಕತ್ತಿ ಅವರ ಕೈಯಲ್ಲಿಯೂ ಇರಲಿ, ಜನಾಂಗಗಳ ಮೇಲೆ ನ್ಯಾಯವನ್ನೂ ಪ್ರಜೆಗಳ ಮೇಲೆ ದಂಡನೆಯನ್ನೂ ಬರಮಾಡುವುದಕ್ಕೆ, ಅವರ ಅರಸರನ್ನು ಸಂಕೋಲೆಗಳಿಂದಲೂ ಅವರ ಗಣ್ಯರನ್ನು ಕಬ್ಬಿಣದ ಬೇಡಿಗಳಿಂದಲೂ ಕಟ್ಟುವುದಕ್ಕೆ, ಅವರ ಮೇಲೆ ಬರೆಯಲ್ಪಟ್ಟ ತೀರ್ಪನ್ನು ನೆರವೇರಿಸುವುದಕ್ಕೆ. ಇದೇ ಅವರ ಸಕಲ ಭಕ್ತರ ಘನತೆ. ಹಲ್ಲೆಲೂಯಾ!