نوے سندره
یوه نوې سندره چې تېره څنډه لري: نڅا، دایرې، په خپلو بسترو کې سندرې، او په لاس کې دوه سرې توره ترڅو پر پاچایانو او قومونو لیکلی قضاوت پلي کړي. عزت د عاجزانو دی، او زموږ پلار هغوی ته د نجات تاج پر سر ږدي.
149 1اللهُ اکبر! زمونږ پلار ته نوے سندره ووايئ، د وفادارو په جماعت کښې د هغۀ ثناء ووايئ.
2اِسرائيل دې په خپل خالق خوشحالى وکړى، د صيون بچى دې په خپل بادشاه شاد وى. 3هغوئ دې د ګډا سره د هغۀ د نوم ثناء ووايى، د دف او د رباب سره دې هغۀ ته سندرې ووايى. 4ځکه چې زمونږ پلار په خپلو خلقو خوشحاليږى، هغه عاجزانو ته د خلاصون تاج ورکوى. a a v4 زمونږ پلار په خپلو خلقو صرف صبر نۀ کوى — بلکې په هغوئ خوشحاليږى، او عاجزان په خپل خلاصون ښائسته کوى. 5وفادار دې په دې عزت خوشحالى وکړى، په خپلو بسترو باندې دې د خوشحالۍ نه سندرې ووايى.
6د زمونږ پلار اوچته ثناء دې د هغوئ په خولو کښې وى، او دوه مخه تُوره دې د هغوئ په لاس کښې وى، 7دې دپاره چې په قومونو عدل راولى او په اُمتونو انصاف، 8دې دپاره چې د هغوئ بادشاهان په زنځيرونو وتړى او د هغوئ معتبران د اوسپنې په کړيو، 9دې دپاره چې په هغوئ باندې ليکلے انصاف نافذ کړى. دا د هغۀ د ټولو وفادارو عزت دے. اللهُ اکبر!
