Joṣua 12

12 ¹Wọ̀nyí ni àwọn ọba ilẹ̀ náà tí àwọn ọmọ Israẹli ṣẹ́gun, tí wọ́n sì gba ilẹ̀ wọn ní ìlà-oòrùn Odò Jordani—láti Àfonífojì Arnoni títí dé Òkè Hermoni—àti gbogbo Araba ìlà-oòrùn: ²Sihoni, ọba àwọn ará Amori, tí ó ń gbé ní Heṣboni tí ó sì ń ṣàkóso láti Aroeri ní etí Àfonífojì Arnoni—láti àárín àfonífojì náà—àti lórí ìdajì Gileadi, títí dé Odò Jabboki, ààlà àwọn ọmọ Ammoni; ³àti lórí Araba ìlà-oòrùn, láti Òkun Kinnereti títí dé Òkun Araba (Òkun Òkú), ní ìhà Beti-jeṣimoti, àti ní ìhà gúúsù ní ìsàlẹ̀ àwọn gẹ̀rẹ́gẹ̀rẹ́ Pisga. ⁴Àti agbègbè Ogu ọba Baṣani, ìyókù àwọn ará Refaimu, tí ó ń gbé ní Aṣtaroti àti Edrei. ⁵Ó ń ṣàkóso Òkè Hermoni, Saleka, gbogbo Baṣani títí dé ààlà àwọn ará Geṣuri àti àwọn ará Maakati, àti ìdajì Gileadi, títí dé ààlà Sihoni ọba Heṣboni. ⁶Mose, ìránṣẹ́ Baba wa, àti àwọn ọmọ Israẹli ṣẹ́gun wọn; Mose, ìránṣẹ́ Baba wa, sì fi ilẹ̀ wọn fún àwọn ará Reubeni, àwọn ará Gadi, àti ìdajì ẹ̀yà Manasse ní ìní.

Àwọn Ọba tí Baba Fi Lé Wọn Lọ́wọ́ ní Ìwọ̀-Oòrùn Odò Jordani

⁷Wọ̀nyí ni àwọn ọba ilẹ̀ náà tí Joṣua àti àwọn ọmọ Israẹli ṣẹ́gun ní ìwọ̀-oòrùn Odò Jordani, láti Baali-gadi ní Àfonífojì Lebanoni títí dé Òkè Halaki, tí ó gòkè lọ sí ìhà Seiri. Joṣua sì fi í fún àwọn ẹ̀yà Israẹli ní ìní, ní ìpín kọ̀ọ̀kan. ⁸Ilẹ̀ olókè, ilẹ̀ pẹ̀tẹ́lẹ̀, Araba, àwọn gẹ̀rẹ́gẹ̀rẹ́, aginjù, àti Negebu—ilẹ̀ àwọn ará Hiti, àwọn ará Amori, àwọn ará Kenaani, àwọn ará Perisi, àwọn ará Hifi, àti àwọn ará Jebusi:

⁹Ọba Jeriko, ọ̀kan; ọba Ai, tí ó wà nítòsí Beteli, ọ̀kan;

¹⁰ọba Jerusalemu, ọ̀kan; ọba Hebroni, ọ̀kan;

¹¹ọba Jarmuti, ọ̀kan; ọba Lakiṣi, ọ̀kan;

¹²ọba Egloni, ọ̀kan; ọba Geseri, ọ̀kan;

¹³ọba Debiri, ọ̀kan; ọba Gederi, ọ̀kan;

¹⁴ọba Horma, ọ̀kan; ọba Aradi, ọ̀kan;

¹⁵ọba Libna, ọ̀kan; ọba Adullamu, ọ̀kan;

¹⁶ọba Makkeda, ọ̀kan; ọba Beteli, ọ̀kan;

¹⁷ọba Tappua, ọ̀kan; ọba Heferi, ọ̀kan;

¹⁸ọba Afeki, ọ̀kan; ọba Laṣaroni, ọ̀kan;

¹⁹ọba Madoni, ọ̀kan; ọba Hasori, ọ̀kan;

²⁰ọba Ṣimroni-meroni, ọ̀kan; ọba Akṣafi, ọ̀kan;

²¹ọba Taanaki, ọ̀kan; ọba Megiddo, ọ̀kan;

²²ọba Kedeṣi, ọ̀kan; ọba Jokneamu ní Karmeli, ọ̀kan;

²³ọba Dori ní Nafati-dori, ọ̀kan; ọba Goiimu ní Gilgali, ọ̀kan;

²⁴ọba Tirsa, ọ̀kan—àpapọ̀ àwọn ọba mọ́kànlélọ́gbọ̀n ní gbogbo rẹ̀.